|
مشكلة تزاوج انثى جيرمن شيبرد
السلام عليكم
يعطيكم العافية شباب, عندي مشكلة مع انثى جيرمن شيبرد عمرها سنتين تقريبا وجاهزة حاليا للتزاوج في اليوم الثامن وداخله التاسع اخذتها للتزاوج مع ذكر ورفضت التزاوج وما خلت الذكر يقرب لها غيرنا الذكر ونفس المشكلة حطيت عليها MUZZLE وربطناها بالليش في زاويه وبرضه ما فيه فايده بهذلتنا طفشت واخذتها, والمشكلة عندي ذكر من عمرها ومعاها بس طلع للأسف مو راعيها, وهو الوحيد الي تتقبله وتخليه يثب عليها بس ماش ثواني وينزل "مدري شا اقول سود الوجه" شو الحل يا شباب؟ والف شكر |
رد: مشكلة تزاوج انثى جيرمن شيبرد
هل والكلبه وقفت تنزيل الدم اذا للحين اصبر من توقف الدم على طول ودها
ويمكن يمكن يبغا ليها ان تتعود على الكلب الذكر الجديد علشان يصير التزاوج تحياتي |
رد: مشكلة تزاوج انثى جيرمن شيبرد
لا لسى ما وقف الدم! بس بتدخل في اليوم التاسع من يوم نزول الدم..
يعطيك العافية اخوي وما قصرت.. |
رد: مشكلة تزاوج انثى جيرمن شيبرد
انطر لين ما يوقف نزيل الدم وبعدين ودها
وبالتوفيق في الأنتاج تحياتي |
رد: مشكلة تزاوج انثى جيرمن شيبرد
عساك على القوة اخوي والف شكر..
بس الي اعرفه انه فترة التزواج من اليوم 7 من نزول الدم عند الجيرمن شيبرد... يمكن تكون معلومات خطأ.. تحياتي |
رد: مشكلة تزاوج انثى جيرمن شيبرد
صحيح كلام استاذي الموسوي
وليش ماتكون حسبتك غلط لانها صارة معي من زمان وايضافة بعض الاناثي اذا راحت مكان غريب عليها مستحيل انها تتلقح حاول انك تجيب الذكر في مكانها ولك تحياتي |
رد: مشكلة تزاوج انثى جيرمن شيبرد
اقتباس:
مثل ما ان بعض الجيرمن يبلغون في 8 اشهر فيه جيرمن يبلغون ب 6 اشهر و فيه بسنه . ونفس الشي يصير في دورة الشبق ،، فيه اناث تجهز باليوم السابع فيه اناث تجهز باليوم ال12 عشان كذا انت لازم تفتح تمام و تعرف شوضع كلبتك . انصحك من الان تجهز الكلبه للتزاوج و تجيب الذكر اللي انت تبيه عندك في المكان و تحاول توالفهم مع بعض ،، و تمسح على الانثى و تشجعها و تكافئها على تقبلها الذكر . ولما تكون جاهزه 100٪ الذكر راح يثب عليها . و اذا تعبتكم من جديد تقدر انت تمسكها له و تمسح عليها وتهديها . واذا وثب عليها و حاولت تقاومه ثبتها شوي وان شاء الله تضبط الامور . مثل ما قالوا اخواني .. المسأله تحتاج صبر و انتباه . تحياتي لك . |
رد: مشكلة تزاوج انثى جيرمن شيبرد
السلام عليكم ورحمة الله وبركاته
الجماعة ماقصروا بالردود صراحة وعندي اضافة سريعه بما ان الأنثى اجتازت عمر السنتين عندك أحدى طرق التلقيح الصناعي ( 1 ) الحقن وهذي الطريقة تحتاج الى دراسة بعناية وتكون بأخذ عينة من الحيوانات المنوية للذكر عن طريق وضع الواقي الذكري واخذه بعد عملية الجماع ويتم وضعها في حقن والحقن تكون موصولة بأنبوبة ويتم دفع السائل المنوي بعد رفع رجليين الأنثى وتركها مرفوعة لمدة 10 عشر ويجب ان تتم العملية في مكان لاتزيد درجة حرارته أكثر من 25 درجة مئوية ( 2 ) العملية الجراحية > القسطرة يجب ان تكون عن طريق بيطري متخصص يتم عمل شق في منتصف بطن الكلب وعزل جسم الرحم ونقل المني عن طريق الحقنة وبعد ذلك يتم تخييط البطن يتم استعمالها في حالات : 1 - للإناثي التي لاتقبل التزاوج 2 -عدم تناسب الحجم بين الذكر والأنثى ولكن في البداية جرب طرق إخواني الي ذكروها فوق تحياتي لكم جميعاً |
رد: مشكلة تزاوج انثى جيرمن شيبرد
يعطيكم العافية شباب ما قصرتوا على الافادة..
الف شكر |
| جميع الأوقات بتوقيت GMT +3. الساعة الآن 11:33 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو