|
تغير لون السمك. ارجو الاجابة
السلام عليكم ورحمة الله وبركاته
اخواني في شي محيرني عندي سمك فلور هورن وسكلد وباروت طبعا كلهم في حوض واحد لاحضت على السكلد والفلور هورن تغير الوانهم بشكل سريع وغريب السكلد اول ما اشتريته كان لونه اصفر ساده الحين اصفر مخطط باسود والفلور هورن لونه اول ما جبته وردي وبعد يوم صار احمر وكل يوم الفلور يتغير لونه مره احمر ومره وردي والحين صار عنده خطوط سوده على راسه وجبهته احسها صغرت الفلور الحين معاه مرض النقط البيضه وقاعد اعالجه بس تغير اللون كان من قبل ما يمرض |
رد: تغير لون السمك. ارجو الاجابة
وياريت افضل اكل للفلور عشان اللون وحجم الهد
|
رد: تغير لون السمك. ارجو الاجابة
الي اعرفه ان الوان الاسماك ممكن تتغير يعني تفتح ممكن تغمج على حسب نشاط الاسماك
لااظن ان تغير لون السمكة له علاقة بالنقاط البيضاء انا ماجربت تربية الفلور لاكن سمعت عن منتج اسمه هامبي هيد لاكن يكون تغذيته مرتين فالاسبوع وعندك الربيان المجفف يعطي لون احمر ممكن تغلي قطع دجاج مع كمية من البابريكا لاكن مره في السبوع الربيان والدجاج مجرب مع عدت اسماك(باروت-أوسكار-اروانا...الخ) بالتوفيق |
رد: تغير لون السمك. ارجو الاجابة
تغير اللوان السيكلد (الفلور هورن احد انواع السيكلد) يسببه عدة امور
1- اسماك جديدة مضافة للحوض (سواء كان التغير اللون للاسماك القديمة او الجديدة) 2- قوة الاضاءة واطالة وقت الاضاءة 2- التغذية السيئة 3- عدم تغيير ربع الماء اسبوعياً او ضعف الفلتره (ارتفاع الامونيا) 4 - عدم توافق الاسماك 5- الاجهاد 6- الدخول في مرحلة التزاوج تغير درجة الحرارة (او الثبات على درجة حرارة غير مناسبة) طبعا اكيد في اسباب اخرى بس هذي ابرز الاسباب نصيحة اهتم بالفلترة وبتغير الماء وعدم الاكثار من كمية الطعام الحي الي يبقى ويعكر الماء |
رد: تغير لون السمك. ارجو الاجابة
بالنسبة لتغير الماء اخر مره غيرت ربع المويه قبل 3 أيام وبالنسبة لدرجة حرارة الحوض بين 27 -28 وبالنسبة لتوافق الاسماك انا عندي باروت وفلور هرون وباروت طبعا كلهم من فصيلة السيكلد والحمد لله مافي مشاكل بينهم
وبالنسبة للأمونيا .....الخ انا عندي اوراق اختبار لموية الحوض واسويها باستمرار الحمد لله كل شي من حموضه وامونيا ...الخ في النسب الصحيحه والحمد لله يعني ما في شي زايد وبالنسبة للأكل انا اكلهم ربيان مجفف واكل خاص للسيكلد . سؤال أخير كم مره ااكل السمك في اليوم ؟ في ناس تقلي مره واحد في اليوم وفي ناس يوم ااكلهم ويوم لا مع اني قريت في مواقع اجنبية انو تاكل السمك من 2 -3 في اليوم . |
رد: تغير لون السمك. ارجو الاجابة
اخي العزيز نصحيه
الفلورهورن تربى في حوض خاص بها , و الا راح تكون مذبحه بالحوض لا يغرك الهدوء فهذا الهدوء الذي يسبق العاصفه فبمجرد ان تعتاد الفلورهورن على الحوض ستبدأ بفرض السيطره داخل الحوض و خصوصا انه ذكر على حد قولك |
رد: تغير لون السمك. ارجو الاجابة
مثل ما قالك استاذنا Egyptian Eagle ابو علي
هذا هدوء ما قبل العاصفة ومثل ما ذكرت لك احد اسباب تغير اللون التوافق قد تراى ان لا مشاكل بينهم بس الاجهاد لوحده ممكن يقتلهم لانهم مو مرتاحين اطلع على المواضيع المثبته فيها الكثير من المعلومات المفيدة لك بالتوفيق |
رد: تغير لون السمك. ارجو الاجابة
بالنسبة لمرض النقط البيضة
الحين ليه 3 أيام استخدم العلاج وما راحت النقط البيضة من الفلور طريقة استخدام العلاج : رفعت درجة حرارة الحوض ل29 وحطيت دواء أسمه انتي وايت سبوت وللحين ما شفت نتيجة على الفلور الحل يا اخوان |
رد: تغير لون السمك. ارجو الاجابة
العلاج اخوي يكون في حوض اخر ... جيبلك حوض صغير واعزل فيه الفلاور هورن وعالجها لحالها
وهذ الي تسويه ايضا احد اسباب تغير لون السيكلد ... قلت في ردك السابق انك ما تغير درجة الحرارة وهذا انت تغيره وترفعه ل 29 ارجع اقولك اقرأ قبل التصرف الاعضاء والمشرفين والخبراء ما قصروا وبذلوا مجهود كبير في تجميع المعلومات للهواة بالتوفيق |
رد: تغير لون السمك. ارجو الاجابة
اقتباس:
ومثل ماقال لك الأخ يـوســـف 2020 حطها للعلاج في حوض ثاني أفضل لحالها... الطريقة اللي سويتها والحمدلله تعالجت منها حطيت الأوسكار في حوض ثاني كان 11 لتر وكان مناسب جداً على حجم الأوسكار لأن طولها تقريبا 3 أو 5 سم ودرجة حرارة الماء 30 وهي بصراحة درجة حرارة الغرفة والدواء اسمه aquadene anti white spot وهو كل 30 لتر 5 مل أو على حسب الي مكتوب على الدواء اللي موجود عندك لكن ياأخوي لا تحط فحم على الفلتر اللي راح تعالج فيه السمكة اليوم الأول حطيت الدواء واغلقت الفلتر للأحتياط البعض يخليه شغال ويقولون مايأثر اذا ماكان فيه فحم لكن أنا اغلقته فقط للأحتياط وخليت مضخة هواء بدون تشغيل الفلتر بعد 24 ساعة لكن قبل ماتمر 24 ساعة يعني بساعتين شغلت الفلتر عشين تجديد الماء والأوساخ ومافيه مشكلة حتى لو الدواء خف مافيه مشكلة بعدها حطيت دواء واليوم الثالث نفس الكلام لكن بعدها النقط اختفت واليوم الرابع رجعت السمكة للحوض الأصلي واتمنى اني افدتك ولو بالقليل واتمنالك التوفيق ملاحظة الكمية اللي حطيتها للدواء كانت 1.6 مل لأن عدد اللتر في حوضي قليل |
| جميع الأوقات بتوقيت GMT +3. الساعة الآن 10:11 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو