|
ساعدوني مع الكيتنز عطاس مستمر
صباح الخير عليكم قطتي ولدت من اسبوع ويوم وجابت 4 كيتنز الحمد لله الكيتنز بصحة جيدة وبيرضعو منيح بس من يومين انتبهت انهم طول الوقت عم يعطسوا مع العلم انهم بمكان مناسب لا حر ولا برد هل هي حساسية من الجو ؟ لان امهن لما كانت حامل صارت تعطس فترة من دون حرارة او اي عوارض بس عطاس وبحثت كتير وطلعت حساسية من الغبار وبعد فترة ما عادت تعطس يا يرت تطمنوني هل في شي بيخوف ؟؟ وشو لازم اتصرف |
رد: ساعدوني مع الكيتنز عطاس مستمر
الأفضل توديهم للبيطري هو بيكشف عليهم وبيعطيهم دواء مناسب لسنهم.
|
رد: ساعدوني مع الكيتنز عطاس مستمر
انصحك بالبيتاموكس
انا ع طول اعطيهم صغارر او كبار واقدر اوفرلك هو |
رد: ساعدوني مع الكيتنز عطاس مستمر
يا جماعة كيف دواء وبيتاموكس ولسا عمرهن 8 ايام ؟؟ انتظر اهل الخبرة |
رد: ساعدوني مع الكيتنز عطاس مستمر
لا اكيد بيتاموكس مايصلح لهم حاليا
شوفي حرارتهم وحراره الام |
رد: ساعدوني مع الكيتنز عطاس مستمر
فاتو الحمد الله رديتي
حرارتهم ما بعرف بس جسمهن دافي ممكن اقيس بالتيرموميتر البشري ؟ الام طبيعية ولا تعطس وتاكل وترضع وكلو تمام والكتنز كمان اكلهم منيح عم يشبعو من الرضاعة بس عطاس طول الوقت مع سيلان من الانف خفيف مبارح غيرت مكانهم ولفيت البوكس يلي قاعدين فيه بالبطانية وانا اليوم طول الوقت برا البيت والان نايمين ومافي عطاس ضروري بيطري ولا ممكن يتحسنو انا كنت شاكة من المكيف لان حاططتهم بالغرفة يلي بقعد فيها بس المكيف مو دايركت عليهم |
رد: ساعدوني مع الكيتنز عطاس مستمر
اياكي تودينهم البيطري هذول ماعندهم غير الابر
دفيهم كويس وامنعي دخول تيار للكرتونه عطيهم عسل نحل بالسرنجه بس خففيه بشويه مويه تابعي نشاطهم وانتفاخ بطنهم وخلي عندك محلول جفاف احتياط .. |
رد: ساعدوني مع الكيتنز عطاس مستمر
شكرا فاتو عى تفاعلك الحمد الله بعد ما غيرت المكان ما عاد في عطاس ولا سيلان بس مبارح عم شيك عليهن لسا ما فتحو عيونهم بس واحد منهن كانت عينو منفوخة جدا مسحت بماء دافي وقطنة وطلع سائل ابيض كمية كبيرة وضلت امسح لحتى طلع كل الالتهاب واليوم رجعت شيكت لقيت العين الثانية نفس الشي بس اخف كمان مسحت بماء دافي لحد ما طلع كل شي في قطرة معينة اجيبها ولا اضل على الماء الدافي وخايفة باقي اخواته ينعدو :( كل يومين عم غير الفرشة تحتهن مستغربة ليش هيك عم يصير بس لاحظت امهن قليل حتى تنضفهن قليلة خبرة هاد اول حمل الها غلبتك باسئلتي بس اثق فيك ما في مرة قلتلي على حل الا ونفع شكرا الك |
رد: ساعدوني مع الكيتنز عطاس مستمر
ولا يهمك حبيبتي
بالنسبه للعين ممكن تجيبين مرهم تيراميسين وتمسحين الجفن من برا بمسحه من المرهم بعد التنظيف طبعا لازم يدينك تكون نظيفه وتأكدي ان عيونه تعبانه مو تحطين لها وخلاص تأكدي ان الدريشه ماتدخل تراب من برا اذا لاحظتي الصغار موصخين من ورا نظفيهم بقطن مبلل ونظفي انفهم وفمهم بالمره |
رد: ساعدوني مع الكيتنز عطاس مستمر
يعطيك الف عافية
الحمد الله اثنين منهن فتحو بدون مشاكل واثنين في شوية افرازات او رمد الصبح والمسا عم امسح بماء دافي وقطن بس لاحظت عند واحد احمرار بعين وحدة رح جيب المرهم يلي قلتي عليه والباقي كلو تمام عم شيك عليهن من ورا نضاف وحتى الانف والفم شكرا على المساعدة |
| جميع الأوقات بتوقيت GMT +3. الساعة الآن 08:17 PM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو