|
هل الجرح يقتل الببغاء
السلام عليكم ورحمة الله وبركاته
عدت من جديد مع مشكله جديده ويا ببغائي الكاسكو "المأساه" فوقو بعد ما نجحت في ايقاف نتف الريش أكثر من شهر وظهور الريش كاااااملا في الصدر والظهر..وظهور الذيل ونصف الجناح... يفاجئني أمس بأنّه جرح نفسه في منطقة الخصر قرب الجناح << معليش سميته خصر للتوضيح المهم ان الجرح جا بسبب معدن حاد هو قفز نحوه لما خاف من الباب وهو ينفتح (ليلحين يخاف من كل شي وكأنه جديد في البيت >_>) المهم انه امس نزف لكن النزيف وقف بسرعه الحمدلله...ووقتها ما قدرت أحصل الجرح لأنه ما ترك أكثر عالريش اليوم يخاف من طير كوكاتيل يرفرف ويقفز من فوق الستاند لين الأرض وينزف من جديد ويظهر مكان الجرح اللي يعرف قصة ببغائي فهو مجنون ومريض نفسيا (ممكن تطلعون على مواضيعي السابقه لأني أتمنى محد يناقشني بخصوص تدريبه والتقرب اليه وكسب محبته و و و...الخ لأن سبق وحاولنا وكلمنا مروضين وبيطريين وتوصلنا الى ان الامر مستحيل :( )...فما أقدر اخذه البيطري ولا أقدر أعالجه بنفسي لأنه مب طبيعي...فهل ممكن لو تركته ينام فتره طويله في مكان مظلم ويخفف حركه يوقف النزيف ويلتئم الجرح من نفسه؟ ولا الوضع بيتطور للأسوأ ويمرض ويموت؟ :( |
رد: هل الجرح يقتل الببغاء
السلام عليكم
يمكنك وضع الببغاء لفترة لحين إلتئام الجرح طالما لا يمكنك معالجته بنفسك واذا النزيف مستمر لا يتوقف بالتأكيد يضره ويموت وبالتوفيق |
رد: هل الجرح يقتل الببغاء
وعليكم السلام..
ألف سلامه على الببغاء.. برأيي لو تحطه داخل القفص هالفتره حتى يلتئم الجرح بشكل جيد لان الحركه والطيران تضره وتجعله ينزف.. بالتوفيق والف سلامه عليه اخوك رمزي |
رد: هل الجرح يقتل الببغاء
خل الطير داخل القفص علشان ما يطير او يطيح من الاستاند ويتضاعف الجرح
مسالة تحطه بمكان مضلم فتره غلط لانه بيرج ثانيه لنتف الريش لو تغير نظامه فجاءه |
رد: هل الجرح يقتل الببغاء
وعليكم السلام ورحمة الله وبركاته
بطبعا لو نزف كثير راح يموت بالتوفيق |
رد: هل الجرح يقتل الببغاء
يعطيكم العافيه...ومثل ما قلتوا مع تخيف الحركه راح يلتئم الجرح والحمدلله الحين ماله اثر ^_^
اقتباس:
|
رد: هل الجرح يقتل الببغاء
الطير الخواف العنيد اللذي لا يقدر العشره ولا يحب صاحبة مع كثرت المحاولات اتقرب اليه والتودد له وتحسيسة
با الامان هذا طائر لايستحق الاحتفاض به ولا تربيته انا عندي كاسكو مثل الخبل اللي عندك لضبط شريته بسعررخيص جدا لانه كان ينتف ريشه فلت ابجرب حضي معاه وبسوي فيه خير واعالجة الان بعد مرور خمس اشهر تم ترويضه سبعين با الميه وتوقف تماما عن النتف ولاكن الخوف والعناد وكثرت الزعل لم اجد لها حل ابدا ومشكلته الاساسية انه مجنون لا يميز من يحبه ولا من بريد ايذائه انا مسميه الخبل عندي طبر ثاني عكسه تماما حلوب الليف لايخاف جريئ يحب اللعب يتكلم بطلاقة سبحان الله فعلا فيه بعض الطيور مريض نفسي ومجنون ومستحيل يعقل هل يومين افكر ابيعه او اشويه واكله |
رد: هل الجرح يقتل الببغاء
اخي الكريم..
طائرك اصبحت عنده حاله نفسيه قويه جدا من زمان..ولعلاجه يحتاج فتره طويله جدا جدا بالتوفيق اخوك رمزي |
رد: هل الجرح يقتل الببغاء
شرارة
ايوااااااااااااااااا....أخيرا احد كتب عن تجربه مشابهه...البعض هنا مع الاسف ما راضي يصدق ان الطير مجنون بالفطره...او بسبب اخر قبل ما أشتريه وان ماله علاج...الحمدلله ردك يشهد على ان مثل هالحالات موجوده ولو انه نادره...ووصفك دقيق لما قلت انه ما يميز بين اللي يحبه واللي يحاول يأذيه...او بالأصح يعتبر الكل يحاول يأذيه ول محّد يأذيه هو يحاول بدون سبب يأذي غيره حتى لو كان بعيد عنه...ههههه اسم الخبل ذكرني بفرخ حمام سميناه خبل XD بيعه أو عطه أي احد يتبناه وارتاح منه قبل لا تزيد المشكله ويرجع للنتف ويتعلم الصراخ بعد....العجيب ان عندك طير معاه المفروض انه يسليه ويحل مشكلته...كثير اعضاء نصحوني اجيب للخبل اللي عندي طير ثاني...لكن من كلامك أفهم انها ما تفرق ): the_gostman أخوي هالطير ماله علاج أصلا...انا أخذته والحاله موجوده وتضاعفت مع الوقت وصارت نتف وصراخ بدون ما أحد يأذيه...وفرنا له كل شي يحبه وكل الرعايه...لكن مثل ما قال اخونا "شراره"...هالنوعيات مالها علاج أبدا |
| جميع الأوقات بتوقيت GMT +3. الساعة الآن 12:25 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو