منتديات تو زوو

منتديات تو زوو (http://www.2zoo.com/vb/index.php)
-   سؤال وجواب لقسم هواة الببغاوات (http://www.2zoo.com/vb/forumdisplay.php?f=73)
-   -   الاسهال عند الكاسكو مالي .. بليز ابي حل (http://www.2zoo.com/vb/showthread.php?t=32697)

Ba7rainiA 15-07-2007 07:54 PM
الاسهال عند الكاسكو مالي .. بليز ابي حل
 
السلام عليكم ورحمة الله وبركاته



شباب المنتدى شخباركم ؟


رجعت لكم مره ثانيه بسؤال وسالفه مكدرتني !!!


الكاسكو اللي عندي صاده اسهال ..
واليوم له ثاني على هالحاله !!

لون البراز طبعاً اخضر ومعاه ابيض ..
ومعاه سائل شفاف بشكل مو شي طبيعي < مثل الماي
وبدون ريحه ..

بس بخصوص حركته فهي عاديه ..
يعني نشيط ويلعب عادي ..


اكثر شي ياكله الحبوب ..
القفص نظيف واكله نظيف ..
حتى الكاسكو اسبحه مرتين في الاسبوع !!

فانا شاكه ان سبب الاسهال هو برودة الغرفه في الليل !!



الحين السؤال هو :

-1- هل اغطي القفص بكبره ؟
وشنو نوع الغطاء ؟؟
يعني اخاف اغطيه بقماش ويختنق :confused:

انا كنت اغطي جهه وحده بس ..
وهي جهة التيار !!


-2- بغيت اسم بيطري ممتاز في البحرين ..
ورقم الهاتف حتى ادل المكان عدل


-3- هل فيه علاج طبيعي احسن من الادويه ؟
انا سمعت عن العسل والثوم ؟
بس بغيت الوصفه بشكل دقيق

بوصدام 15-07-2007 08:02 PM
رد: الاسهال عند الكاسكو مالي .. بليز ابي حل
 
السلام عليكم ورحمه الله وبركاته
وديه لبديع هناك فيه أكثر من بيطري ويوجد بيطري حكومي أيضا
ص بالقرب من باتلكو

Ba7rainiA 15-07-2007 08:12 PM
رد: الاسهال عند الكاسكو مالي .. بليز ابي حل
 
تسلم على الرد اخوي ..

بس ماتعرف بيطري زين ؟
لان مابي اوديه اي مكان ويذبحونه لي :(

سمعت من ناس وايد ان البطريه اللي عندنا يحبون يجربون في الطيور !!

يعني مثل ما مستشفى السلمانيه يسوون في الاوادم :D


اخاف اوديه واتحسف !!

كاسكو البحرين 15-07-2007 11:22 PM
رد: الاسهال عند الكاسكو مالي .. بليز ابي حل
 
هل اغطي القفص بكبره ؟
وشنو نوع الغطاء ؟؟
يعني اخاف اغطيه بقماش ويختنق
ج: غطاء عادي (شرشف) ولايكون درجة برودة الغرفه عاليه كلش واذا القفص مغطى مافي مشكلة تكون الدرجه بين 20الى 23 واعتقد هذه درجه مناسبة للناس الموجوده وللطير في نفس الوقت
التغطية تكون كامله على القفص والشرشف خفيف مابكون في اي اختناق


بغيت اسم بيطري ممتاز في البحرين ..
ورقم الهاتف حتى ادل المكان عدل
ج:على شارع البديع وهذا بيطري خاص ( رقم الهاتف 17599000)
إسم المحل ( جاسم للزراعة) ويكون قرب قرية سار تقريباً


هل فيه علاج طبيعي احسن من الادويه ؟
انا سمعت عن العسل والثوم ؟
بس بغيت الوصفه بشكل دقيق

نعم في والأمثال المذكورة صحيحه مثل الثوم والعسل ولكن
اعتقد الأدوية فعالة و أقوى ( مضاد حيوي )

Ba7rainiA 15-07-2007 11:27 PM
رد: الاسهال عند الكاسكو مالي .. بليز ابي حل
 
يعطيك العــــافيه اخوي على الرد

وان شاء الله باوديه حق البيطري ..





اي صج ..
مبروووك لنا الفوز :D

دبوسي 17-07-2007 10:01 PM
رد: الاسهال عند الكاسكو مالي .. بليز ابي حل
 
السلام عليكم
حبيبي حطله بماعون الماي كيس شاي لبتون وحوسه عدل وانشالله يتشافى واخذله فيتامين الاصفر بودر خلطه مع الماي وجرب انت واسال مجرب ولا تسأل طبيب باي


جميع الأوقات بتوقيت GMT +3. الساعة الآن 12:22 PM.

Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو