سؤال عن المكاو
 

السلام عليكم



عندي سؤال عن البلو اند قولد مكاو


انا اخذته من 4 ايام


اهو اليف


بس للحين مو مخليني المسه ولا امسح راسه وجسمه


وعضته كانت خفيف اقدر استحملها امس واليوم عطيته عسل ويرضا ياكل من ايدي لو عطيته بس اليوم عضته كانت قويه


شو الحل معاه راح يضل على طول جذي


واهو عمره 5 شهور

رد: سؤال عن المكاو
 

الي اعرف ان طريق الطائر بطنه انا عندي كوكاتو سيلفر كريستد اشتريته من ثلاث ايام اليف بس كان خايف مثل طيرك يوم اقرب له يرفع عرفه لانه خايف مني ومايعرفني ومن اول ساعه رقى بحضني دلعته اكل وفواكه وسلطات واسولف عليه وامسح له وهو بالقفص بعدين طلعته تعرف ع المكان بنفسه وخذا راحته وحس كل شي عادي بعدين قربت منه ومسحت عليه وعلى كل جسمه ودون استثناء والحين صرنا حبايب ^_^

رد: سؤال عن المكاو
 

مشاءالله ربي يخليه لك


انا نزلته وخليته يتمشى بالبيت اهو يصعد على يدي


بس امسح عليه ما يرضا

رد: سؤال عن المكاو
 

انا عندي نفس الطير اللي عندك

بلو اند قولد مكاو

جبته وعمره قريب من عمر اللي عندك

ونفس الشي اول ما جبته

خايف وما يرضى امسكه وكذا

خليه زي ما هو كلها اسبوع او اسبوعين يتعود على البيت وعليكـ/ـي

ويصير زي الحلاوه

ويبدأ يتمرد كمان :D ويبدا يزعج ويعمل له جوه الخاص هههه

رد: سؤال عن المكاو
 

اول ماجبته انته كان يخليك تمسح عليه صح ولا نفس حالت المكاو تبعي؟

انا للحين يخلييني اشيله بس السالفه اللمس يعض بقو اليوم لمست منقاره وكان عضه جد قوي طلع لي الدم

رد: سؤال عن المكاو
 

اول ما جبته ما كان يخليني اشيله الا بعد مضاربه

اللمس كان يخليني لكن يكون خايف ومتردد وكل شويه يحاول يعض واشيل يدي

انا ماني خبير .. انا اكلمك من اللي واجهته مع المكاو اول ما جبته

وبرأيي ما دام المكاو تبعك ينشال على اليد بأريحيه مافي اي شي تخاف منه

كلها مسأله وقت... ماله 4 ايام عندك لسا ما اتعود على البيت وكذا


والعض احيانا يكون لعب :D جرب تخلي يدك ثابته واتأكد يعض ولا بس يضغط < ماني مسئول عن اي عوارض جانبيه :D

اللي عندي مزحهه ثقيل شويتين يسويها .. ان شاء الله عندك احسن :D

وان شاء الله يفيدوك الخبراء بالاشياء اللي تفيدك وتفيد طيرك

رد: سؤال عن المكاو
 

اعذريني خيتو دام وصلت لدم ولافته تنقاس بنسبه المئويه مانقدر نقول ميه بالميه اليف
لان الي عندي اول ماجبته لازعل يمسك اصبعي ويبعده بمنقاره ماعضني بنوب غير اليوم عضه
بس لاتذكر ابد خفيفه جدا وعاقبته عليها لاني ابيه حمامه وينسى شي اسمه عض

لاتحاولي تمسحي عليه عشان مايتعود ع العض وتصير ردة فعله هذي عاده
لازم تتخذي طرق معينه لو اعرفها بفيدك بس حاولي تسايريه الى ان يفيدونك الخبراء
وبالتوفيق عقبال مانشوفكم حبايب

رد: سؤال عن المكاو
 

انتبه لنفسك منه ولا تحاول تضايقه من اول اسبوع ترا يكرهك ويحسبك تحاول تهاجمه اصبر عليه اسبوعين كذا
وبعدين حاول معه

رد: سؤال عن المكاو
 

مشكور اخوي وان شاءاللله خبراء المكاو يفيدوني

رد: سؤال عن المكاو
 

اخوي ابوعمر


انا اشيله عادي وياكل من ايدي بس لمن ابي امسح عليه يعض بقو


انا راح اخليه ولا راح المسه


بس اقدر اشيله واخليه يمشي صح لنه عادي يقعد يلعب بالكره