منتديات تو زوو - ممكن الافاده افادكم الله عن طيور الكوكتيل

منتديات تو زوو (http://www.2zoo.com/vb/index.php)

- سؤال و جواب لقسم هواة الكروان (http://www.2zoo.com/vb/forumdisplay.php?f=96)

- - ممكن الافاده افادكم الله عن طيور الكوكتيل (http://www.2zoo.com/vb/showthread.php?t=351999)

ممكن الافاده افادكم الله عن طيور الكوكتيل

بسم الله الرحمن الرحيم
الساده الاعضاء الكرام عندى استفسار عن طيور الكوكتيل عايز اجييب جوز ذكر وانثى
ممكن الاسعار فى مصر والمواصفات وايه اكله
شكرا لكم
والسلام عليكم

رد: ممكن الافاده افادكم الله عن طيور الكوكتيل

بالنسبة لاعمار الكوكتيل لازم تعرف ان الكوكتيل بيبلغ عند سن سنة او ازيد وطبعا الاسعار بتختلف حسب نوعه
لو حضرتك عندك صبر ممكن تشتري 2 شباب اعمار 8 شهور او اكثر وتصبر شوية ولو مفيش صبر وعايز تشوف فروخ تشتري حاجة شغالة

ثالثا زي ما قولت الاسعار بتختلف حسب النوع يعني هدي لحضرتك مثال بالتقريب لسعر الجوز لانه بتختلف الاسعار طبقا للعرض والطلب في السوق وبرضه حسب سن الطائر

الحبشي يبدا من 200 لحد 270
اللاتيني يبدا من 300 لحد 400 0 هو لونة اصفر فاتح
المصبعات فواتح من 300 لحد 400
مصبعات غوامق من 350 لحد 500 ( مش عارف ليه بس هو فجأة بقي كده )
الفرنساوي من 500 لحد 700 للحبشيات و الابيض بيبقي من 1000 لحد 2000 كله حسب النوع

طبعا الاسعار دي بالتقريب وكله حسب شطارة حضرتك في الفصال

انا من اسكندريه فمش هقدر افيدك فى اماكن المحلات

رد: ممكن الافاده افادكم الله عن طيور الكوكتيل

شكرا لحضرتك بس انا شايف انهم غاليين جدا انا كنت مفكر اخرهم 250 او 260 ولكن انا واضح انى معنديش فكره عن حاجه

رد: ممكن الافاده افادكم الله عن طيور الكوكتيل

لو عايز تشترى طيور رخيصه شويه يبقى تشترى زغاليل ( صغيره فى السن يعنى )

ما بين شهرين او تلاته كده هيبقى سعر الجوز 150 جنيه 170 جنيه