|
الببغاء هون ماياكل من يدي؟؟
السلام عليكم
اخواني مو حاب اطول عليكم بس ابي اعرف هل شي مؤقت لو بيطول عندي ببغاء افريقي اخذته اسبوع والحين اسبوع الثاني كنت اول حاطه في قفص حلو بس صغير بلنسبه لي اما للطير كبير كان عندي عادي ياكل من يدي ولا عنده حاجه جبت له قفص كبير يعني بدلع طيري وحطيته فيه وهون ما ياكل من يدي مادري ليش بس ياخذ الحب من يدي ويرميه وبس اجيب الفول السوداني ياخذه من يدي ويوخر وعندي مشكله ثانيه طبعا الطير ما يجاعر اذا حطيته في فوطه ووخرته عن القفص ابي امسح على راسه يخليني بس يعضض في الفوطه وماسكه بقوه لانه يقااوم ويبي ينحاش من الفوطه كل ما ينحاش من الفوطه اعود امسكه وامسح عليه ولحد الحين ما كو جديد اخاف بكره اول ماوصل يمه يجااعر احس كل يوم يخاف مني اكثر وش اسوي بليييييييز ساعدوني واسمحولي للاطاله بس للشرح |
رد: الببغاء هون ماياكل من يدي؟؟
اهلا وسهلا
اخوي انصحك ترجع طيرك للشبك القديم وتستمر بتأكيله من يدك وخليه على الشبك الصغير دام انك في مرحله تعارف مع الطير واتمنى منك ان توقف طريقه المنشفه حاليا وحاول تخلي احد يقص لك الجناحين قصه احترافيه وخلي طيرك على الأستاند حتى يتعود على الوضع وعلى المكان الي هو فيه |
رد: الببغاء هون ماياكل من يدي؟؟
فديتك على الرد
الجناحين شريته وهو مقصوصين بلنسبه للقفص القديم راح اسوي نصيحتك بس متى الوقت المناسب الي اطلع الطير من القفص وكم من الوقت اخليه برى القفص وبصراحه ما عندي استاند والقفص حاطه في زاوية الغرفه فوق الطاوله يعني رفيع عن الارض ولا اعلق القفص احسن بس بصراحه الطير كلا يبي ينام اذا وخرت عنه بس تشوفه واقف على العصى ولا يتحرك الا قليل وبس اجي منه اشوفه يتحرك احط يدي يعضني عادي وبس اوخر عنه يبي ينااام :) |
رد: الببغاء هون ماياكل من يدي؟؟
ان كان عمره فوق السنتين انصحك بأستخدام مضاد للديدان
وانصحك بمحاوله تنشيط طيرك بوضعه في مكان عام او بجانب تلفزيون او خليه قبال مرايه وانصحك بتشميسه واعطائه فيتامينات عامه وانصحك اخيرا بجعل الطير خارج الشبك يوميا 6 ساعات واضمن انه ينام 12 ساعه موفق بكل خير |
رد: الببغاء هون ماياكل من يدي؟؟
فديتك
6 ساعات متواصله في اليوم برى القفص علم 12 ساعه اتوقع ينااام اوكي عمر الي عندي 6 شهور تغريبا طيب اشقد كبر المرايا كبر القفص لو اصغر وهل المرايا تكون برى القفص لو داخل القفص هو بنظف ريشه بستمراار واطلعه في الشمس كل 3 او 4 ايام يعني في السبوع مرتين هل تكفي وعندي سؤال يا الغلا كم يحتاج الطائر من وقت لكي يكون طائر اليف؟ واسمحلي يا الغلا على كثر الاسأله |
رد: الببغاء هون ماياكل من يدي؟؟
http://im20.gulfup.com/2012-08-13/1344881401871.jpg
هاذا هو ببغائي قولو ماشاء الله:) |
رد: الببغاء هون ماياكل من يدي؟؟
افاااا ماكو رد:confused:
|
رد: الببغاء هون ماياكل من يدي؟؟
اقتباس:
والطير يحتاج له شويت صبر حتي يحس بالامان في البيت ويألفك ويتعود عليك وانت تحاول تولفه حبة حبة وكل طير ويستجيب بطريقه وموجود بالقسم عدة طرق وجلسات في اليوم لمده نصف ساعه [/COLOR] لكن الاهم لاتبدأ بجلسات توليف للطير الي حينما يكون في تمام الصحة والعافية وتقبل مروري |
رد: الببغاء هون ماياكل من يدي؟؟
ماشاء الله تبارك الله على الطير جميل يتربى بعزك
|
رد: الببغاء هون ماياكل من يدي؟؟
ما قصروا الاخوان لكن في نصيحه فاتت عليك
حطها في بالك ً اي طير تجيبه لا تطلعه الا بعد ما تحسه يبيگ ويبي يجيك ويتحمممممس لك (هو يجيك مو انت تجيه ) (عشان ما ياخذ منك موقف ويتغير الطيررر عليك) بالتوفيييييييييق |
| جميع الأوقات بتوقيت GMT +3. الساعة الآن 09:46 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو