استفسارات متعددة !!
 

رد: استفسارات متعددة !!
 

السلام عليكم

أول شيء نقل القفص للبلكونة لازم تراعي فيه كم شغلة منها أشعة الشمس والجو
طيور البادجي ماتستحمل الحرارة الزايدة ولا البرودة الزايدة والإعتدال مطلوب
يعني حتى بغياب أشعة الشمس المباشرة الجو ممكن مايكون محتمل من الطيور
دا الشيء تحددو إنته بحسب جو منطقتك
بخصوص الحشرات تيجي نظافة البلكونة أول شيء
يعني مثلاً لوفيها غبار وكراكيب أكيد حتبهدلك الحشرات والعكس
تاني شيء نظافة القفص تهتم بتعقيم القفص بالموية الحارة بالمحتويات من مجاثم ومشربيات ومأكليات
وتستخدم ديتول وشوية فيري في غسلها وبعد الشطف تتأكد تنشفها تمام
كمان فيك تستخدم خل التفاح في مسح القفص كمطهر طبيعي
لوأهتميت بنظافة الإتنين اللي فوق إن شاءالله طيورك ماحيجيها حشرات
بس أنا أستخدم لطيوري خل التفاح مخفف بموية وأرشهم بمرشه بعيد عن الوجه
أخليهم شوية وبعدين أشطفو بجنب إنو يحارب الحشرات صحي للريش يخليه لامع
أو تحطلهم مغطس موية وفيها خل تفاح وتخليهم يتروشوا براحتهم
بخصوص الأنثى وعنادها للدكر دا طبيعي
وغالباً يكون في حال كان الدكر أصغر من الأنثى بالعمر أو الحجم أو تكون الأنثى قوية ومسيطرة
عندك كير الأنثى يتحول وقت الجهوزية لبداية مرحلة التزاوج بس بعض الإناث مايتغير وعادي تتزاوج وتنجب
نيجي للوجبات عندك التجويع وعندك خيار خلط الأشياء اللي يحبوها مع اللي لا
كمان عندك لمن تكون مبشورة صغير وملونة فيها كم عنصر تخليهم يروحولها
ممكن في الأول يخافوا بعد مرا يصيروا يقربوا بعد مرا يجربوا وكدا لين يتقبلوها إنته إبدا معاهم بكميات قليلة
آخر شيء مافي شيء إسمو أفقد الأمل الأمل موجود
أهم شيء تكون متأكد من جنس طيورك يكون مختلف كمان تتأكد من جهوزيتهم وصحتهم
الطيور بس تحصل أكل متنوع وموية نظيفة وقفص نظيف وهدوء ومكان واحد ماتجلس تنقلهم
يعني بإختصار حب طيورك راح ينتجوا إن شاءالله
بالتوفيق يارب