|
واخيرا!!!
السلام عليكم ورحمة الله وبركاته بعد صبر دام سنه واربع شهور تخيلو وانا اتمنى متي يجيني الكلب الي ابيه واليوم تحققة امنيتي طبعا هذا بعد نصيحة اخوي ابو فهد قالي اصبر حتى لو رفضو اهلك اصبر وجاني الي ابيه لاكن عندي كم سوال طبعا انا للحين مو مصدق :12: اول سوال الكلب عمره شهرين واشتريناه ب2800 هل سعره مره رخيص لاني خايف يكون فيه شي وثاني سوال هل ترويشه مره واحده في الشهر و تمشيط شعره راح يحميه من القمل واخر سوال كم كل التطعيمات الي ياخذها لمدت سنه ونصف وعادي اعطيه الدراي فود لحاله يعني يكون نظام غذاىه الدراي فود بس وسامحوني طولة :shy: واخر شي بقول معليش يا الهولي راح اسرق كلمتك بهذي اللحضه :88:ميه بالميه ولا فراخ الجمعيه :88::freind:
|
رد: واخيرا!!!
وعليكم السلام ورحمة الله وبركاته
الف مبروكـ ويتربى بعزك اخوي و ( الصبر مفتاح الفرج ) :) بالنسبه لسؤالك الاول اخوي السعر ليس مقياس لنقاء الكلب اذا شاك فـ نقائه ارفع صوره وراح نفيدك بإذن الله وبخصوص الترويش مره واحده كل شهر تكفي مع ان الاغلب يقولون ماينفع ولكن بعد السؤال تبين ان التحميم كل شهر مناسب و تمشيط شعر الكلب يومياً هذا شي اكيد يحميه من القمل وغيرها من البراغيث و ينظف الكلب طبعاً حماية الكلب او الجرو من القمل يرجع لعدة اشياء منها نظافة المكان وتطهيره وتعريض مكان الكلب للشمس و الهواء لمدة ساعتين فـ اليوم " للتعقيم " وبالنسبه للتطعيمات يتوجب عليك اخوي الانتظام بالتطعيمات وعدم تأخيرها وتركها لانها هي اهم شي للمحافظه على صحة الكلب وتقوية المناعه عنده ان شاءالله والجرو ضروري ياخذ كامل تطعيماته ولاتكثر خروجه وهو لسى مااخذ كل التطعيمات عشان لا ينتقل له فيروس او مرض لاقدر الله وبخصوص سؤالك الاخير : الدراي فود شامل لجميع عناصر الغذاء ولكن لا يمنع انك تحطله رز مسلوق او كبد دجاج مسلوق او دجاج مسلوق من باب التنويع عشان مايمل الجرو وانا افضل كبد الدجاج لانه يقوي عظام ودم الجرو وخاصه انه بمرحلة نمو .. لك فائق الاحترام والتقدير موفق |
رد: واخيرا!!!
كفيتي ووفيتي اختي نونا وبصراحه انا عجزة عن شكرك لاكن ما اقدر اقول الى الله يسعدك
|
رد: واخيرا!!!
:88:الف الف مبروك:88:
تستاهل يابطل احنا معاك لين يصبح كلبك :88:ميه ميه ولا فراخ الجمعيه:88: وعن الشطانه ياجاسم:D اول شي احب اشكر مشرفتنا نونا على الجواب الكامل من باب خبره ولا بعد احلا جيرمن عندها في البيت يعني الكلام من تجربه وليس نسخ وترجمه:D وانا اتفق معها بكل حرف بس هاذا الرابط الصغير لفنان كبير لك هدية http://www.2zoo.com/vb/showthread.php?t=243742 |
رد: واخيرا!!!
والله يا الهولي كنت منتظر ردك على احر من الجمر واحلى هديه جتني منك:12:
|
رد: واخيرا!!!
وان شاء الله اعرف كيف انقل الصور من جوالي للابتوب وراح احط له صور ياذن الله
|
| جميع الأوقات بتوقيت GMT +3. الساعة الآن 06:33 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو