تكفون ياخبراء التلقين للكاسكو ابي فزعتكم !!
 

السلام عليكم يالاخوان ابي افضل طريقه لتعليم الببغاء الكلام واستجابته لتلقين لانا عندي طير فرخ وعمره الان سنه ونص تقريبا كان مايتكلم ابدا لكن الان يتكلم كم كلمه فقط وكل مايشوفني يقول تعال تعال فوق فوق هذي دايما يقولها والكلام الثاني يقول عطني بوسه بس احيانا يقطع في نطقها واغلب وقته تصفير مع اني يأست ومليت من سالفه التلقين هذي لاني كل يوم القنه السلام عليكم يمكن 50 مره ونطقها مره وحده قبل مده وصار ماينطقها ابي طريقه الخبراء في التلقين شلون مع الوصف العلمي ياجماعه وهل الطير مدامه تكلم يعني خلاص يقدر يتكلم بالمستقبل وهل وجود طائر كاسكو من نفس فصيلته بالبيت لكن في غرفه بعيده عنه ياثر علي تلقين الطير الكلام ؟؟؟؟

:confused::confused::confused:

رد: تكفون ياخبراء التلقين للكاسكو ابي فزعتكم !!
 

السلام عليكم ورحمه الله وبركاته

تحيه طيبه اخي الفاضل

اولا وقبل كل شيء الف مبروك عليك طيرك ويتربى بعزك

ثانيا موضوع التلقين يعتمد بشكل اساسي على وقت وطريقه ونوعيه الكلام الملقن للطير

يفضل ان يكون الوقت قبل المغرب او فترات الصباح الباكر وانا افضل وقت ما بعد الفجر ولذلك لبعد اصوات السيارات وازعاجها
وهذه الاوقات تفضل لانها الاوقات الت يكون فيها الببغاء نشيط جدا ولعوب جدا ومركز بكل ما يقال له

طريقه التلقين يفضل جعل وجهك مقابل وجه الطير ليتوزع صوتك على كلا من اذني الطير او عن طريق المايكرفون ولكنها غير محببه لان الطير يشعر فيها بالملل

نوعيه الكلام لابد ان تكون من الكلمات البسيطه كالمفردات وغيرها من الكلمات التي تحتوي على حروف المد مثل الالف والياء ويتضح لي حب طيرك للكلام الي فيه حروف المد مثل تعال تعال

وان تكلم الطير انشاءالله يبقى متكلم مدى الحياه ولكن تعليمه اسهل وهو صغير السن

تقبل مروري اخي الفاضل واتمنى ان اكون قد اجبتك عن كل استفساراتك ويسعدني ان اكون اول من اجاب عليك

اخوكم \ بلاك بيري

رد: تكفون ياخبراء التلقين للكاسكو ابي فزعتكم !!
 

للرفع

رد: تكفون ياخبراء التلقين للكاسكو ابي فزعتكم !!
 

رد: تكفون ياخبراء التلقين للكاسكو ابي فزعتكم !!
 

حياك يا غالي واسف ع التاخير
دخولي للمنتدى صار قليل بسبب ضروف العمل

المهم يا غالي
كل طير وحسب ذكائه في منهم من يتعلم في يوم ومنهم ثلاث ايام ومنهم شهر

اخوي اول شي حدد الكلمه المراد تلقين الطير هي ويلقن الطير نفس الكلمه لين ما يبدأ وينطقها
كل اهل البيت يقولو للطير نفس الكلمه
وتفرغ نفسك لمدة ساعه يومياً تلقن الطير فيها نفس الكلمه وطريقة التلقين مو بصوت على ولا بصوت منخفض تكون بمتوسط صوتك وواضحه ويكون فيها مد بنصف الكمه
مثل بااااباااا او ياواااااد او يعقوووووب

بالتوفيق
مثل ما قلت لك حدد الكلمه المراد تلقينه هي ويسمعها على طول لين ما ينطقها بصوت واضح

وبعدها تعلمه كلمه ثانيه

دام انو الطير تكلم معاك رح يتجاوب معاك بالكلمه التانيه
مو كل طير يتكلم بالفطره
كله بالتدريب والمواصله




تحياتي لك

رد: تكفون ياخبراء التلقين للكاسكو ابي فزعتكم !!
 

يعطيك العافيه انت واخوي بلاك بيري علي الرد بالنسبه لطيري اول ماكان يتكلم ابدا بس الان كل مايشوفني ويبغي يطلع بره القفص يقولي تعال تعال فوق فوق ومره اذكر والله اول ماشتريته يوم كان فرخ عمره يمكن 7 الا 8 شهور كان وقتها يجعر ويعض الصبح وانا نازل قلت له السلام عليكم والله انه جالس يطالع فيني وبعدين قالي السلام عليكم رددها معاي بس ماهي واضحه حيل والا الان عمره سنه ويمكن ونص ماتكلم الكلمه هذي مع العلم ارددها له يوميا لين تعبت منها ):

رد: تكفون ياخبراء التلقين للكاسكو ابي فزعتكم !!
 

سبحان الله

رد: تكفون ياخبراء التلقين للكاسكو ابي فزعتكم !!
 

upupupupupupupupup

رد: تكفون ياخبراء التلقين للكاسكو ابي فزعتكم !!
 

استغفر الله مداد كلماته وعدد خلقه