|
ماعرفت انام
السلام عليكم ورحمة الله وبركاته
قبل امس شريت قطة وصراحة خوافة مرة لاكن الحمد لله تعودت علي بس اخواني امس ماعرفت انام تجي عندي تنام 5 دقايق وتقعد تدور عندي حطيتها بل بكس قامت تخبط تبيني اطلعها فكرت اطلعها برا الغرفه بس البيت مو مناسب فيه درج واخاف تطيح منه لاني بدور الثاني اخر حل فكرت فيه وقت النوم انقلها بمجلس عطوني ارائكم |
رد: ماعرفت انام
وعليكم السلام
وش صار بالقطوة اللي لقيتها بالشارع وصدتها؟لسه موجودة؟ هي كمان كنت حابسها :) اكبر غلط تسويه انك تعزل القطوة عن البيت واهله القطط اذكى مما تتصور...كلنا بيوتنا فيها درج والقطط لازم تتعود..وصدقني ماراح تأذي نفسها ..القطط تعرف ان المرتفعات تضرها خليهاطول اليوم تحوس وراقبها خليها تتعود عالبيت وتستكشفه علشان يطخ فضولها وتصير متعودة....لحد يخوفها ويلحقهاعلشان ماتضطرتجري وتطيح او تتعور اياك تحبسها في بوكس او قفص لان هالشي بيخليها عدوانية وعندهافرط حركة ..نفسية القط تأثر على صحة جسمه... بعدين شلون تحبسها في بوكس وشلون تروح الحمام اترك باب غرفتك مفتوح لها...بتلعب. تستكشف ترجع الغرفة لاتخلي مسألة وجود قطوة بالبيت تسبب ازمة لك ولغيرك...اذا جلست تحبسها تعزلها بالليل وخايف عليها ومحد غيرك متعودة عليه ما اح تقدر تكمل تربيتها لان روتين حياتك كله بيتغير للاسوأ... بكل بساطة خليها تحوس وتتعلم وتطلع وتنزل اتذكر اول ماجبت قطوة كنت اخاف عليها تدخل ورا الثلاجة وصارت السالفة مرهقة بالنسبة لي...شوي اقفل المطبخ وساعات احط حواجز عند الثلاجة ..او احبسها بغرفتي ..كان شي مزعج وممل ومتعب (〒︿〒) لحد ماتعوذت من ابليس وتركتها تحوس ودخلت ورا الثلاجة وتحت الفرن وحاست البيت كله ...اخر الشي تعودت وصارت هالاماكن ماتشكلاي خوف او خطر...انام وهم يحوسون بكل البيت ويرجعوا بناموا لاتصعبها وبس حذر اخوانك ازصغار لحد يخوفها او يأذيها.. بس ارفع الادوات الحادة والاسلاك المكشوفة ومواد التنظيف والكيماويات ومرة ثانية اوعى تحبسها القطط مانخلقت للحبس القطط تحب المساحات الواسعة والحرية والاكتشاف... علشان تحب بيتها الجديد واهله ضروري تعرفه ركن ركن علشان ترتاح نفسيتها نصيحة صغيرة مهمة...لاتكثر لها دراي فود..اضراره خطيرة ومالها علاج |
رد: ماعرفت انام
مشكور على النصايح والقطة الي بشارع اهلي ماتقبلو وجودها وطلعوها وانا مدري عصبت عليهم لاكن صار الي صار انا فكرت اخلي الليتر بوكس وكل شي برا الغرفه واخليها برا الغرفه ووقت النوم اسكر باب غرفتي واذا قمت افتحه عشان ماتصحيني وكل شي تحتاجه يكون برا الغرفه
|
رد: ماعرفت انام
ما راح تصحيك ...انت بس خليها تتعود عالبيت. ما راح تشوفها الا وين وين تدخل غرفتك..هي من نفسها حبصير البيت كله بيتها وماحتزعجك ابدا...بس حاليا خلي باب غرفتك شوي مفتوح عشان تحس بالامان وتعرف ان الغرفة الآمنةدائما م جودة ومفتوحة...وبس تتعود يصير تقدر تقفل باب غرفتك وقت النوم
ومافي مشكلة حط ترابها برا يكون احسن بس لاتحطه في مكان زحمة وناس واصوات...حطهفذ مكان على جنب وهادي وسهل توصله وبعيد عن عيون الناس..واهتم بنظافت الرمل اول بأول |
رد: ماعرفت انام
مشكور جاري التنفيذ
|
| جميع الأوقات بتوقيت GMT +3. الساعة الآن 10:48 PM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو