|
استفسار لأهل الخبرة
السلام عليكم ورحمة الله وبركاته ،،
:):):) الكاسكو مالي هلوندي فرخ من 5 الى 6 شهور اليف. كان يعض بس وقف العض ويحب امسح على راسة وجسمة يحب يطلع وطلعتة كم مرة ،، وآخر مرة طلعتة يمكن قبل يومين وجاء امر طارئ وأبي ادخلها وعيت تدخل دخلتة غصب شوي ،، بعدها تغيرت علي صارت تعض وكل ما ادخل ايدي أنظف تجي بسرعة وتعض ايدي ،، وكانت تأكل واجد والحين قامت تنثر الأكل ما تأكل مثل قبل (يمكن حسدتها هههههه). وماقمت تأكل من ايدي وصارت تخاف ؟؟! كل هذا علشان دخلتها ؟؟ وصايرة الحين تبدي تتكلم تقول كلام بس مو اضح شنو اعلمها ؟!! ليش تغيرت علي فجأة شل الحل !؟؟؟ :confused: ومشكووور ين :freind::freind: |
رد: استفسار لأهل الخبرة
وعليكم السلام ورحمة الله وبركاته
اخوي الببغاء كان يحبك بس الله يسامحك سحبت عليه وتضايق منك حاول ترجع تمسح عليه وتقعد معه اكثر وقت ممكن وبنسبه للتلقين الببغاء الكلام حاول تبداء بكلمات خفيفه وليست طويله مثال بابا كوكو الله هلا الخ وان شاء الله يرجع مثل اول ويتكلم بالتوفيق |
رد: استفسار لأهل الخبرة
ارجع تاني مسج عالطير ولاطفه وراح يستجيب
ممكن احس منك بخوف لما دخلته غصب القفص بالتوفيق |
رد: استفسار لأهل الخبرة
اقتباس:
الله كل هذا العض زعلانة هههه والله أنها اكثر حيوان مر علي دلعتة واهتمت فية كان عندي قطط وأي حركة غلط تسويها طراق مافي تفاهم ههههه (طراق ضحك يعني موجد) والله حدها حساسة مشاءالله هههه انا الحين قعدت معاها وأكلهما شوي شوي قامت ترد بس للحين تعض وتعاملني كأني غريب :(:( واليوم تعطيني رأسها علشان امسح عليها تخليني شوي وتغدر فيني وتعطيني عضة محترمة هههه :mad: والحين أسمعها تغرد وتتكلم بصوت مو واضح مستانسة :D:D يعني مع الوقت راح ترد ؟؟! سوري طولت عليكم تحملوني جديد واسألتي واجد :freind::) |
رد: استفسار لأهل الخبرة
اقتباس:
ان شاءالله برد امسح علية شوي شوي لانها جد عنيدة :64: بس راح انطر عليها وان شاءالله ترد :cool: |
رد: استفسار لأهل الخبرة
هذي مشكلة الطير المدلع اي تغير يزعل وبذات الكاسكو اذا تدلع وعوده صاحبه على الطلوع من القفص بكثرة مشكله
على العموم ترا الوضع عادي بس لا ترضخ له سو اللي تبي فيه بس بدون صراخ او ضرب ابعد عن العنف ولا عليك منه لازم تفرض سيطرتك عليه ويتعود على هل شي لانه لو تعود على الدلع والزعل كل ما سويت شي مايبيه راح يتعبك بعدين دلعه وامسح على راسه تكلم معاه اهتم في نظافته ونظافة القفص وكله وفي نفس الوقت افرض رائيك وسيطرتك عليه راح يتعود ويدري ان الععض والزعل مايجيب نتيجة . اتمنا لك التوفيق وتقبل رائيي |
رد: استفسار لأهل الخبرة
اقتباس:
كلامك عين الصواب هي عنيدة ولازم تأخذ الي تبية وإذا ما عجبها تعض عض محترم بس راح أكسر كلمتها لانها باطة كبدي يا هي يا انا ههههه :angry: |
رد: استفسار لأهل الخبرة
أكله أعزأكلة يحبها أعطه عسل بأصبعك سيعود لطبيعته إن شاألله عامله كطفل زعلان هههه
|
رد: استفسار لأهل الخبرة
اجلس معه اكثر وقت وافتح باب القفص وخله مفتوح وانت جالس عنده
يبي يهزه الشوق وبيطلع ويرجع لك هههههههه بس نصيحه لا تستخدم العنف مره ثانيه ماراح يجيب نتيجه بالعكس يخرب كل اللي تسويه والببغاء حساس وبقوه من تتغير معاملتك معاه صدقني بيتغير تجي يمه بعنف يقابلك بعنف والعكس وبالنهايه هو بهيمه حرام علينا نعاملها بعنف نقطه مهمه / لا تخاف منه اذا حاول يعضك ولا تسحب يدك بسرعه كذا بيعرف نقطة ضعفك وبتطول المساله علشان يرجع زي اول المعذره على الاطاله تقبل مروري |
رد: استفسار لأهل الخبرة
من رأي الشخصي ، ما فيه داعي ابدا تقفل عليه القفص ،
ما اشترينا الببغاوات عشان نحبسها ب الاقفاص ، اتكلم عن تجربتي ،، ما قد قفلت باب القفص على [ ببغوني ] ابدا ، و اتركه ينزل من القفص و يتمشى و يطلع مثل ما يبي ، لكن بغرفه وحده فقط ، مو بالبيت كله مخصص له غرفتي انا ، يسوي فيها اللي يبيه ، و العجيب انه يتفرج معاي افلام و يجلس على كتفي ( مستكن ) كسبت من ذا الشي ، مودته و حبه لي ، يجيني لين عندي و يجلس على كتفي من غير ما اناديه و تعلم ان الاكل و الماء في القفص ، يروح بنفسه ياكل و يشرب و يرجع لي و ايضا اصبح يقوم بحماية غرفتي في اثاء عدم وجودي بالبيت ، أذكر مره من المرات ، جاء صاحب المكيفات يصلح مكيف غرفتي ، والله ما تركه في حاله ما غير يصارخ عليه يوم شاف انه يفك المكيف يبي ياخذه معاه ، [ مع العلم اذا جوني ضيوف ما يسوي لهم شي ] لكن يكره شيء اسمه طفل و معروف السبب ، لانهم طلعو ريحته مأذينه كثير و كسبت ايضا ، يروح القفص بنفسه و يجلس فيه غالب الوقت بدون اجباري له .. في الضروره ادخله القفص و اقفل عليه غصب ، خوفا عليه فقط ، خاصه اذا فيه ضيوف ومعاهم اطفال صحيح ينثر الاكل حقه برجوله و يزعل ، و الحين خلاص فهم اني اقفل عليه القفص بسبب و صار عادي عنده لكن مجرد ما تروح الضروره ، افتح قفصه على طول ، و يطلع لي مبسوط ويرفرف جناحه يبيني اشيله على كتفي ب اختصار شديد انا ضد شي اسمه [ قفصصصصصصصصصصصص ] تقبل مروري ، ، |
| جميع الأوقات بتوقيت GMT +3. الساعة الآن 06:37 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو