![]() |
تصرفات الكاسكوو ؟؟
السلام عليكم ... بعض التصرفات يقوم بها طيري ألا وهي انه يسبح نفسه ويرش الماء كل مكان وعلى جسمه ..؟؟ هل هذا عادي ..
وحطيت له اكل حبوب وحب شمس قام ونثر الاكل كله ما ادري ليش هل ما عجبه ولا يستعبط ما ادري ما معنى هذا التصرف .. وآخر تصرف يوم تصير الجمعه في البيت يقعد يقطع الخشب مال الاستاند خلص الخشب باقي شوي ويطيح من كثر ما يقطع منه .. هذا طبيعي .. واحيانا يطير من مكانه اذا شاف اشخاط معينيين مثل الخادمه مثلا يطير ويقعد تحت الكنب وما يطلع لين اجي اشيله وارجعه حتى لو يوم كامل وما ياكل ولا يشرب لين اشيله وارجعه على الاستاند .. واحيانا ما اكون موجود فيقعد تحت الكنب محد يقدر يطلعه ههههههه .. شكرا لكم .. |
رد: تصرفات الكاسكوو ؟؟
سلام عليكم -الطيور بطبيعتها تحب الإستحمام وبشكل مستمر ، فطيرك الحمد لله من النوع اللي يستحم ابنفسه مجرد وضع إناء كبير مع مراعاة كمية الماء الماء الموجود لكي تتحاشى غرق الطير ، لا سمح الله -نثر الحبوب على الأرض هذه طرق تستخدمها الطيور بعض الأحيان للتعبير عن شئياً ما :rolleyes: وأنا أعتقد ومو متأكد إن طيرك قليل الجلوس معاه ، أو إذا ما كان هذا السبب يكون يلعب بالإناء نفسه -تقطيع الأخشاب هذا جداً طبيعي وهذا شيئ غريزي في طيور فصيلة البورت (البغباوات) أنصحك بتوفير لعبة خشبية عشان يمارس العض وهذا الأفضل والألعاب الموجودة للطيور هي تخفف من الشراسة والوحشية ، علق لعبة او لعبتين في القفص أو على لستاند على حسب الموجود -هروب الطير من على لستاند (المجثم) طبيعي أيضاً وهذا دليل الخوف لكي تقضي على هذه العادة وتشجع الطير على ان يكون صديق كل إنسان حاول انك تخلي الطير يقف على يدك وتأكله من يدك مع المسح وان شاء الله راح يخف الخوف من الناس الغرباء الموجودين في البيت بالتوفيق |
رد: تصرفات الكاسكوو ؟؟
بصراحه رد وافي من مشرفنا
|
رد: تصرفات الكاسكوو ؟؟
شكرا للتواصل ويعطيكم العافيه .. وما قصرتوا
|
جميع الأوقات بتوقيت GMT +3. الساعة الآن 12:09 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو