|
ببغائي الكاسسكو إلى الاسوء
السلام عليكم ورحمة الله وبركاته لدي ببغاء كاسكو انتاج هولندي عمره يتجاوز العامين منذ فتره كتبت هنا انه اصبح يعض بعض اخوتي واعتقد السبب انه القفص لانه لايريد الحبس داخل القفص اطلاقاً حاولت ابقيه خارج القفص اطول فتره ممكنه تعدل سلوكه نوعا ما سافرت اسبوع وتركته بالمنزل عند اخي لم يخرج طوال الاسبوع من القفص بعد عودتي من السفر اكتشفت انه اصبح اكثر عدوانيه لا يتقبل اختي ويعضها بقوه لا يريد رؤيتها بالرغم انها تعامله جيداً تطورت الامر واصبح لا يريد والدتي وهي لم تفعل شيئاً له اراه متوتر كثير يعض الاثاث بقوه يكسر اي شي حتى غطاء القفص عن البرد يقوم بضربه ويعضه بقوه الان :( بدا يعضني بقوه متوسطه ويكبر عينه ويصغرها مازال يطلع ع يدي ويطعمني وامسح ع راسه وجسمه كامل اضعه ع كتفي واتجول بالمنزل واذا انزلته او اقتربت للقفص يعضني اريد حل لسلوكيات ببغائي يرتاح كثيرا اذا كنا انا وياه فقط وخارج الغرفه اللي فيها القفص لا حظت تقدم بمستوى طيرانه الان يرتفع الى حدود ثلاث امتار اريد قص بعض من الجناح ليكون طيران الى متر ونص فقط لكن اخاف ان يتأثر ويزيد حالته سوء اعتذر عن الاطاله ودي واحترامي للجميع |
رد: ببغائي الكاسسكو إلى الاسوء
الله يعينك انا عندي طير نفس القصه تقريباً
مايحب القفص نهائيا لو حبسته يبهدل في نفسه ويعور نفسه داخل القفص سرت اطلعه من القفص الصباح الساعه 9 تقريباً لين الساعه 4 العصر وبعدها ارجعه للقفص واغطي القفص من الجهه الي يشوفنا فيها وبيهدا بس الي عندي ما يعضني حتى لو اصيح عليه واكفخه لانه يحبني مووت هههه وبالتوفيق للجميع. |
رد: ببغائي الكاسسكو إلى الاسوء
لاحظت ان الببغاء يحاول فرض سيطرته علي
واذا منعته من شي يعضني ويطلع صوت صراخ انتظر الرد |
رد: ببغائي الكاسسكو إلى الاسوء
الببغاء يحتاج تدريب وتقابله كثير ووديه لأحد المختصين يقص جناحه واكثر من الجلوس معاه وبتلاقي تحسن غير مكان القفص حط القفص بمكان عالي شوي مترين من الارض اكثر من الخضروات والاكل المفيد التدريب امر مهم يومياً ويمكن لما تختلف عليه اشكال الموجودين يجعر شوي بس بيرجع يهدأ ويتقبل الوضع لا تستعجل على طيرك |
رد: ببغائي الكاسسكو إلى الاسوء
عليكم السلام
يمكن أحد خوفه او سبب له اذى حاول تحسسه بالامان ويكون ذلك بقضاء وقت اكثر معه وتأكيه بيدك واللعب معه |
رد: ببغائي الكاسسكو إلى الاسوء
اقتباس:
المشكله ماهو بمكان القفص مايبي الحبس ابد يبي يكون حر طول الوقت الاكل اعطيه حب شمسي وحبوب بلجيكيه مع الاكل الرطب مثل الفواكه والبيض والارز بالنسبه للجناح فهو مقصوص شوي ** الببغاء اذا كان يبي شي ولا عطيته يعضني الطير عندي اكثر من شهر مايجعر ابد صوت صراخ تقليد لصوت القطط مايخاف من الموجودين بس مايبي احد يلمسه يعطيك العافيه ع الرد ماقصرت |
رد: ببغائي الكاسسكو إلى الاسوء
اقتباس:
هذا اول ببغاء اربيه ومتساهله معه اخليه ع راحته لكن تمادى مثال ياخذ جوالي واذا جيت اخذه منه يقولي لا واذا قربت منه يضربني بمنقاره واذا اخذته يعضني مثال ثاني يبي الريموت اذا ماعطيته يعضني سواء انا او اي شخص ماعطاه يعض ماابعد عن الطير الا وقت النوم بس اذا رحت لاي مكان اجيبه عندي ياكل من يدي ويعطيني اكل امسح ع راسه وجسمه كيف ألعب معاه ؟؟! شريت له كوره صغيره يخاف منها ويضربها ابي حل اخليه عادي يحب القفص خليته يجوع وحطيته ع القفص عشان يدخل ياكل مايدخل ابد كل مره اطلع لي حيله وادخله واذا دخل يعصب ويضرب القفص يحاول يعضني مع انه احيان يكون له من خمس الى ست ساعات خارج القفص شكرا لمرورك هنا ماقصرت ودي |
رد: ببغائي الكاسسكو إلى الاسوء
السلام عليكم إلي فهمته ان الببغاء من شريته كان اليف و متقبل للجو الي هو كان فيه طبعا تم حبس الطائر بالقفص اسبوع ممكن يفهمها انها اهمال له او تعذيب فيبغاله شوية زمن علشان يرجع من مثل اول على حسب ما فهمت انه ما صار له فتره طويلة معاك ؟؟ بخصوص العض ،، هل في قط في البيت او طير دخيل وقت سفرك كان متواجد ؟؟ ممكن يكون في شي تغير بمحيطه و ازعجه!! أمام إذا ماكان في شي فالكاسكو مزحه دفش بعض الاحيان واللحين هو يفهم ان العض لعب و كل ما حرمتيه من شي يقوم يفهم انه لازم يلعب معاك علشان ياخذه فيقوم يعض ،، لا تخلينه يفرض شخصيته عليك و جوعيه و استمري بتجويعه و نبرة الصوة غيريها من تصيرين معصبه معاه و إن شاء الله بيتغير أهم شي لا تضربينه او تبينيين له انه ممكن يكون في موضع تهديد وبيني له انه غلط ولازم تحزمين امر العض معاه م ناللحين ولا راح تستمر معاه عادة العض وقت اللعب |
رد: ببغائي الكاسسكو إلى الاسوء
بخصوص اللعب مع الطير والعض الطيور تستكشف المواد بمنقارها يعني العض موجود موجود ولاكن بدرجات اللحين ممكن تحولين العض عن طريق اللعب لطريقة استكشافيه بالنسبه له انا بالنسبة لي الكاسكو العبه باكثر من طريقة : ١- اجيب اشياء اخليه يعضها اقول اسمها مثلا اجيب له عصا خشب اخليه يعضها و اقول له خشب ،، خشب ،، خشب ،، بعدين اوخرها و اجيب له عصا حديد و اخليه يعضها و اقول له حديد ،، حديد ،، حديد وقت الفراغ بين الكلمة و الاخرى ما يقارب ٣ ثواني بحيث ان الطائر يبدا يستوعب شوي و يركز بعدين ارجع للخشب ما اسمح له يعض بقوه لا اخليه يعضها بشويش واذا عض بقوه انهره و اوخر اطلع برى الغرفة فترة اخليه لحاله دقايق بعدين ارجع و اعيد الكره الين يفهم انه لازم ما يعض بقوه ولازم يعض فقط للاستكشاف وليس للدفاع ٢- الببغاء يكرر الأصوات إلي يسمعها وفيها نبرة صوة مرحة او غريبة او مزعجة يعني ممكن تاخذين الطير و تقولين له بنبرة صوة مملة جدا وثابته "" القطوة أكلت لسانك ،، ؛ بعدها تقلدين صوت القطوة باسلوب مرح !! الحركة هاذي راح تخليه يقلد صوت القطوه من يسمع كلمة القطو أكل لسانك . تقدرين تعلمية خدع مثلا اضرب كفي بكفك او سلم بس هالأشياء أعتبرها متقدمة بوضعك الحالي أول شي حاولي أنه توخرين العضه إلي بالطير وأفضل طريقة أنه توجهينها لطريق معين مثل ما ذكرت الي إنه يستكشف و إذا عض اتركيه و أطلعي برى الغرفة. إن شاء الله أكون أفدتك و الأخوان ما راح يقصرون دمت بود |
رد: ببغائي الكاسسكو إلى الاسوء
اقتباس:
اقتباس:
أولاً أحب أشكرك ع الرد الكافي الشافي ماعندنا بالبيت لا حيوانات ولا طيور غير جوز بادجي ولا هو عنده بالغرفه هو عندي من شهر وشوي تقريباً من أول الايام مايبي القفص لكن كان يدخل بهدوء الحين مايدخل الا بالغصب اعتقد صاحبه الاول كان حاطه ع ستاند فقط بالنسبه للعض ماكان يعضني ابد من اول يومين نزل راسه احكه بس كان يعض أختي وأخوي اذا قربوا له الحين صار يعضني اذا عضني ينزل راسه بالارض ويدور ع نفسه والعض ماهو مزح او لعب لا يعض لين يدي تنزف دم او تتورم العض يستخدمه دفاع عن الشي اللي معه او عشان ماادخله بالقفص بعيد عن القفص يطلع ع يدي احط اصبعي داخل فمه مايعض سافرت جلست اسبوع وكان لحاله بالبيت بس اخوي يروح يحط له اكل ويمشي اذا دخلته القفص بحيله يعض القفص ويحاول يعضني من ورى الشبك بعدين شوي ويهدأ انا ربطت باب القفص لانه عرف كيف يفتحه الحين صار يحاول يفك الربطه اللي بالباب اذا طلع من القفص مايبي الغرفه اللي فيها القفص ابد ولا يروح لها ابد حتى احيان ينام بالمطبخ او الصاله عادي مايخاف اهم شي مايروح للقفص ** جربت معه طريقه وجابت نتيجه بس اخاف يكرهني اذا جيت اخذ منه شي يقولي لا أرد عليه بصوت اعلى لا يجي يصفر بصوت عالي أصفر بصوت اعلى يضرب منقاره بالارض أضرب اصابعي بالارض ينفش ريشه ويدور ويبعد عني واخذ الشي اللي كان معه بس لاحظت انه يعصب بس اعطيه اكل او شي يلعب فيه ويهدأ استمر ع الطريقه او لا اعتذر ع الاطاله وألف شكر مره ثانيه هذا أول ببغاء لي يعني توي مبتدئه ردك جاوب ع استفسارات كثيره ودي واحترامي لك |
| جميع الأوقات بتوقيت GMT +3. الساعة الآن 04:45 PM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو