|
بغبغاء دره
السلام عليكم ورحمة الله وبركاته ,, أخواني الاعزاء ,, عندي مشكله في بغبغاء دره اخذتها وعمرها اسبوعين وربيتها ,, والحين هي ما شاء الله شهرين ونص او ثلاث ,, هي اليفه جدا تاكل من يدي وتركب على يدي وكتفي ,, بس صار لها اسبوع تقريبا مزاجيه و متقلبه صرت ما اطلعها اذا احد جنبي لان تروح له وتعضه ,, صرت اكون لحالي وطلعها واكلها والعب معها بس فجاه تقلب 180 درجه وتعضني كنت مستغرب وحاولت اتحملها ما سحبت ايدي عشان ما اخوفها ,, وصارت ساعه تعض وساعه ما تعض ماني فاهم لها ليه تعضني الحين قبل ما كانت كذا مع اني اجيها بهدوء مو بتخويف ,, مع العلم ان لم يتم تخويفها من قبل بإي طريقه كنت حريص ومهتم فيها بشكل كبير ,, ادري اني طولت عليكم بس مدري يا اخوان ماني عارف ايش الحل ,, :( هل هي مسألت وقت وتعدي كونها لسه صغيره ولا ,, :( هذي صورتها ,, http://imgur.com/a/I8Q3L |
رد: بغبغاء دره
عليكم السلام
بالنسبه للدره فعلا هي طيور مزاجيه ولكن ان كان لها اسبوع فقط فهذا معناه ان في تغير طارئ حصلها وجعلها تسلك هذا السلوك العدواني والاسباب كثيره وسأذكر بعضها اما شخص ارعبها او ازعجها او تبديل ريش او تريد منك شي انت قطعته عنها او قلة ترويش او قطعتها فتره ما صرت تلعب معها والكثير من الاسباب لا تحضرني الان والعض نوعان اما ان يكون دفاعي او كنوع من العقاب او مجرد لعب وتسليه فان كان دفاعي فيجب عليك اعادة الثقه لها ويكون ذلك بملازمتها والمسح عليها , وتأكليها من يدك دائما ووضع قليل من العسل على اصبعك واجعلها تتذوق , هذا سيبب لها لسعه في لسانها وستترك العض اما ان كان لعب وتسليه فكل ما تقوم بالعض فعودها على كلمه لا لا لا بصوت حاد قليلا لكي تعلم ان هذا لعب غير مقبول وكل شي بالتدريج والصبر يتعدل |
رد: بغبغاء دره
يعطيك العافيه اخوي على الرد ,,
واتوقع مثل ما قلت عضها ممكن يكون مجرد لعب وتسليه يألم ولكن ليس قوي جدا ,, ان شاء الله راح اتبع نصحيتك وتصير ما تعض حتى لو كان تسليه ولعب ,, مشكور مره ثانيه ,, |
رد: بغبغاء دره
السلام عليكم
مثل ماقال الأخ افكادو يمكن لعب او عقاب ولكني بقول لك شغله ثانيه وهي الفلفل الدره اذا تم اعطائها الفلفل والعب معها مباشرة تكون شبه عدوانيه تلعب بدفاشه وهذي انا مجربها من قبل مع درة اليفه جدا |
| جميع الأوقات بتوقيت GMT +3. الساعة الآن 09:04 AM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو