|
كلبتي على وشك الولاده واحتاج مساعده
السلام عليكم كلبتي ثاني حمل لها و علي وشك الولاده هي حالياً في يومها ال 62 ولكن الي استغرب منه انه اذا ظغطت على حلمتها ما يطلع حليب بالاضافه الى ان بطنها غير متفوخ كثير + انها لحد الحين تلعب بحماس و تركض ؟! في شباب نصحوني اعطيها حبوب كالسيوم ؟ رايكم ؟ ومشكورين وماقصرتوا مقدماً :) |
رد: كلبتي على وشك الولاده واحتاج مساعده
ممكن ترفق لنا صور للكلبه من ناحية البطن !!
|
رد: كلبتي على وشك الولاده واحتاج مساعده
+1 صوووره
|
رد: كلبتي على وشك الولاده واحتاج مساعده
اقتباس:
الموضوع محتاج صور وعندي سؤال لصاحب الموضوع انت ذكرت ان هذا ثاني حمل لها حملها السابق هل كان حمل كاذب؟ او حملت وانجبت ؟ اذا حملت وانجبت من قبل هل كانت بنفس هذي الظاهرة ؟ وفي حل سريع تقدر تعمله وهو أنك تعمل أشعة لبطن الكلبة حتى تتأكد من وجود الأجنة |
رد: كلبتي على وشك الولاده واحتاج مساعده
كلام اخوي جاسم على متمه ياريت صوره
تقبل مروووري............ |
رد: كلبتي على وشك الولاده واحتاج مساعده
المرة الاولى حملت وانجبت لكن المرة الاولى كانت متينه حيل ف البطن ما كان اصلا مبين وتفاجئت انها انجبت من كثر ما كانت متينه فما كنت متأكد انها حامل والصور للأسف ما أقدر اصورها حاليا لانها بالشاليه بو فهد ولد عمي اخذها ووداها البيطري و يقول انه سوالها سونار وانا مو متأكد من كلامه صراحه لانه دائماً ماله خلق بس السونار قال انها حامل على كلامه ( ادري كلامي غريب ، بس أهوا يحب يطلع فيها و يقز p; ، و أنا شرطت عليه انه يفحصها ) ولاحظت ان شهيتها قلت بالنسبة للأكل و هذي مؤشرات حمل ، والله محتار ! س/ اذا كانت فعلا حامل ماهو اقصى مدة للحمل هل هي 66 يوم ؟ س/ هل ممكن تكون حامل وما يكون الانتفاخ كبير ( الكلبه هاسكي ) ، و هل من الطبيعي في بعض الحالات انها تركض و تكون بحماسها لما تلعب و يكون الحمل موجود فعلا ؟ س/ شرايكم بحبوب الكالسيوم تنصحون أعطيها ؟ |
رد: كلبتي على وشك الولاده واحتاج مساعده
أخوي بكراه تاخدها وتمشيها وتركضها وقت طويل .... وخير ان شاء الله وتولد ^^
|
رد: كلبتي على وشك الولاده واحتاج مساعده
مدة الحمل عند الكلاب تتراوح بين 58 و 63
وآذا على الحركـه الزايده فهاذا شي عـادي آنا كانت عندي بت كله تناقز وكانت حامل فهاذا شي عادي وباقيلكـ يوم آنطر آذا حامل بتقط اليراوه فآصبر وجوف |
رد: كلبتي على وشك الولاده واحتاج مساعده
الحمل الطبيعي لغاية 63
قد يتأخر الى 68 الكلبة لازم تخف من مجهودها يمكن تكون حامل والعلم عند الله في الوقت الحالي اهي تحتاج للبروتينات أكثر ولا مانع من الكالسيوم والكالسيوم تحتاجه أكثر بعد الولادة |
رد: كلبتي على وشك الولاده واحتاج مساعده
بو فهد أنا عندي ال Vigest متى تنصح ابلش أعطيها ؟ و هل أعطيها مع وجباتها ؟
مشكورين جميعا و ماقصرتوا وبإذن الله اذا تم الحمل راح انزل الصور بالمنتدى يعطيكم العافيه :) |
| جميع الأوقات بتوقيت GMT +3. الساعة الآن 12:01 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو