شوفو الرمادي الجديد وقدرولي عمره
 

يعطيكم العافية الشباب ، هذا الرمادي شريته قبل اسبوع بس ما اعرف كم عمره انا اخذتله صورة على الكام شوفو وقدرولي عمره ، بعدين فتحت القفص من فوق يطلع على الاستاند وما يبي يدش داخل ابد ، ومرتين هلكني وانا داير ورا في البيت من غرفة الى غرفة بس الحين صارلي ثلاثة ايام حابسة وعلى فكرة جناحة طويل شوي يعني يقدر يطير بس مو كثير وانا بصراحة ما ابي امسكه علشان ما ياخذ موصف مني مع العلم مسكته ودشيته القفص وحطيت ايدي على ريولة وعضني بس يجعر لما اقترب منو ، وما ياكل الا دوار الشمس مع العلم انا اعطيه فواكه بس ما ادري شسويلة اعطونا رايكم . ايضا ما يصفر ولا يتكلم ما ادري هو لسة خايف ولا شنو وهل هذا العمر مناسب لتعليمه ولا لا . ومشكورين دايما ما تقصروا .

مشاركة: شوفو الرمادي الجديد وقدرولي عمره
 

السلام عليكم ورحمة الله
مبروك عليك الكاسكو وان شاء ربي يجعل لك فيه الخير
بخصوص عمره اعتقد في حدود 8 شهور لنه للون عيونه رمادي واعتقد انه حاليا قابل لتدريب
بس انت خذ له استاااااند لاتخليه بالقفص لنه حتى الطير المدرب لما تخليه بالقفص يتوحش ولو يخاف يطلع على يدك خذ له عصا طويله وحاول تخليه يصعد عليها وبكل هدوء دون لاتخوفه اوتفجأه بالعصا وقل له اصعد وكل يوم حاول معه بنفس الطريقه اهم شي خله فمكان هادي ولاتغير مكانه لين مايتعود وطبع الكاسكو يخاف من اليهااال خاصه لما يكون جديدبس من يتعود الله يعين اليهال عليه هذا لو عندك اخوان اصغار بالبيت :p

دائما كافئ الطير يعني حاول تخليه يتعود ياكل من يدك حبوب فواكه اي شي يحبه ....لحد ماتحس انه بدا يألف وجودك وصار عادي يصعد عالعصا حاول تشيله حط يدك قريب منه وقله اصعد بس بمستوى منخفض يعني ماتكون يدك قريبه من وجه الطير خلها قريب من رجله واول مايصعد ابعده عن الاستاند يكون مايحاول يرجع له
لما تشيله امسك طرف اصابعه بضغطه خفيفه بابهامك عشان مايتحرك الطير من مكانه
تغذية الكاسكو :
افضل شي الحبوب المشكله لنها تعطيه اغلب العناصر لي يحتاجه جسم الطير
ولاتنسى الفواكه المجففه و الفواكه الطازجه بس لاتكثر منها لنها ممكن تسبب اسهال
الذره والفاصوليا المسلوقه والجزر تعتبر وجبه محببه
:D واذا حبيت ادلله اكثر لاتنسى الالعاب الخشبيه الكاسكو طير ذكي بقياس ذكاء طفل عمره 5 سنوات
ويحب الاهتمام ...

بخصوص طول الجناح
تقدر تقصه تترك اول ثلاث ريشات لاتقص منهن شي
وبعدين تقصر الرابعه وتترك الخامسه وتقصر السادسه وتترك السابعه ..لحد ما توصل لاخر ريشه وبهطريقه قصرت جناح الطير دون لاتحرمه من انه يطير لمستوى منخفض :rolleyes:

ويفضل لو يكون معك احد له خبره ويساعدك

هلي اعرفه والسموحه عالتقصير واتمنى الاخوه الموجودين يفيدونك اكثر
:bdaysmile

مشاركة: شوفو الرمادي الجديد وقدرولي عمره
 

مشكور يا قلب الماس على المعلومات القيمة ...

مشاركة: شوفو الرمادي الجديد وقدرولي عمره
 

العفو خيوووو ^_____^

مشاركة: شوفو الرمادي الجديد وقدرولي عمره
 

مبروك عليك الطير

مشاركة: شوفو الرمادي الجديد وقدرولي عمره
 

بس كبير عمره

عينه صفراء