كوكى قربت تولد
السلام عليكم ورحمة الله وبركاته
كوكى قربت تولد يا جماعه وانا مرعوبه كائنى انا اللى هولد بالرغم انى مش عارفه الاحساس ده ايه بالمره بقى ادعولى ربنا يرزقنى بالذريه الصالحه المهم هى هتكمل بكره 60 يوم من اول ما حصل جواز هى المشكله ان عندها شعر طويل والحلمات مش باينه خالص انا بفكر اخدها عند محلات واشيل الشعر اللى حوالين الحلمات صح كده ولا هما هيعرفوا يوصلوا للحلمات لوحدهم ؟ تانى حاجه انا جهزت الكرتونه للولاده وفرشت فيها بطانيه صغيره ودخلتها فيها مرتين هى اوقات بتدخل فيها بس بتطلع علطول هى ساعة الولاده هتروح فيها لوحدها ؟ تالت حاجه مشمش جوزها عندى وهو متطفل شويه وماشى وراها فى كل حته حتى لما بتدخل الحمام بيستناها قدام الحمام ويدخل يشم مكانها انا خايفه من وجوده معاها ساعة الولاده ومش عارفه اعمل معاه ايه اسيبه وربنا يستر وميقربش منها |
رد: كوكى قربت تولد
اول شي مرحبا بعودتك اختي بكوزه و بالنسبة اول شي لازم يكون عندها غذاء حتى تقدر تنتج الحليب للكيتز و غير ذلك هي بتختار مكان الولادة و بالقي الاشياء ما يقصرو الاعضاء
و بالنسبة ل مشمس حاولي تزعليه بعيد عنها و لكن بعد ما تتم عملية الولادة يعني قبل ما ينفطمو العيال يعني عندما يفتحون عيونهم تقدرين تخلين مشمش يشوفهم و يشمهم حتى يتاكد انهم اولاده و لكن مع مراقبة منك حتى لو مثلا لو لاعبهم او ازهم مثلا |
رد: كوكى قربت تولد
اول شئ حاولي تحبسيها في الغرفة الآي تبيها تولد فيها عشان ما تلقى مكان ثاني أهدى ولو ممكن إلكرتونه اللي جهزتها يكون لها غطاء أحسن لان البسه لما تولد تحب المكان يكون امن ودافئ ومظلم.
إذا شعرها كثير ومتعقد ( يعني مش دائماً تمشطيه) الأفضل انك تحلقيه لها والله يوفقك بس لا تنسي لما يكبروا الأولاد افضل سن يتركوا أمهم هو بين ١٠ و ١٢ أسبوع |
رد: كوكى قربت تولد
اقتباس:
نستو او شيدر مع فينو وخيار وعلى المغرب بتاكل فراخ مسوقه او بانيه او لحمه او تونه او سمك ماكريل ممكن مع رز وخضار او مكرونه بس هى مش بتهتم اوى بالرز والخضار والمكرونه بتركز على اللحوم مش عارفه كده كويس وينفع الاكل ده والنظام ده عشان يكون اللبن كويس ويارب يكون النظام ده مغذى للكيتز وتكون صحتهم كويسه ان شاء الله بس مشمش انا هحاول امشيه لانهم من دلوقتى وكل شويه خناق بمجرد انه يقرب منها وهو على فكره طيب جدا وحنون جدا ومش مؤذى خالص عمره ما طلع ضوافره ليا خالص بعكس كوكى بالرغم ان كوكى معايا من وهى صغيره وهو لسه عندى من شهرين بس |
رد: كوكى قربت تولد
اقتباس:
فى الاوضه بس انا عاوزه اعرف هى ممكن لو بدات تولد فى حته تانى غير الكرتونه اشلها وادخلها فى الكرتونه ولا ده غلط هى الاوضه اللى فيها الكرتونه دفيه جدا ومغطيها بمفرش صوف ومقفله الشبابيك والستائر وهى بعيد عن اى صوت بالنسبه لشعرها هى شعرها ناعم وبمشطه علطول بس هو مغطى على الحلمات هى الايام ديه بتنضف بطنها كتير اكتر من الطبيعى بتاع كل يوم هى كده قربت خلاص ..... بالنسبه لولادها لو خلتهم اكترمن 10 او 12 اسبوع ايه الخطر فى ده او ايه المشكله اللى ممكن تحصل |
رد: كوكى قربت تولد
اهلا بيكى
هى لما تيجى تولد هتدخل اكتر مكان هادى انتى بس عرفيها على مكان الولاده وسيبيها وقت ماهتيجى تولد هاتروح هناك على طول لو شعلاها كثيف جدا جدا هتضطرى تقصى الى عند الحلمات والى عند مكان الولاده اما لو شعرها مش كثيف اوى عادى مفيش مشكله مفيش اى خطر لو سبتى الكيتن نقصد ان الكيتن مينفعش يتاخدو من مامتهم قبل شهرين او 3 شهور عشان يكونو اعتمدو على نفسهم لو انتى مش عايزه تبعديهم عنن مامتهم دى حاجه كويسه جدا وان شاء الله تقوملك بالسلامه |
رد: كوكى قربت تولد
اقتباس:
على العلاج والحمد لله ربنا شفاها الحمد لله بفضل الدواء اللى انتى قولتى عليه بس انا دلوقتى قلقانه جدا عليها وخايفه معرفش اتعامل معاها وربنا يستر عليها وعلى ولادها يا رب وشكرا على اهتمامك انا كنت عاوزه اعرف ان شاء الله لما تولد اتعامل ازاى مع الكيتن فى ناس بتقول ان هى اللى بتقطع الحبل السورى وفيه بيقول انه بيقوع لوحده وفى بيقول انا اللى بقصه مش عارفه ارجوكى لو فى اى تنبيهات اعمل ايه ومعملش ايه قوليلى انا خايفه اشيل ذنب روح |
رد: كوكى قربت تولد
اهلا بيكى ياقمر
ربنا يخليكى ويستجاب منك ^^ بصى ان شاء الله ولادتها هتكون سهله والام هى الى هتعمل كل حاجه انتى مش هتعملى حاجه خالص هى الى بتقطع الحبل السرى وبتعمل كل حاجه انتى بس كل الى عليكى تجهزيلها اكله حلوة ووقطعيتن قماش واحده تولد عليها وبعد ماتخلص ولاده تغيريها بالتانيه وعموما هنكون موجودين معاكى عشاان لو حصل اى ظرف طارء لاقدر الله وا ن شاء الله ولادتها تكون سهله |
جميع الأوقات بتوقيت GMT +3. الساعة الآن 05:26 PM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو