|
بخصوص بعض تفاصيل بيت الكلب
السلام عليكم ورحمة الله بركاته
انا يوجد لدي كلبان من نوع هسكي وحاب اسوي بيت لهم لكن حبيت استفسر عن كم حاجة حيرتني بالسوق حجم البيت على اقل تقدير هل يكون متر طول بمترين عرض او مترين بمترين لاني مابي مساحة زيادة لهم وبنفس الوقت مابي اظلمهم الشيء الاخر طبعا التكييف انا بركب مكيف شباك اللي هو مربع الشكل فعشاني بركبه داخل بيت الكلاب هل ازيد ارتفاع البيت ؟ وكم اخليه اقل شي؟ و اهم اهم شي يوم رحت السوق اسال عن اسعار بيوت الخشب قالولي فيه انواع كثيرة واعطوني انواع غاليه وانا مابي اشتري على جهل فهل اسوي البيت من خشب عادي )حطب( او خشب ابيض او اسود؟ عشان مابي يحسون بالحر برى وكم اخلي سمك الخشب نص انش ام اكثر؟ وجزاكم الله خير عذرا عالاطاله |
رد: بخصوص بعض تفاصيل بيت الكلب
سقف بيت الكلب ايش افضل الانواع اللي ممكن اركبها؟؟
|
رد: بخصوص بعض تفاصيل بيت الكلب
وعليكم السلام ورحمة الله وبركاته
تم النقل الى قسم سؤال وجواب نعم اخي العزيز من الافضل تكون حضيره دائمه وللمستقبل ومكيفه تكون مثل غرفة وصالة الطول اربع متر والعرض متر ونص الى مترين كامل تنقسم من النص وتصبح غرفة مترين في متر ونص والصاله نفس الكلام نكيف الغرفة المغلقه بالكامل وفيها باب صغير الى الصاله مشبكه بالكامل طبعن من الطابوق العازل للحراره ومن الداخل السراميك والسقف اذا كان من الاسمنت افضل او القرميط او الشرايح الالمنيوم بس لازم يكون في عازل حراره ومصفاتين والمكيف في الغرفه هينا صار عندك كنل عالمي:D |
رد: بخصوص بعض تفاصيل بيت الكلب
اخي العزيز الهولي وصفك اكثر من روعه لكن اتمنى انك تجيبني عالارتفاع للبيت كم يكون على اقل تقدير
انا ودي اسوي اللي بتقول عنه لكن الميزانيه ماتساعد وخصوصا اني ابي بيتهم للنوم والاكل فقط مش اكثر او للنوم فقط ميزانيتي لاتتعدى الالفين ريال كامل فما ادري ايش راح اقدر اسوي بالضبط ياريت توجهني وجزاك الله خير حبيبي ماقصرت كفيت ووفيت والمعذرة على وضع السؤال في قسم آخر صياما مقبولا وفطارا شهيا باذن الله :) اخوك يزيد القريشي |
رد: بخصوص بعض تفاصيل بيت الكلب
على راسي اخوي يزيد من فوق
اذا كانت الميزانيه ألفين لاتطبق نفس كلامي لأن الي اتكلم عنه انا كامل يكلف حول الخمس الاف ريال :D في حلول كثيره ممكن تاخذ قفص من سوق الحمام جاهز مترين ي مترين ومسقف شينكو:D ومكيف خارجي صغير يعني برضو كويس وحده وحده وان شاءالله نشوف عندك كنل في حضائر عالميه في المستقبل |
رد: بخصوص بعض تفاصيل بيت الكلب
عجبتني فكرة قفص الحمام واذا مريحة لهم ممكن اجيبها بس الحين وين الاقي اقفاص الحمام وين سوق الحمام؟
انا من الدمام وسألت اهلي ولا احد يعرف وين ممكن توضح وين مكانه بالضبط لو تدله؟ وااعذرني تعبتك معي :) |
رد: بخصوص بعض تفاصيل بيت الكلب
اتفضل لك ماطلبت على الخاص
وحاضرين لطيبين |
| جميع الأوقات بتوقيت GMT +3. الساعة الآن 05:39 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو