|
اليلوناب والدبل يلو هيد
السلام عليكم
كيف حالكم ان شاء الله بخير اخواني بعد ماهرب مني الكاسكو رفيق دربي :( قبل اكثر من سنه جبت ببغاوات غيرها وجبت بلوفرونتد وكوكاتو ومكاو لكن حسيت انهم مو زي الكاسكو بالتعلق بصاحبها مع اني اجيبها فروخ والحين قررت قرار نهائي اني اجيب واحد من الاثنين واخليه معاي على طول فرخ يلوناب او فرخ دبل يلوهيد وابغيه يكون مرح ومتكلم وشديد التعلق فيني بايش تنصحوني ياخوان اي واحد اخذ فيهم مع ذكر مزايا وعيوب كل منهم من الاخوه الخبراء وشاكر لكم مقدما |
رد: اليلوناب والدبل يلو هيد
وعليكم السلام
انا انصح بواحد مثل خويك الاول رفيق دربك على قولتك اذا انت حنون وتحب الطير اللي يبادلك نفس الشعور ويحس فيك مالك الا الكاسكو الساحر الافريقي الاسطورة بلامنازع انا ربيت تقريبا اغلب الانواع من الببغاوات وربي مالقيت مثل حب الكاسكو لصاحبه بذات اذا ربيته فرخ وخليته هدد يارجل شي عجيب ولامر راجع لك في الاول والاخير واذا انت معزم اليلوناب افضل بس بشرط انت تغره يعني تاخذه فرخ غر اتمنالك التوفيق تحياتي للجميع . |
رد: اليلوناب والدبل يلو هيد
طبعا اخوي شرارة باخذ فرخ غر
الكاسكو فعلا شئ رائع لكن مشكلته المناعه اخاف اخذ واحد ويمرض ويقولي باي باي ههههههههه اما يكون هدد توبه ههههههههه لانه هرب مني عشان كذا فكرت باليلوناب والدبل هد ويعطيك العافيه اخوي |
رد: اليلوناب والدبل يلو هيد
فيه طريقه للهدد كثير ناس مايعرفونها
واهي جناحه كامل ماعدا ثلاث ريشات من كل جناح اللي يسمونها السوابق او السيوف الطوال اللي في اول الجناح تقصه ثلاث من كل جناح بكذا راح يطير بارتفاع منخفض متر ونص مترين بالكثير واذا يرتفع كثير ممكن تقص وحده زباده لو طار مارح بروح بعيد ولا يرتفع كثير الارتفاع في السماء هو اللي يضيع الطير لانه اصلا مو متعود من صغره على هل شي وبتوفيق اخوي تحياتي للجميع . |
رد: اليلوناب والدبل يلو هيد
بارك الله فيك اخوي شراره وربي يعطيك الصحة والعافية
|
رد: اليلوناب والدبل يلو هيد
يلوناب والا دبل هد
من ناحية الكلام كلهم في مستوى واحد عاد يفرق شي بسيط من طير لاخر وعلى حسب المربي اما اذا ع الشكل انا افضل الدبل هد |
رد: اليلوناب والدبل يلو هيد
فعلا اخوي عزوز الدبل شكله احلى وخصوصا لو كان ماقنا
لكن معظم الاخوة يقولون اليلوناب اطلق بالكلام وننتظر راي الاخوة الخبراء وماقصرت على الافادة اخوي بوعزوز |
| جميع الأوقات بتوقيت GMT +3. الساعة الآن 04:11 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو