منتديات تو زوو - خطوات سهلة لتدريب الهامستر

منتديات تو زوو (http://www.2zoo.com/vb/index.php)

- قسم هواة القوارض والأرانب (http://www.2zoo.com/vb/forumdisplay.php?f=58)

- - خطوات سهلة لتدريب الهامستر (http://www.2zoo.com/vb/showthread.php?t=33548)

خطوات سهلة لتدريب الهامستر

أهلاً وسهلاً بأعضاء تو زوو

في موضوعي هذا راح أذكر لكم بعض خطوات تدريب الهامستر, إذا تبعت هالخطوات راح يكون صديقك.

- قبل ماتختار الهامستر للتدريب أو التربية أختار اللي عمره مابين ال 4 أسابيع وال 7 أسابيع لأن تربيتهم راح تكون بمنتهى السهولة .

- خل الهامستر كم يوم علشان يتأقلم مع البيئة الجديدة .

- حاول تطلق أسم على الهامستر وفي الرابط التالي أسماء للهامستر أضغط هنا علشان تخليه يتجيب لك لما تناديه بهالأسم .

- حط أكل بيدك وحط يدك وسط القفص واترك الهامستر يجيك براحته ولما ياكل من يدك حاول ترجع يدك شوي شوي علشان يتعود عليك .

- خلك رقيق مع الهامستر لا تحمله لأماكن عالية يعني اتركه في مكان لايعلى 8 انشات عن الارض .

- قبل ماتحمل الهامستر أغسل يدك لان الهامستر إذا شاف ولو ريحة صغيرة بيدك راح يعضك لأنه ضعيف النظر .

- الهامستر حيوانات ليلة فلاتتسرع وتعلب معاها بالليل فهي ماتحب تأذيها بالليل وهي راح تعضك إذا خرعتها أو قومتها من النوم, عندك المغرب راح يصحى وألعب معاه .

- إذا الهامستر يعض ألبس قفاز سميك او لف على يدك أي شيء سميك لحد ما يثق فيك ومايعضك .

بعض الهامسترات عصبية أكثر من غيرها وتحتاج إلى صبر وتدريب أطول فلاتتهور او تستعجل في تربيتها

الهامستر متوحش وعصبي ويعض اللي يشوفه ؟

هذا السؤال شفته يتردد وايد بالمنتدى وأحب أبشركم إذا أتبعتوا هالخطوات راح يصير أليف إلى أبعد درجة :)

وإن شاء الله يعجبكم الموضوع, تعبت عليه وايد :rolleyes:

وتقبلوا اجمل التحيات ,
محب الشانشيلا