|
عندي سوال وابغا اجابه وباسرع وقت بليز
السلام عليكم
ماودي اطول عليكم في الموضوع ياالغالين الموضوع باختصار انا عندي كلبه من فصيله الروت وايلر انثى عمرها سنه و 7شهور لقحتها قبل كم فتره ولاكن ماحملت ومدري ليش على انو اعتني فيها مررررا طبعا اول تلقيحه لها الكلبه انا جايبها من اوربا ومستواها حلو ماشاالله بس الموضوع الي ابي اقوله انو الكلبه مافيها شراسه بس الحمدلله مو خوافه ومجنونه لعب سالت مدرب لبناني حق كلاب قلت له ابغا اشرسها قالي هي مو صغيره عشان تزرع هشي فيها لاكن جرب الي بقولك عليه قلت له ايش!!! قالي حطها في غرفه وسكر الباب عليها والصباح خلي يدخل عليها نور من الشمس بس يكون نور خفيف وبليل لا تولع لها نور الغرفه وخليك معها على هذي الطريقه لمده شهرين و بليل طلعها تاكل وتوسخ كيذا نص ساع بالكثير ورجعها وبرضو نور الغرفه مسكر يعني ضلااام ولا تشوف غيرك في هشهرين وانا ما عندي خبره في تدريب الكلاب صراااحه ولا ودي العب في الكلبه مو كل مدرب فاهم وابي مساعده منكم هل كلامه صحيح ؟؟؟؟؟؟ اذا مو صحيح ابغا تساعدوني اذا عندكم فكرره عن هل موضوع بليز بليز بليز الي ما يفهم في هل موضوع شي لا يتفلسف علي او مو متاكد من الكلام لان زي ما قلت لكم ماودي العب الكلبه وشكررررررررررا في انتضاركم :confused: |
رد: عندي سوال وابغا اجابه وباسرع وقت بليز
يا هلا و يا مرحبا بك
اخوي بالنسبه للتلقيح مافهمت عليك !!!! انت جايب الكلبه من اوروبا ؟؟؟ يمكن تم ازالة الرحم قبل ما يبعثونها لك اسأل البريدر عشان تتأكد -------------------------------------------- اما بالنسبه للشراسه ياخوي الناس قامت تسمع كلام ويقولون انهم مدربين لا علاقه للظلام والحبس مع الشراسه بالعكس هذا يزيد خوفها ويضعف شخصيتها بالبدايه دائما خلها مروبوطه معك بالليش ولا تفلتها نهائيا الا اذا كان المساعد الي معك ماخذ احتياطاته بالكامل حاول تعرف تصرفات كلبك وتعرف شنو الي ينرفزها مثلا عصا خيزران ؟؟؟ حبل ؟؟؟ النرفزه باليد ؟؟؟ خل صديقك ينرفزها من بعيد (اعيد و اقول من بعييييييييييد ) عصان ماتصدم الكلبه وتخاف وتكسر شخصيتها لان انت الي عليك تسوي تطور شخصيتها و تطور الدفنسف درايف (بذرة الشراسه) و شوي شوي خل صاحبك يقرب و معه قطعة منشفه صغيره يخلي الكلبه تصيدها وبمجرد انها تصيدها صاحبك يمثل الخوف ويهرب <<<<< الكلبه بتقول هالتصرف خلا الرجال يهرب وتزيد شوي شوي بالنرفزه بدون ظرب <<< مرحله متطوره ظرب خفيف طبعا بعد ما يصدر هالتصرف و يصبح اسلوب هجومي اكثر من دفاعي تظيف الامر الي تبيه للهجوم هذا المختصر طبق الي قلتلك عليه و اي صعوبه او مشاكل تواجهك بلغنا فيها ولا راح نقصر معاك بالتوفيق |
رد: عندي سوال وابغا اجابه وباسرع وقت بليز
هلا فيك اخوي
كلام اخوي جاسم صحيح واضم صوتي له وكلامك يعبر عن شخص حريص ع كلبته وبالفعل لاتصدق اي كلام تسمعه الا من شخص موثوق ١٠٠٪ وحتى لو قالك معه شهادات ومدري ايش لانك مو جالس تشكل صلصال واذا خرب رجعت عدلت عليه حط فبالك تتعامل مع نفس اخرى واذا افسد شي ع كبرها بصعوبه يتم تعديله ويمكن تزويد الشراسه بـ اقل شي مثلا قامت تنبح ع قطه تشوفها بالشارع او وقفت تتسمع لشي غريب شجعها وكافئها لما تعمل كذا تبدأ تزيد وتحاول ترضيك وان شاءالله ماراح تتعب لان الروت معروف عنه الثقه بالنفس والشراسه مشاءالله لك كل الاحترام والتقدير موفق |
رد: عندي سوال وابغا اجابه وباسرع وقت بليز
اقتباس:
انتظارك لم يطل والحمد لله السيد جاسم والسيدة Nona999 وافوك بالإجابة وها أنا أنظم إلى من يرد على استفساراتك مؤيداً كل حرف كتبه السيد جاسم المحترم . أختصر ردي بالموضوع على الرابط التالي : http://www.2zoo.com/vb/showthread.php?t=259094 تحياتي |
رد: عندي سوال وابغا اجابه وباسرع وقت بليز
انا مع كلام اخي جاسم حرف بحرف وهل انت متأكد ان اللي خبرك هالكلام بالنسبة لحبس الكلب والظلام مدرب؟
المهم اعمل بنصيحة اخي جاسم وادخل الى قسم تدريب الكلاب حتلاقي تدريبات ومفاتيح الشراسة موجودة وبشكل مفصل |
رد: عندي سوال وابغا اجابه وباسرع وقت بليز
ياحبي لكم بس تعبت ومليت وانا احاول معها مع شخص غريب ومن قريب ومن بعيد لاكن مافي اي تغير لو بسيط يعني اصلان ما تنبح الى كل شهرين مرررا ب الكثير والرحم موجود ومتاكد لاكن حتا اذا دخل شخص غريب ما تستثير تلقاها مبسوطه وتلعب بذيلها انا امووووووووووووووت قهر ولا عمرها استنكرت شي اهم ما عليها اللعب لدرجه فكرت ابيعها
|
رد: عندي سوال وابغا اجابه وباسرع وقت بليز
مطيعة و حبوبة برأيي افضل من شرسة ما اتحكم فيها ممكن تجيب مشكلة مع احد لا سمح الله اضافة ان الروتوايلر شكله لوحده مخيف لغالبية البشر عندنا,, عالم و جاهل و اذا مصمم,, ابحث عن شخص ثقة يعاونك ليس من يدعي المعرفة مثل المدرب اعلاه |
رد: عندي سوال وابغا اجابه وباسرع وقت بليز
الروت الثانيات الي عندي فيهم شراسه من اول ما جبتهم لاكن بلييز ياشباب وبنات شوفو لي حل وربي بحاجه مساعدتكم لي مرررا مقهور
|
رد: عندي سوال وابغا اجابه وباسرع وقت بليز
اخوي مو اي شخص يقدر يطلع الجانب هذا فيها
الموضوع يحتاج احتراف مثل ماقلتلك كلبتك وانت ابخص فيها لازم تخليها تحس بوجود خطر لكن بدون الضرب بعطيك مثال يمكن ينفع معك اربطعا بمكان و خل احد يحاول ان يتهجم عليك ويضربك وشوف ردة فعلها و او ما يتركك يتوجه لها و يرفع يده او يمسك عصا من بعيد صدقني كل كلب فيه الدفنسف درايف فما بالك الروت ؟؟؟ لكن يبيلك تعرف كيف تنرفزها للعلم عمليات ازالة الرحم او الاخصاء لا علاقه لهم بالشراسه |
رد: عندي سوال وابغا اجابه وباسرع وقت بليز
طيب بجرب وارجع ارد لككم وتفيدوني اكثر
|
| جميع الأوقات بتوقيت GMT +3. الساعة الآن 12:12 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو