منتديات تو زوو - احتاج ناس خبيرة فروخ

السلام عليكم:

اعزائي اعضاء منتدى تو زوو احتاج مساعدتكم العاجلة في الآتي :-

عندي فروخ كروان باقي غر و انا اغرهم تقريباً اعمارهم بين الـ 20 الى الـ 25

ماشاء الله حلوين و مافيهم شيئ

واحد منهم تمام الحمدلله و اثنين مدري ايش فيهم واحد من امس في الصبح لمن غريته لاحظت انه ما خلص الاكل الي في حوصلته مع انه ماشاء الله كان يخلص بسرعه و انا احيان اعبي حوصلتهم للاخير وما اغرهم الى لمن تسير نص او ربع تقريباً و بعض الاحيان اغرهم لثلاث ارباع و اغرهم بعدها بشويا لمن تسير نص او ربع بس كانت ماشاء الله شهيتهم تمام وما فيهم اي شيئ لاكن زي ما قلت امس لاحظت واحد شهيته مهي مفتوحة كالعادة و غريته و هوا ماله نفس ولاحظت انه ضعف شويا و غريتها المرة الثانية برضو ما خلص الاكل كالعادة و غريته الثالثة و برضو نفس الشيئ و اخر غره برضو و اليوم لقيتها تقريباً بقيت النص برضو نفس حالة امس بس لقيت شيئ جديد فيله انه شهيته اتلغت بالكامل و ضعفان شويا و لقيت انه يرجع اكله من حوصلته الى فمه و يرجع ياكله ثاني
زي طريقة الامل لمن تاكل فروخها تخرج الاكل و تاكلهم هوا يخرج الاكل و يرجع ياكله هذه حالة واحد.

اما الثاني ماشاء الله كالمعتاد شهيته ممتازة للغاية و هوا احسن واحد فيهم في الشهية و اليوم لاحظت انه سارله نفس الشيئ الي سار للفرخ الاول شهيته مو كبيرة كالعادة و يستفرغ الاكل و يرجع ياكله و لاحظت انهم الاثنين يستفرغو لمن شفت بقاية سريلاك على ضهرهم و رقبتهم و انا كنت كل غره انضف ريشهم بالماء بخفيف طبعاً عشان لا يكون جات بقايت اكل في مناطق و يلصق

اما كبيرهم الثالث هذا مافيه شيئ الحمدلله و هوا اصلاً انا متعود اغره بفك فمه لاني اخذته من امه و هوا كان عمره تقريباً اكبر من 17 يوم وما يعرف الغر بالابره اما الاثنين كانو اعمراهم اقل من 13 و من ثاني غره سارو يفتحو فمهم بنفسهم .

احتاج المساعدة عن الفكرة هذه و انا اول مررة اغر يعني مررة ما عندي خبرة لاكن تعلمت الغر بمقاطع الفديو و الطرائق الي شفتها عندكم في المنتدى و تعلمن و طبقتها بالملي يعني متأكد انه مافي اي مشكله في طريقة الغر بس ليش يسو كذا ؟1 هل هيا فترة و تروح ام عادة ؟ ام مريضين لا قدر الله >ــــ< ام ماذا *ــــــ*؟!

و انا ااكلهم كنت سريلاك العايدي ابو القمح و بعد ما خلص اشتريتلهم ابو القمح و الفواكه و غيرتهم بيلو من قبل خمس ايام الى اليوم ما ااكلهم الا السريلاك ؟ هل يكون السبب هوا اني ماشكلتلهم لاني اشتريت ابو الفواكه قلت انوع بدال قمح لوحده ؟ ارجو مساعدتي في اقرب فرصة و بـ اكثر المعلومات .