ثلاث إستفسارات عن الكاسكو الصغير ..
 

مسآاء / صباح الخير ..



عندي ثلاث شغلات أبي استفسر عنها الله لا يهينكم ..




الاولى /

انا شريت كاسكو عمره 4 شهور ونص تقريبا له عندي 8 أيام الحين ..
في البدايه كان يجعر لما أغير له الاكل ويخاف حيل ..
الحين الحمد لله ما عاد اسمع له جعير ابد
حتى لو قربت من القفص لكنه يخاف ويروح آخر القفص ..
حاولت امد له الفول السوداني ( السبال) عشان ياكله من يدي لانه يحبه حيل
وكان اول مره يقرب شوي ويبعد متردد , وثاني مره
ما قرب ابد وخليته ..

سؤالي .. هل اقدر الحين ابدا ادربه .. ؟
ومن ممكن ينصحني بطريقه معينه سواها ونجحت معه , لاني
قريت طرق كثيره وماني داري اسوي اي وحده ..
بالاضافه إلى اني خواف كبير من موضوع العض هذا ..



/
/


النقطه الثانيه ..

انا خذيت بنصيحة احد الشباب هنا الله يجزاه خير
ورحت شريت له خضروات مشكله ( مبرده ) وطبختها له على خفيف
لكنه عيا ياكلها , اجوعه على خفيف بس ما ياكل ابد..
ما ياكل غالباالا فول سوداني وحب شمسي , مرتين يمكن بس كلا
حبتين عنب وقطعه صغيره تفاح ..


سؤالي .. لازم ياكل فواكه وشغلات كذا .. يعني كثرة الحبوب ممكن تضره؟
وسؤالي الثاني انا طيري ما شاء الله شهيته مفتوحه للأكل ..
هل أحدد له وجبات ثابته ( فطور وغداء وعشاء ) ولا احط له كل ما خلص اللي عنده .. ؟



/
/


النقطه الثالثه والاخيره ..

من أمس وانا اشوفه يحك بجسمه كثير , ما ادري هو يلعب
ولا فيه شي بشعره .. هل تنصحوني أروشه ( أحممه - أسبحه ) ولا اخليه شوي بعد لين يتعود علي .. ؟ واذا ايه وش الطريقه الافضل .. ؟






وألف ألف ألف شكر مقدماً ..
لكل اعضاء ومشرفي هذا المنتدى ..
خدمتوني كثير الله يرضى عليكم ويرحم والديكم ..




تحيه

رد: ثلاث إستفسارات عن الكاسكو الصغير ..
 

النقطه الاولى

عادي تبداء بالتدريب وهذا افضل عمر له واما من ناحية العض لا تخاااف ماراح يعض اجزم انت وخل يدك عنده بتلاحظ انه ما يعض بيمسك يدك ويبعدها ما يأذيك

النقطه الثانيه
الحبوب ما تضره والخضروات والفواكه من الافضل انه ياكل منها علشان تعوضه بالفيتامينات والكالسيوم و و ...الخ
علشان نموه وشكله مظهر الريش
ومن ناحية الوجبات ضروري الصباح والمساء قبل ينام ووسط النهار خفايف زي المكافائات وانت تلقنه او تدربه ولو صارت وجبه عااي

النقطه الاخيره
ما انصحك تروشه الوقت ذا الجو بارد
وحافظ على نظافة القفص ضرورررري يكون نظيف
كل يوم او يومين نظفه ما تاخذ منك ولا ١٠ دقايق

اتمنى افدتك

تقبل مروري

رد: ثلاث إستفسارات عن الكاسكو الصغير ..
 

الفواكه مهمة جدا بس لا تكثر له واعتقد لو تكون طازجه افضل

رد: ثلاث إستفسارات عن الكاسكو الصغير ..
 

عزوز العبدالله

الله يعطيك عافيه ويرحم والديك ..
انا مهتم بنظافة القفص لكني ما اغسل القفص
غسلته مره جعر فيني لين قال امين وبطلت ..
انا الحين افكر اروشه واطربل القفص لين ثاني يوم الصباح ,


لا هنت ع المرور وافدتني كثير ..


/
/


ابو شدن لا هنت ,



انتظر مزيد من النصايح ..

رد: ثلاث إستفسارات عن الكاسكو الصغير ..
 

انتظر نصايح باقي الاعضاء والمشرفين ..

رد: ثلاث إستفسارات عن الكاسكو الصغير ..
 

اخوي الفواكه حلوه ومفيده
بس كثرتها تجيب الاسهال
يعني اعطيه فالاسبوع مره او فالاسبوعين مره
ولا تكثر له


من ناحية الحك امكن طبيعي ينظف نفسه
والترويش ما انصحك الحين لان الجو مره بارد هالايام



من ناحية الحبوب اعطيه عادي مالها ضرر بس يخوي لا تقول من هب ودب طيري شهيته مفتوحه والله لا يعطونه عين ماشيه 1000

نظافه القفص فشهر مره
اما الصحن حق القفص كل يومين الى 3


يخوي خش فعينو لا تخاف ابدا الترويض عمر حلو للترويض ما شاء الله



وانتبه من البروده مو حلوه للطير
خله فجو معتدل وحلو لانه فرخ
وقت النوم غطي القفص بس خلي الشبك من قدام مفتوح عشان الاكسجين

ان شاء الله رديت وافدتك
تحياتي
ابو سدران