منتديات تو زوو

منتديات تو زوو (http://www.2zoo.com/vb/index.php)
-   سؤال و جواب لقسم هواة القطط (http://www.2zoo.com/vb/forumdisplay.php?f=59)
-   -   الله يسعدكم ساعدوني .. (http://www.2zoo.com/vb/showthread.php?t=257694)

to0ote 13-02-2012 09:20 AM
الله يسعدكم ساعدوني ..
 
السلام عليكم ورحمة الله وبركاته

كيفكم يا أعضاء المنتدى..يارب تكونو بخير ومبسوتين

جبيت استفسر..
إزا ابغا انقل بسه من الدمام لي جده ..كيف الطريقه

ردو عليا ضروري لانو من جد حااااايسه وماني عارفا ايش اسوي :(

اتمنى تيعطوني كلللللل الحلول اللي عندكم..وانا اشوف انسب شي ليا واسوي


الله يجزا كل خير اللي يساعدني ..

الخبيرة ناديا 13-02-2012 11:08 AM
رد: الله يسعدكم ساعدوني ..
 
النقل يعتمد على طريقه سفرك ..

هل هي بالطائره او بالسياره؟

لو بتسافري بالطائره ..ممكن تاخذيه معاكي بالبوكس

ويكون له سعر تذكره رمزي ..تقريبا 15 ريال .

ولابد وقت الحجز ..تقدمي لهم دفتر التطعيم الموجود عليه كل بيانات القط من عمر ونوع وغيره

حتى يتاكدون ويطابقون عليه ومايكون مسروق !

اما لو بتسافري بالسياره ..

ممكن تضعيه في المقعد الخلفي داخل قفص كبير ومريح ومعه الليتر بوكس والاكل والماء .

to0ote 13-02-2012 11:33 AM
رد: الله يسعدكم ساعدوني ..
 
الله يجزاكي كل الخير ويسعدك..

انا مسافره بطايره.. بس هوا لازم اعملها شهاده طبيه.. لانو يصراحه ماعندها
ماقيد احد جرب ياخدها المطار ايش الاجرائت اللي سوها معاه

لانو في ناس يقولو يطلبو منك شهاده وكده وفي ناس يقولو مايطلبو منك شي
احترت خايفا اخدها لمن هناك واتطورت..

تيب مافي طريقه تانيه..يعني شركة شحن او اي حاجه زي كده

الخبيرة ناديا 13-02-2012 11:40 AM
رد: الله يسعدكم ساعدوني ..
 
لا مو معقوله مايطلبو منك شي ..مايصير ابدا !!

انتي روحي على البيطري وخليه يعملها دفتر تطعيمات وعليه كل المعلومات عن قطتك مدونه فيه

ووقت الحجز اعطيهم الدفتر حتى يسجلو البيانات في تذكرت القطه .

وضروري وقت روحتك على المطار ..تكوني مصومه القطه خمس ساعات قبل الرحله ..

ويكون معاكي دفتر التطعيم كااحتياط لو طلبوه منك .

شوفي فيه فرق بين السفر خارج المملكه وبين داخلها .

السفر للخارج معقد ويحتاج شهاده من وزاره الزراعه..

والسفر لداخل المملكه ..مايحتاج الا لدفتر التطعيمات .

وبخصوص شركات الشحن موجوده وتقدري تاخذي عنوانهم من الدليل .

لاكن متعبين جدا وياخذون فلوس كثيره ..

وغير كدا يوصلك القط مبهذل وتعبان ..

والله يهون عليكم ويسهل سفركم على خير باذن الله

to0ote 13-02-2012 12:16 PM
رد: الله يسعدكم ساعدوني ..
 
الله يسعدك يارب..

مرا تسلميلي ماقصرتي معايا..سامحيني ازا طفشتك بئسئلتي..

الخبيرة ناديا 13-02-2012 07:28 PM
رد: الله يسعدكم ساعدوني ..
 
الله يخليكي ياقمر

لاابدا ماطفشتيني . واي سؤال لاتترددين واحنا كلنا بنفيدك ان شاء الله

كل التوفيق لك


جميع الأوقات بتوقيت GMT +3. الساعة الآن 10:35 PM.

Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو