|
حمامة غريبة و اكل ممكن يكون ناقص
السلام عليكم .. متأسف يا اخواني علي الغياب لكن الدراسة .. دعواتكم انا عندي سؤالين .. 1- انا لقيت حمامة غريبة وسط حمامي مع اني قافل علي حمامي كويس بس فى الاخر دخلت و بشوف كيف دخلت فدلوقتي .. هل الحمامة طبيعية ؟ ايه نوعها ؟ انا حمامي بلدي مصري و هذه الصور للحكم [IMG]http://store2.up-00.com/2014-09/1410818904371.pngمركز تحميل الصور[/IMG] 2- http://store2.up-00.com/2014-09/1410818904542.jpgمركز تحميل الصور 3- http://store2.up-00.com/2014-09/1410818905153.jpgمركز تحميل الصور السؤال الثاني دلوقتي انا بأكل حمامي عيش بلدي ( مصنوع من القمح و الردة ) فهل يكفي ؟ و ما هي زيادات الاكل ؟ السؤال الثالث لاحظت مكان وجود الحمام بعد التفريخ فى الاعشاش وجود سوس اسود صغير جدا فى شكل الخنافس و اقل بكثير منها فى الحجم و وجود يرقات ديدان صغيرة سوداء و صفراء و ده نتيجة اهمالي فى النظافة بسبب الامتحانات و رشيت الاماكن بالجاز و اختفي لفترة و رجعت مرة تانية فكيف ابيده و هل يوجد ضرر ؟ |
رد: حمامة غريبة و اكل ممكن يكون ناقص
وعليكم السلام ورحمه الله وبركاته
حمامه غريبه وسط حمامك وانت قافل على حمامك هههه دى هى الغريبه لانه المكان اللى دخلت منه الحمامه اكيد حمامك بيخرج منه اما انك لا تعرف حمامك جيدا الحمامه طبيعيه نوعها اسود غزار على ما اعتقد من الحمام المصرى الاصيل مستواها متوسط وصحتها جيده ما شاء الله عليها بالنسبه للسؤال الثانى : العيش اساسا لا يعتبر وجبه عند الحمام بص يا غالى عندك خلطتين : خلطه للتفريخ يعنى الحمام اللى عنده زغاليل وخلطه للحمام وقت الراحة فى الصيف او وقت الرقود على البيض الخلطه الاولى بتكون غالبا فى الشتاء : غله وفول وعدس وفاصوليا وعيش مكسر لحتت صغيره فى حجم حبه الغله لانها فيها سعرات حراريه عاليه والحمام بيحتاجها فى الشتاء او فى التفريخ الخلطه التانيه : غلة وعيش مكسر بس عشان وقت الصيف الحمام مش محتاج سعرات حراريه عاليه عشان الحرارة وبخصوص السؤال الثالث : هذة حشرات تاتى من الرطوبه وقله النظافة طبعا مثل ما اعترفت انت ههههه والمشكلة انه الجاز ريحته تروح بعد كام ساعه فتعود الحشرات مره اخرى فانت ممكن تشترى بودره للحشرات وترشها فى اماكن التعشيش ولكن احذر انها توصل لفم الحمام او ممكن انك تنظف جميع الاعشاش وتخرج كل ما فيها حتى بالحشرات تخرجها وتتخلص منها وتستبدل ادوات التعشيش باخرى جديده ونظيفة وكل شئ يصبح بخير باذن الله |
رد: حمامة غريبة و اكل ممكن يكون ناقص
حضرتك بتقول السوس أقل بكتير من مين في الحجم
|
رد: حمامة غريبة و اكل ممكن يكون ناقص
شكرا لردك الكريم انا عندي حمام بلدي مصري هل هذه الحمامة تستطيع ان تتزاوج مع البلدي ؟ و كيف اعرف اذا كان ذكر او انثي و بالنسبة للحشرات هل هذه الحشرات ضارة علي الحمام ؟ و بالنسبة للاكل الشتاء وفول وعدس وفاصوليا وعيش و الغله ( قمح و ذره صفراء ) الصيف نفس الكلام لكن من غير فول و عدس و فاصوليا مضبوط ؟ و الحمام عندي بقالي حوالي شهر او اقل مفيش تزاج او وضع بيض نهائيا الا زوج واحد بس فهل هذا طبيعي علشان فترة الصيف ولا ايه ؟ |
رد: حمامة غريبة و اكل ممكن يكون ناقص
نعم الحمامة هذة تستطيع التزاوج مع الحمام البلدى ولكن النتاج يكون حمام بلدى
انما فى تركيبه جميله جدا انك تزوجه لزاجل هيكون الناتج حمام استرالى عضم تلتين سعره حلو وطيرانه جميل جدا لو انت بتحب النش بخصوص جنسها : امسك جناحها وافرد وشوف اخر ريشه من الخارج اذا عريضه وكبيره فهى ذكر واذا رفيعه جدا فهى انثى وكمان حجم الراس وفتحه المجمع هذة كلها اشياء للتاكد من جنسها وبالنسبه للحشرات غير ضارة بشكل كبير ولكن لا يحبذ وجودها وسهل التخلص منها عن طريق النظافة اشترى علبه كلور واخلطها كوب منها مع كوبين من الماء ورش عند الحمام وهتختفى باذن الله وبخصوص الاكل اه كدة تمام اما بخصوص الانتاج فهذا طبيعى واكثر من كدة لانه الحمام كان فى فترة قلش فى الفترة الماضية وبدء الحين ينهيها وبدخول موسم الشتاء سوف يبدء الانتاج من جديد لا تقلق |
رد: حمامة غريبة و اكل ممكن يكون ناقص
شكرا ليك استاذنا بس معلش .. انا عارف ما شاء الله لا قوة الا بالله بمدي خبرتك و علمك بالحمام بس ازاي عرفت الناتج هيكون بلدي عند تزاوجه مع بلدي و استرالي عند تزاوجه مع زاجل لان هذه مسائل وراثية معقدة معلش ارهقتك بكثرة الاسئلة جزاك الله خيرا |
رد: حمامة غريبة و اكل ممكن يكون ناقص
عليكم السلام الطير يبدو بوم هجين ذكر ويمكن مزاوجته مع الحمام البلدي للإستفادة من الصفاة الوراثية التي يحملها ظاهرة وباطنة وبالنسبة للحمام المنزلي فإنه يتكاثر على مدار السنة إذا توفر له الغذاء المتكامل والرعاية الصحية |
| جميع الأوقات بتوقيت GMT +3. الساعة الآن 07:33 AM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو