|
لحقوا على قطي يستفرغ بعد مارشيته ببخاخ الحشرات
السلام عليكم في قطي قبل يومين قراد ورحت شريت بخاخ bio للحشرات واليوم الصباح حصلته مستفرغ في الغرف مع العلم اني غرقت كل جسمه بالبخاخ لين ماصار يقطر متى اروشه
|
رد: لحقوا على قطي يستفرغ بعد مارشيته ببخاخ الحشرات
اوووف حرام عليك هذا تسمم شكله وده للبيطري على طووول
المفروض تبخه كم بخه على جسمه وتخليه خمس دقايق وانت ماسكه عشان مايلحس جسمه وتروشه على طووول الله يحميه مسكين :(( |
رد: لحقوا على قطي يستفرغ بعد مارشيته ببخاخ الحشرات
انا الحين على طول روشته ووضعه طيب واكل من الدراي فود وشرب ماء شكلي كثرة له بخاخ
كله من الهندي يقول رشه كله ولاتروشه حسبه الله |
رد: لحقوا على قطي يستفرغ بعد مارشيته ببخاخ الحشرات
مسكين خلصت البخاخ فيه ماعاد بيبقى فيه برغوث واحد ههههههههههه
|
رد: لحقوا على قطي يستفرغ بعد مارشيته ببخاخ الحشرات
الله يهداك يا اخي المفروض ترشه على منطقة الرقبه فقط مو كل جسمه
على اي حال لا تروشه بعد الرش ب24 ساعة وبعدها بتروشه بمويه دافية وشامبو جونسون واشطف جسمه كويس بالموية لازم مايبقى اثر للبخاخ على جسمه والاستفراغ هذا طبعي ماشاء الله عليك رشيت جسمه كله طبيعي يدخل الرذاذ في فمه وانفه ادى الى تهيج وحساسية كيف حالته الحين هل فيه اسهال؟ وش لون الاستفراغ وهل مازال يستفرغ ؟ في انتظارك .. |
رد: لحقوا على قطي يستفرغ بعد مارشيته ببخاخ الحشرات
لا اله الا الله حراااااااام عليك :(
الله يحفظه ويشفيه .. انا اي استشاره من الدكتور احب اعرضها هني قبل ما اسوي اي شي واخذ خبره واعرف الصح بنسبه اكبر |
رد: لحقوا على قطي يستفرغ بعد مارشيته ببخاخ الحشرات
الحمد لله حالته طيبه الحين روشته اليوم في الصبح والاستفراغ وقف الحين بس مدري عنده اسهال اعتقد انه من البيتا موكس لأنه عنده زكام موب راضي يروح وحساسيه وش علاجها
|
رد: لحقوا على قطي يستفرغ بعد مارشيته ببخاخ الحشرات
لا البيتاموكس مايسبب اسهال هي ممكن من تأثير البخاخ
قدم لها اكل مسلوق ودافي وزبادي دافي بالعسل يهدئ المعده الحساسيه هذي شي مؤقت بسبب البخاخ وبيروح لحاله بس كان لازم ماتكثر الجرعة والحمد لله عدت على خير اهتم فيها وطمني عليها .. |
رد: لحقوا على قطي يستفرغ بعد مارشيته ببخاخ الحشرات
شريت هذا الدواء من الصيدلية البيطرية Diclofenac sodium injection ((Diclozen) وعطيته ابره عضل نص ملي ابرة 3 cc
وراح استخدمه مع البيتا موكس لأنه عنده التهاب شديد في الحنجره مايقدر يبلع وش رايكم في الادويه |
رد: لحقوا على قطي يستفرغ بعد مارشيته ببخاخ الحشرات
الدواء مناسب جدا للألتهابات اهم شي تكون الجرعة مناسبة ويكون التشخيص من الطبيب صحيح
اهتم فيه وقدم له مأكولات دافيه وطريه ابعد عنه الدراي فود حاليا حتى يسهل عليها بلع الاكل |
| جميع الأوقات بتوقيت GMT +3. الساعة الآن 05:06 PM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو