منتديات تو زوو - حساسيه القطط

منتديات تو زوو (http://www.2zoo.com/vb/index.php)

- سؤال و جواب لقسم هواة القطط (http://www.2zoo.com/vb/forumdisplay.php?f=59)

- - حساسيه القطط (http://www.2zoo.com/vb/showthread.php?t=259598)

حساسيه القطط

السـلآم عليكم

طبعن أكيد مر عليكم الموضوع عشرين ألف مره وياريت ماتحطولي روآبط علآ المواضيع لآني قريتهآ كلهآ :\

أنا عندي حساسيه من القطط وأبا أعمل فحص ممكن تقولوي فين أعملو و هوا عباره عن ايش ؟

ثاني شي أبا تجاربكم مع الحساسيه كيف تاعملتو معاها ؟
وهل صحيح أنو لو روشت قطتي بالأسبوع مرتين راح يخفف من حساسيتي ولو أستعملت للتر بوكس مافيه غبار يقلل برضو وعملت كل الاشياء من أني أمشط شعرها وأوفر وسائل التهويه في غرفتها هل ستقل؟ ولو ووقفت أروشها أسبوعيا هل حترجعلي :\

وقريت موضوع أن شويا شويا جسمك راح يبني مناعه ضد هذا الشي .. و قريت أنو في قطط الي هيا شعرها ناعم سببت لبنت حساسيه أكثر وباعتها واشترت قطه شعرها خشن ( سلكي ) علا قولتها و ما جتها حساسيه فياريت تقولوي على نوع بدي المواصفات ..

وينفع أني أحط القطه في السطوح مع العلم أنو السطوح فيه أغرف يعني لو بردت تقدر تدخله

ولا تنسوا أبا تجاربكم مهمم مرا و ابا اعرف لو أحدفيكم سوا اختبار لححاسيته فين سواه ؟ و هل تاخذو أدويه ويخفف عنكم ؟

وآسسسفه علا كككثرت أسئلتي .

شوكرن

رد: حساسيه القطط

ايه رأيك تشتري قطط شورت هير‏(مثل السيامي البيور او البلدي او الامريكي شعرهم مش طويل‏‏)‏
او ممكن بشعر عادي و توديها عند حلاق للقطط يحلقلها
او في نوع من القطط اسمه سفينكس ده ملهوش شعر تماما

رد: حساسيه القطط

صح يمكن لمى تقعدي معها كثير تنبي لجسمك مناعه

لانو انا كنت اتحسس من قطتي بس الحين مرررره خفت الحسسيه

ما ادري بس هذي تجربتي يمكن فيه حل ثاني ^.^

رد: حساسيه القطط

بحكم تجربتي كانت عندي قطه شعرها ناعم وطويل بس اتوفت العام كانت تعمل حساسيه لاهلي

بشكل فضيع اشترالي ولدي قطه ثانيه بس شعرها خشن شوي يعني لمن احممها صعب تمشيطها

يتلبك حتى هيا تتعب في العق صرة قبل الحمام امشط شعرها وبعدين احممها وبردو تتعب مسكينه

بس الحمد لله راحت الحساسيه من اهلي حتى شعرها مافيه لمعه ولمن احطلها زيت الزيتون قبل

الحمام تلاقي كل خصله لحالها وشكلها غير القطط الي شعرها ناعم مسبل مع الزيت

رد: حساسيه القطط

السلام عليكم ..
اول شي الشعر ماله دخل لان الحساسيه من الجلد وليس الشعر يعني ممكن تجيب البسه اللي مالها شعر وتسويلك حساسيه يعني انت وحظك.. وبالنسبه للتحميم صح فالبدايه بتضطر تحممها كل اسبوع وبعدين مع الوقت بتتعود وبيصير كل عشر ايام او كل اسبوعين ونصيحه خلها فنفس البيت اللي عايش فيه حرام تخليها فوق السطوح بس اهم شي مايكون بيتك مفروش فرش يعني سجاد علشان السجاد يسبب حساسيه وفعلا اللتر لازم يكون شي بدون غبار علشان راح تتحسس منها علشانه يعلق فشعر البسه وبالنسبه للأدويه ممكن تستخدم ادوية الحساسيه العاديه موجوده فالصيدليه بس اهم شي اذا ماتحس انك مره تعبان لا تاخذها علشان مايتعود عليها جسمك ويحاول يسوي مناعه من الاشياء اللي تتحسس منها وانا كاتبه موضوع كامل عن تجربتي مع الحساسيه واي سؤال انا حاظره ...