|
مشان الله بسرعة
ياجماعة الخير يوم الخميس لقيت 3 قطط رضيعة طبعا نفس الأسطوانة اخدتن ودفيتن منيح وجبتلن حليب نان1 وقطارة وصرت اعطين رضعات كل ساعتين وامسحلن وووو...بس امبارح مات واحد من القطط كأنو كان مخنوق..واليوم لقيت القطط الباقية نايمة كل الوقت وماعم يتحركو متل العادة ولاعم يرضعو وصوتن يادوب يطلع...شو اعمل مشان الله رح طق عليهن خايفة يموتو ساعدوني بسرعة
|
رد: مشان الله بسرعة
مرحبا وان شاء الله خير
الموضوع بسيط الققط في هدا العمر تكون حساسة لاكتر من امر يجب وضعهم في مكان متوسط الحرارة مع مراعاة التهويض ويجب تعريضهم للشمس بشكل غير مباشر لمدة ساعتين يجب ترضيعم بحليب فاتر اي ليس باردا ولا ساخنا ان استمرت المشكلة بعد يومين من الخطوات اعلاه تكون المشكلة فيروسية تستدعي استخدام دواء يباع في المراكز المختصة شكرا لقرائتك |
رد: مشان الله بسرعة
اول شيء الله عطيك العافيه ندخل بالموضوع بسرعه
جيب لهم حليب للقطط الرضع او حليب اطفال بدون اللكتوز ودفيهم كويس وانشاء الله الاعضاء يفيدوك اكثر بس انا خايف انهم يكونوا مريضين يعني الافضل تاخذهم للبيطري لتطمن |
رد: مشان الله بسرعة
شكرا اخي حازم الله يجزيك الخير يارب..رح جرب وشوف
|
رد: مشان الله بسرعة
وانا خايفة كمان يكون السبب مرض لاسمح الله...رح جرب اليوم هيك ودفين منيح..بس غريب وضعن مابطمن كيف نايمين لهلأ امبارح كان صوتهم يالطيف وحركتهم ماشا الله ..ادعولي امانة
|
رد: مشان الله بسرعة
برايكم في داعي اعمل رضعات فيها نشاء؟ سمعت انو الالتهاب بروح في حال كان عندهم التهاب لاسمح الله
|
رد: مشان الله بسرعة
ما تشكرني على واجبي انا كنت زمان كتير احب الققط بس من 4 سنين صرت غاوي طيور يعني انا حكتلك الي متذكرو من ايام زمان انت اعملي زي محكتلك وادا لا سمح الله ما اتحسنو ما الك الا الدوا او البيطري وبدي انصحك نصيحة في وصفات بتضر ما بتنفع بكون ما الها اساس وازا بدك اتميزي بين النصائح والوصفات الامور بتكون واضحة للعقل سواء ايجابية او سلبية
|
رد: مشان الله بسرعة
الله يجزيك الخير مرة تانية....وكلامك منطقي مارح جرب اي وصفة..وانا كتير بحب القطط ومن زمان ع بالي ربي قطة وسبحان الله اجوني 3 بدل وحدة ^^
|
رد: مشان الله بسرعة
ههههههههههههههه انا بحب العصافير كتير وصار عندي تقريبا 18 عصفور اكتر من نوع ولون وبعمل اقفاص الهم اشي حلو كتير قريبا ببعتلكم صورهم
|
رد: مشان الله بسرعة
عطيتهم رضعة بس ماكتير عم يتقبلو الحليب...بيمشو شوي وبيوقعو حاسة جسمهن تقيل عليهم..بالغصب اخدو كم نقطة حليب وفورا بيرجعو بنامو..وفي قطة عم تلف حوالي حالها من دون صوت وفجاة بتنام
|
| جميع الأوقات بتوقيت GMT +3. الساعة الآن 10:25 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو