![]() |
هل تنصحوني اني اخذلي كاسكو؟
السلام عليكم
انا ابي اخذ لي طير جديد بس مادري شنو اخذ هل تنصحوني اني اخذ كاسكو مع العلم اني ماعندي خبرة ف هاي النوع بس قريت معلومات عنه و ساير لي مده افكر اخذلي واحد بس مب متأكد اني راح اقدر اعتني فيه فا شنو تنصحوني اني اسوي يا اهل الخبرة :D |
رد: هل تنصحوني اني اخذلي كاسكو؟
والله على راحتك
اخذ اللي تحبه وتبيه انا ما راح احدد لك نوع بحدد مواصفات اخذ اليف جدا عمره من 5 الى 8 شهور احسن شي العمر الصغير وهل انت قادر على الاهتمام به و اسعار الببغاوات مختلفه عطنا سعرك وانا اساعدك اكثر *فواز* |
رد: هل تنصحوني اني اخذلي كاسكو؟
خذ كاسكو وجربه ترى تربيته حلوه لكن خذه اليف وما يجعر
|
رد: هل تنصحوني اني اخذلي كاسكو؟
اكثر شي 3500-4000 وممكن 5000 اذا حصلت طير يستاهل. انا جربت انواع ثانية بس سمعت انه الكاسكو حساس وايد بس اذا عرفت اتربيه يكون طير ممتع وحلوه تربيته نفس ماذكر اخوي بلاك بيري.
|
رد: هل تنصحوني اني اخذلي كاسكو؟
ممكن تاخذ لك
بلو فرونتد امازوني جيد جدا بس بالمواصفات اللي انا ذكرتها فوق *فواز* |
رد: هل تنصحوني اني اخذلي كاسكو؟
انصحك في البلوفرنتد طير يستاهل والله ومن مجرب
|
رد: هل تنصحوني اني اخذلي كاسكو؟
مشكورين ع الردود بس شنو مميزات البلوفرنتد و شنو الفرق بينه و بين الكاسكو
|
رد: هل تنصحوني اني اخذلي كاسكو؟
الون المنظر جميل جدا يفتح النفس جرئ لعوب يتعلق في صاحبو بشكل مو طبيعي مناعتو اقوى من الكاسكو ويتكلم اسرع من الكاسكو طير مرح جدا لو اجلس للصبح اكتب لك مميزاتو مابخلص وسريع يتوالف ع مربيه
|
جميع الأوقات بتوقيت GMT +3. الساعة الآن 04:50 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو