|
شباب مساعده ضروووري!
السلام عليكم ! اخباركم شباب عساكم طيبين وبخير انشالله!والله ابي سأل! الحين كلبي عمره 6 شهور! جيرمن شيبرد! اكيد حفظتوه من كثر الأسأله عنه! خخخ بس غلبني معاه المهم .. الكلب انا على طوول اخرج اتمشى معاه كل يوم تقريبا وللاسف صار الشي اللي ما كنت ابيه يصير ان الكلب بالمرة صار متعود ع الناس! يعني صار حبووب وانا كذا ما ابغى كلبي يكون لاني جايبه عشان حراسة ويحميني! الكلب ينبح على اي كلب يشوفه فالشارع او اي حيوان ويجري عليه! هذا شي ممتاز انا افرح لما اشوفه! بس المشكلة ما ينبح ع الناس ابدا! يعني نكون فالبيت اي شخص غريب يدخل ما ينبح عليه ولا شي بالعكس يلعب معاه وعادي! الامور طيبة عنده زز خخخ يعني الكلب متعود ع الناس كلياً .. انا امشيه علشان ما يخاف من الناس ويصير ينبح على الغرباء بس المشكلة العكس اللي صار ! صار يحب الناس! مادري ايش الحل! ياريت تفيدوني والله حاس الوقت راح علي وما رح الحق اعدل صفاته هاي! مادري اخليه فالبيت وما اخليه يشوف حد غيري ولا اطلعه ولا في طريقة عشان اخليه شرس ولا انتظر لين ما يكبر شوي! والله ما ادري! حتى جربت انه اخلي واحد غريب الكلب او مرة يشوفه انه يهجم عليه وكذا .. قدام الكلب والكلب واقف عادي ولا حتى نبح .. ولا سوى شي! عيل ليش جايب الكلب!((( يعطيكم العافية شباب شوفولي حل الله يخليكم اي طريقة! والسموحة ع الاطالة! |
رد: شباب مساعده ضروووري!
انا كلبي طبق الاصل من حقك كان ما ينبح على الناس نهائيا المهم اول ما وصل 10 اشهر عمره صرت اذا ربطته بمكان اذا احد مر ينبح بس اذا كان مربوط قبل امس كنت بحديقة عامة وكنت جالس مع صديقي وربطت الكلب بشجرة جنبي اي احد يمر ينبح بس المشكلة لا قرب الشخص سكت ويجي يتمسح فييه انا انقههههر :D
|
رد: شباب مساعده ضروووري!
وعليكم السلام ورحمة الله وبركاته
اخوي اكيد لما تطلعه انت تطلعه ويكون فيه ناس بالحديقه وهذا شي مانبيه ماقلنا شي نطلعه ونخليه يغير جو بس مايكون بمكان فيه زحمة ناس ويجون يمسحون عليه ويلعبون معه افضل وقت تطلع كلبك فيه الصباح ~> وهذا ازين وقت برأيي بحيث يكون الجو هادئ والشوارع هاديه ومافيه ناس اترك الكلب يمشي ويلعب براحته وحتى لو طلع للطريق مافيه سيارات تكون مرتاح " ينفع تراجع تدريبات كلبك " العصر ~> وبرضو الوقت مناسب ويكون الناس قليلين لما نطلع الكلب نطلعه عشان يغير جو وينبسط مو عشان يروح لناس ويلعب معهم برضو فيه ناس مايتقبلون الكلاب وممكن يسبب لك احراج او مشكله وخاصه اذا كان معه اطفال لك كل احترام وتقدير موفق |
رد: شباب مساعده ضروووري!
انا مع اختي نونا
يمكن يخوي انته لمن تطلع كلبك في مرة من المرات احد من الناس مسح على الكلب او لعب معاه فهذا شي يجب الابتعاد عنه تحياتي |
رد: شباب مساعده ضروووري!
اخوي شوف الكلب لسا صغيير يعني بتقدر تتدارك هاي الصفات
اخي في حل هوه ما تخلي الكلب يشوف الناس فترة من الزمن يعني شهر اسبوعين حسب الكلب وما حد يطعمي الكلب الا صاحبه اخي هاي خطوة مبداية لحل المشكلة عشان يقل احتكاك الناس فيه وما تخلي اي احد يطعمييه غييرك وان شا الله بيسير وحش هههه |
رد: شباب مساعده ضروووري!
اخي الكلب لازال صغير على الشراسة يجب الاخذ بعين الاعتبار اذا اردت الكلب للحراسة لامانع من اخراجه للنزهة كل يوم ويشوف الناس بس من بعيد لبعيد اي لاتسمح للناس باللعب معاه واطعامه والمسح عليه خليه حيادي وابدأ بتدريبات الشراسة من عمر 9 شهور وقتها ان شاء الله رح يصيرعندك كلب بطل
|
رد: شباب مساعده ضروووري!
وعليكم السلام ورحمة الله و بركاته
انا اتفق مع اختي نونا ... و اضيف عليها ... المشكله بسيطه جدا ... كلبك يا اخي صغير جدا على الشراسة ما زال جرو ياخذ كل شي على اساس انه لعب فقط المطلوب منك : 1) ما تخلي احد يمسح عليه ابدا " عادي اذا تمشيت مع الكلب حتى لو فيه ناس عشان الكلب ما يخاف منهم " اهم شي ما تخلي احد يمسح عليه ولا يمسكه 2) انتظار الكلب لبلوغ 12 شهر تقريبا للتدريبه على الشراسة و الحراسة و اهم شي مطلوب منك هو الصبر ... الصبر ... الصبر |
رد: شباب مساعده ضروووري!
انا عندي طريقه حلوه مجربها مع كلب عمي كان الكلب اي حد يجيه يقعد عند رحوله ومدري ايش المهم ان الكلب سار حنون وكل الناس واحد علمته طريقه ونفعت معه \\
الطريقه تاخذ الكلب عن ناس ما يعرفهم وتحاول انه اذا قرب منهم يبي يلمسونه خلهم يخوفونه بس مو يصيح على الكلب ولا يضربه خله يرفع يده فوق عل انه يبي يضربه (((وانت حنب الكلب ))) واذا مصر الكلب انه يروح خله يخوفه بصوته او يضربه (خفيييييف) بعدها بيجيك الكلب وانت انزله ومسح عليه وسو كانك تضرب هاذولاك وبعدين خلهم يهربون لان الكلب اذا جاك زي ما تقول يطلبك عشان تساعده وذي الطريقه تخليه يكره الناس ويحبك انت بس يعني يحترمك ويحطك فوق راسه والباقين لا اتمنى انك فهمت واسف اذا طولت |
رد: شباب مساعده ضروووري!
اقتباس:
الحل المختصر :- - لا تخرج الكلب من المنزل لحين بلوغه سن 12 شهر . - لا تسمح لأي غريب أو صديق أن يرى الكلب . - خصص غرفة ، حجرة ، حظيرة ، قفص كبير يعيش فيه الكلب ويكون بعيداً عن مدخل المنزل ولا يستطيع أن يرى الغرباء أو الزوار فيه . - أخرج الكلب للعب والتمرين والتدريب داخل أسوار المنزل . - ركز على عدم الصراخ والصياح والامتناع عن الضرب والتهديد للكلب نهائياً . - ركز على تمارين الطاعة والطاعة المتقدمة فقط . - لا تبدأ تمارين الشراسة والحراسة قبل بلوغ الكلب سن 11 شهراً وحينها لكل حادث حديث . تحياتي |
| جميع الأوقات بتوقيت GMT +3. الساعة الآن 08:24 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو