|
الاستحمام فترة العلاج !
صباح الخير
عندي قطو طلعت له فطريات وجالس يتعالج منها هل من الممكن أني اروشه وهو بفترة العلاج ؟ |
رد: الاستحمام فترة العلاج !
اهلين اختي
الاستحمام من اهم العلاجات للفطريات واذا ماروشتيه بطول فترة العلاج جيبي شامبو نيزورال او فافو وروشي القط كل 3 ايام بالكثير عطيني اسماء جميع المستحضرات اللي تستخدمينها في العلاج في انتظارك .. |
رد: الاستحمام فترة العلاج !
بيتادين كل يوم مرتين في الصباح والمساء
وكريم في علبة صغيرة بدون اسم لونة احمر بس كل ما احط له الدوا بيلحسة هل ارجع احط مرة ثانية ولا اخليه عادي ؟ |
رد: الاستحمام فترة العلاج !
قال لي الدكتور اروشه كل اربع ايام بصابون الكبريت
استخدمت ولا أخذ شامبو ثاني افضل ! |
رد: الاستحمام فترة العلاج !
الشامبو اللي قلت لك عليه هو افضل علاج
صابونه الكبريت بس تشيل الدهون من الجلد لا اكثر يعني مالها فايدة وشلون تحطين كريم ماله اسم !! افرض سبب تلف بالشعر او حساسية لها مو اي شي نحطه والسلام .. جيبي من الصيدلية البشرية مرهم بنزانيل او مرهم بيتادين والشامبو وبخاخ لامزيل بتحطين المرهم مرتين باليوم وبعدمايمتصه الجلد بترشين على المنطقة المصابة بالبخاخ وتروشينها كل 3 ايام او يومين اتركك من كلام الدكتور وحطي له العلاج وهو نايم حتى مايمديه يلسحه ولازم تعرضينه للشمس كل يوم ربع ساعة حتى تقتل الفطريات |
رد: الاستحمام فترة العلاج !
ولو تقدرين تصورين المنطقة المصابة ياريت ..
|
رد: الاستحمام فترة العلاج !
والله مدري هذا اللي أعطاني إياه البيطري :(
مو مشكلة ابجيب له الأدوية اللي قلتيلي عليها بس الى الآن ما اكل ولا شرب شئ والله يكرمك يقضي حاجته خارج الليتر بوكس هل هذا شئ عااادي وطبيعي ؟! من ناحية الصور كيف انزلها عشان تشوفيها ؟! |
رد: الاستحمام فترة العلاج !
[B][COLOR="DarkGreen"]اوك اتركي علاجات الدكتور واستمري معي
وفي مطهر نسيت اقولك عنه بيتادين الاخضر هذا تحطينه قبل المرهم والبخاخ ضروري علشان يطهر المكان للأمتصاص وبالنسبة للأكل هل فيه حراره جربي ادخلي الترمومتر بهدوء في فتحة الشرج لخمس دقائق شوفي الحرارة وخبريني وبالنسبة لرفع الصور هذا الموضوع بيفيدك http://www.2zoo.com/vb/showthread.php?t=216420 |
رد: الاستحمام فترة العلاج !
أوك الله يعطيكي العافية
الحين بصور لك البيتادين اللي عندي أتوقع نفس اللي قلتي عليه الحين بدأ يأكل على خفيف بالنسبة للحرارة ما عندي ترمومتر فيه طريقة ثانيه أقيس فيها حرارته ؟! |
رد: الاستحمام فترة العلاج !
ترى الرابط طلع لمسابقه القطط مو رابط رفع الصور
ياريت تعطيني رابط رفع الصور الصحيح |
| جميع الأوقات بتوقيت GMT +3. الساعة الآن 01:06 PM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو