منتديات تو زوو - بعض النصائح لغواة الحمام المبتدئين تجاربي الشخصية

بسم الله الرحمن الرحيم

اولا بعض الاسئلة المتعلقة بغواة الحمام المبتدئين

س1 عايز اربي حمام بس مش عارف اعمل اية

ج1 بص يا سيدي ابدء بحجات بسيطة بسيطة = كمية قليلة + ارخص انواع الحمام في السعر و النوع مش تروح تشتري حمام كبير في السن او عطال مش بيبيض او حمام مريض و تقولي دة ارخص حاجة ابدء بيها هات جوزين بلدي الجوز عامل 30 جنية مصري و دة ارخص حاجة و يكونو شغالين

س2 طيب انا هجيب بلدي زي ما انت قولتلي لكن اعرف منين انهم شغالين او انهم دكر و نتاية علشان ابتدي اربي صح

ج2 بص يا سيدي تعرف منين انهم شغالين لما تيجي تمسك الفرد و تسمع منو صوت شخير مش صوصوة لو بيصوصو يبقا لسة زغلول صغير لكن لو كبير هيشخر و حزاري تجيب الي رجلية مكرمشة او فية تشوهات او تحس انوو شكلوو كبير في السن بيبان من رجلية و شكلو العام انو كبير في السن و من نحية منقارو بوقو يعني تحس ان من تحت فية جلد كتير و مكرمش دة تعرف انو كبير في السن طيب اعرف منين انو دكر و نتاية اولا يا سيدي الدكر بيبقا شكلو اكبر من النتاية في الحجم و الراس و سيتك من عند فتحة الشرج هتلقي عضميتين لو مقفولييييييين اوي علي بعض يبقا دكر و لو مفتوحين شوية يبقا نتاية و سعدتك برضو لزم يكون ليك نظر يعني بتعرف من الشكل العام و هحط ليك صور اهو علشان تعرف فين النتاية و فين الدكر
http://t0.gstatic.com/images?q=tbn:A...aMs-C8PLvSr-mw
قولولي بقة فين الدكر و فين النتاية ؟؟؟

س3 طيب اربيهم فين انا عندي شقة - بيت - محل

ج3 بص يا سيدي لو في الشقة ممكن تربيهم في البلكونة و طبعاً حضرتك هتجيب جوزين بلدي لتحبسهم و متطيرهمش و دة افضلو لو هتربي في البلكونة اولا علشان الجيران الحمام ميقفش علي سور بتاع حد و يتبرز علي الغسيل او في البلكونات بتاع الناس طيب عندك محل انصحك متربيش فية غير الحمام الراكز زي الهزاز + الشقلباظ بس و في البلكونة برضو لكن لو عندك بيت ممكن تستغل السطح في اي اوضة فوق السطح معندكش اوضة اعمل عشة بس لزم يكون بيخش فيها الشمس و بعيد عن التيارات الهوائية الي انا عنيت منها و محدش بيتعلم بي الساهل محلوظة مهمة جدااا اي طائر يتحمل الحرارة ولكن لا يتحمل البرد و امراض البرد تصيب الحمام بشدة مثل البرد بتاع الحمام او السلمونيلا الي اعرضها في النهاية لو ملحقتهاش تجيب هزة الحمام و لا بد من النضافة القصوي للحمام

س4 طيب ازي احافظ علي الحمام ؟؟

ج4 اولا اسمع نصيحي بقة حاول تحط الحمام بتاعك في حتة فيها شمس و تهوية كويسة و كل اسبوع تحط طبق مية كبيرة و تحط فية ملح طعام و خليهم يستحمو ولو مستحموش بي الزوق امسك انت فرد فرد و نزلو في المية و حزاري المية تخش جوة ودانة و بعد منا يستحمو كلهم شيل المية و ارميها متسبهاش ليهم

و نصيحة هات ليك مساقي مية يدوية زي الي في الصورة دي تقعد معاك خمس ايام و ديمن حط في المية فصين ثوم مقطعين للوقاية و كل اسبوع ابقا حط في المية مضاد حيوي كولوكس للوقاية ايضا اي مضاد حيوي بشري مش بيضر
http://www12.0zz0.com/2011/01/14/16/103540385.gif

تعالة بقة اقولك اخر نصيحة ليك بجد اوع تطلع لحمامك كتيرررررررر سيبهم برحتهم يعني كل يومين او ثلاثة تطلع نص ساعة تطمن علي الحمام تشوف في فرد مريض او حاجة تنقلو او تبعدو عن بقية الحمام و ان شاء الله انت لو مشيت علي الي انا بقولو ليك دة مفيش فرد حمام هيتعب بس نصيحة لو لحظت ان في فرد حمام تعبان خدو و انقلو في قفص لوحدو و خدو معاك في بيتك و حاول تعلجو بي ايدك مضاد حيوي و ابحث عن النت عن المرض الي انت شيفو في حمامك و نفزو علي اسرع وقت النصيحة التانية اوع حد غيرك يشوف حمامك في العشة و متطلعش حد نهائي علشان الحمام و الارانب بيتحسدو بسرعة جداااا و بلاش تدخل في حيتهم و انسهم و متفكرش في انتجهم ولا تفكر فيهم اساسا دي بقة نصيحة من امي الغالية سيبهم علي الله و متتفحصش فيهم كتير علي قد الاكل و المية ولا تلعب فيهم ولا تمسكهم كتير ولا تبص النتاية دي موسعة ولا مش موسعة و متقولش لحد ان حمامك باض من الاخر كل الي عليك حطلهم اكلهم و المية و اعتني بيهم لا اكثر ولا اقل و اتفرج علي غيتك دي في خلال سنة واحدة هتبقا عملة ازي من جوزين بلدي و اخيراااااااااااااااااااااااااااااااااااااااااااااااااااااااااااااا
حزاري من الاطفال ههههههههههههههههههههههه بيحبو يلعبو في كل حاجة لو طفل طلع ليك و لعب في الحمام اخطررررررررر مليون مرة من 200 الف فار هههههه وشكرااا ارجو اني اكون افدتكم بي معلوماتي او تجربي الشخصية