استفسارات
 

السلام عليكم ورحمة الله وبركاته

كيفكم ياشباب وكل عام وانتم بخير وعيدكم مبارك

انا عضو جديد في أسرة هذا المنتدى الرائع واتمنى ان تقبلوني بينكم

عندي ببغاء اشتريته في 10 رمضان ومعه في الترويض الين سرت احك رأسه ومن قبل ما يحبك تقرب من القفص حتى لو تحط له أكل طبعا انا روضته دون قفاز أو منشفه وتشهد يدي تقطعة منه بس الآن مايعض ولاكن الأكل من اليد ورفعه على اليد ماقتنع فيها وللحين مو راضي ايش الحل في رأيكم وانا أخذته على أساس عمره من 7الى 8 اشهر راح اصور ورفقها اذا أحد خش يفيدني في الباقي عبال اصور الطير لأنه ماني عارف ليش ماتنرفق لاكن ابغا شخص خبير يقولي هل هو صحيح أو أكبر من كذا واسف على الإطالة وما أكون ثقيل عليكم

تحياتي للجميع

رد: استفسارات
 

ما نوع البغبغاء الذى تتحدث عنه

رد: استفسارات
 

الكاسكو الرمادي الأفريقي (صيد ) واسف على التأخر بسبب اني ضيعت وين كتبة الموضوع وبنسبه لصور لايمكنني ارفاق الصور عبر الجوال أو أنني أجهل الطريقه يقول إن الصوره تجاوزة الحد المسموح بذالك

رد: استفسارات
 

هذي صور الطير وارجو تحديد العمر من أهل الخبره للصور رفعتها على رابط

1-

http://im51.gulfup.com/0rBJEs.jpg


2-

http://im51.gulfup.com/meXPeH.jpg

رد: استفسارات
 

هلا اخوي..
الطير مبين عليه بصحة جيده ماشاء الله وبالنسبه لعمره تقريبا من 8 الى 10 اشهر تقريبا..
بالنسبة للترويض يبي له طولة بال وصبر..
حسب خبرتي المتواضعه في شراء وتربية البغبغاوات طبعا اول شرط لازم يكون فرخ من عمر 4 الى 6 اشهر ممتاز جدا لانه بهالعمر يعتمد على نفسة في الاكل والشرط الثاني لازم يكون الطير نشيط وبصحة جيدة الشرط الثالث وهو شرط مهم وهو سلوك الطير الاحظ الطير اذا كان متوحش ويهاجم او بس خواف ويدافع عن نفسة طبعا اختار الثاني واحاول وانا في المحل احسسه بالامان اعطيه حب شمسي احاول امسح على راسه لحد مايسمح لي لو مسحة وحده اكون عالاقل تطمنت انه راح يتجاوب معاي اخذه
كل الشروط في طيرك الجميل الا الشرط الاخير وانا اشوف انها ماراح تكون مشكلة كبيره ولا حتى في عمرة مب كبير لدرجة انك ماتقدر تروضة عمرة مناسب الله يبارك لك فيه ويكون صديقك الصدوق..

تقبل مروري

رد: استفسارات
 

اشكرك اخوي مزون قطر على تفاعلك مع الموضوع

بنسبه للعمر انا دورة عمر 4و6 أشهر لاكن ماحصلت واذا كانت في أي أشكاليه لاتبخلون علي ماعندي مشكله ممكن استرجع الطائر وأخذ آخر بحكم أن صاحب المحل جيته عن معرفه واخذ الطير على اساس عمره من 7-8 ارجو من الجميع ينصحني

رد: استفسارات
 

اخوي عمر الطير حلو لا ترجعه طول بالك عليه..

اختك
مزون قطر

رد: استفسارات
 

شكرا لك اخت مزون قطر لاكن هل من الممكن تعليم الطير للكلام في هذا العمر

رد: استفسارات
 

هلا اخوي
الكاسكو ذكي جدا ويلقط الكلمات بسهوله اذا كنت ملاحظ عليه بعض الاصوات كأنه يتكلم كلام مو مفهوم فهذي بدايه ..
اذا ماكان يخربط ابدأ انت تلقنه كلمات بسيطة مثل (الو) وانا افضل هالكلمة لانها سهله كبداية، حاول تكثف جلساتك معاه وتأكله من يدك بدل ما ياكل بنفسه عشان يتعلق فيك ويحب يقلدك..

موفق

رد: استفسارات
 

أخت مزون اشكرك جدا على تفاعلك وتحمليني شوي بنسبه للأكل من اليد غير مقتنع ابدا قرأت عن موضوع التجويع ولاكن ماجابلي فايده نهائيا وهل التجويع يكون حب وماي ولا بس اشيل عنه الحب اليوم شلته على يدي وكان كل شي تمام مجرد خطوتين ونقز من يدي وانا نوعا ما من ناحية الجلوس معه اجلس زي اليوم انا وياه من 6 الصباح إلى الآن 12 الظهر وانا معه شمسته وخرجته الحوش وبرات القفص لو في كذا طريقه تخليه يأكل من يدي دلوني عليها وانا مسيطر على المنقار بالكامل والمسح على الرأس وملاحظ خوف بسيط بس بخليه يزول بس الطلوع على اليد والأكل من اليد لو ليها حل والله يعطيك العافيه

تحياتي