3 في قفص
 

بسم الله الرحمن الرحيم

اخوتي الاكارم

سلام عليكم ورحمة الله وبركاته

فالبدايه أشكر القائمين على موقع تو زوو والاعضاء كثير الشكر

( بقلب بالعاميه الحجازيه :) ) والحاجه الثانيه يا جماعه كان عندي جوز يحبهم قلبكم جنان يا هوو

الهرجه ومافيها انهم جابوا بيضتين وطولت عندهم مدري ما لقحت زي الناس مدري ايش قصتها وبعدين اختفت بقدره قادر ايش الهرجه اكلوها ولا خبوها ما ادري المهم هذا مو استفساري

وبعدين ماتت الحرمه :( والرجال ما بطل زعيق عليها ( بيني وبينكم وناسه انواع التغريد ) المهم انا ضميري انبني ورحت السوق على اساس اجيب لهم حرمه

شوي شفت لكم داك الجوز مره حلو .. فأشتريته

أها وصلنا للهرجه ولا اقولكم لسى كمان

المهم وصلت البيت رحت طيران على القفص ابغى افرحه ، وفلتهم جنب القفص والراجل ما صدق يغرد وينقز ويمين وشمال

المهم للمره التانيه خششتهم معاه جوا القفص وشوي شفته يتكلم معاهم شوي مره مع هدا ومره مع التاني

وشوي ينقر في الراجل التاني .. لحد ما خلاه يفتح القفص ويخرج وما رديته الا قريب السطوح ، كويس باب السطح مسكر

ورديته تاني ونفس الحكايه وتالت ورابع ،، لحد ما قلت ما بدهاش

خرجت حقي القديم لوحده في قفص والزوج الجديد في قفص لوحدهم

والراجل القروشه ما بطل يهرج ومتعلق لجهة القفص التاني

هو يوم وهجد ، وشفت وضعه انه عقل ، فتحت له القفص الجديد وكنت مقفل الباب بقفل ، وشوي روح فتح القفص التاني ودخل فيه وهو محترم نفسه ،

ولين دحين والحمد لله ، لهم مع بعض تقريبا شهر

الهرجه وما فيها يا جماعه ، أنوه عادي اخلي ذكرين مع انثى ولا اجيب انثى تانيه واخلي كل زوح في قفص ولا عادي كلهم في قفص واحد ،،، هذا هو استفساري

واسف على الاطاله يا جماعه .. واطلب المعذرة والسماح أولا على ردائت الأسلوب وركاكته وتانيا إن أخطأت في التعبير

أخوكم الصغير / عبود

رد: 3 في قفص
 

مرحبا بك في هالمنتدى

انا الي اعتقده والي اعرفه انو الاصح انك تحط انثتين مع ذكر ممكن يتعايشون اما العكس اعتقد انه راح يسبب لك مشاكل وخصوصا من قبل الذكرين لانهم بيتهاوشون على الانثى فااعتقد يجب فصلهم ووضع كل جوز لوحدة او جيب انثى للذكر يصير عندك جوزين والله يجيب الي فيه الخير

اتمنى اكون افدتك والخبراء اكيد لهم تفصيلات وراي اخبر مني

رد: 3 في قفص
 

يا عبودي بالعكس طريقتك مره حلوه في سرد الحكايه .. الله يخليهم لك وحمستني اشوف صورهم .. لأنو احتمال وانا اقول احتمال انو يكونوا ذكرين او انثيين الي كانوا عندك لأن البيض موب مخصب .. ووين راح البيض.. اضنهم طاحوا فيه واكلوه كله ممكن يكونوا محتاجين كالسيوم فاانت علقلهم الكالسيوم يمكن يحتاجونه وعشان ما ياكلون البيض الي بيجي ان شاء الله.. ومن ناحيه ينفع ثلاثه في قفص هاذي ما اعرفها نشوف الخبراء .. قود لك ..

رد: 3 في قفص
 

الاخ العزيز المايسترو شاكر لك تفاعلك السريع وردك ..

وإن شاء الله سأشتري انثى اخرى وسأضع كل جوز على حدى وكفى الكروانات شر القتال :):)

شكرا لك مره أخرى .. لك تحياتي ،،

---------------------------
الأخت العزيزه ، تراني جديدة

شكرا على اطراءك ..( حمستيني اكتب :) :) )

كمان شويه بس اشتري لهم لبس جديد واحممهم واهندمهم انزل صورهم ، وكمان لما اشتري اجيب الحرمه الجديده ،

وحكايه البيض : ماني عارف فين راحوا لكن اول ما حطوا بيضتين فرحت وعملت هيصه ورحت اسأل في سوق الطيور ايش اسوي في البيت حقهم احط لهم شيء

قالوا لا ولا تهتم هما يصرفوا نفسهم .. وكنت مأمل اشوف اولادهم .. وكل ما اقابل احد اقوله جاني اولاد خخخخخخخخ :)

وبعدها .... كان شيء لم يكن :( :(

السؤال اللي يطرح نفسه هنا .. البيت حقهم ايش احط فيلووه ؟؟!

أكرر شكري لكم ،

أخوكم الصغير/ عبود

رد: 3 في قفص