|
سؤال لمربي الثعابين
السلام عليكم ورحمة الله وبركاته بصراحه اول مره اعرف من خلال هالمنتدى ان في ناس يربون ثعابين واذا سمحتوا عندي استفسار عن هواية تربية الثعابين ماهي الفائده من تربية الثعبان ؟ بصراحه هالسؤال محيرني يعني اللي يربي طيور يستمتع بتغريدها واللي يربي قطط يقضي وقت ممتع باللعب معها واللي يربي أسماك يستمتع بأشكالها الجميله وغيره من الهوايات اللي بها متعه وفائده مع احترامي لهوايتكم لكن ماهو الممتع بهواية تربية الثعابين لاتغرد ولا تلعب ولا شكلها ولونها حلو طيب وأكرر مع احترامي لهوايتكم لم أقصد الاساءه ولكن مستغربه من هالهوايه الغريبه خصوصا ان في ثعابين سامه وللناس فيما يعشقون مذاهب |
رد: سؤال لمربي الثعابين
لوووول مع احترامي لج البنات صعب انهم يعرفون حب الثعابين :p تربية الثعابين فيها شي ذكوري نوعا ما الشكل , القوة في العصر , الخطوره و السميه , الطول , تدفق الادرينالين عند التعامل مع ثعبان خطر و طبعا اهم شي اطعامه اكل حي :D هذه اهم متعه في تربية الثعبان لمه اتشوفينه و هو ياكل : بيضه _ فار _ سحليه _ سمكه ....الخ فاللي مايحب يشوف حيوان باكل حيوان ثاني فصعب عليه ان يحب يربي حيوان مفترس و خطر |
رد: سؤال لمربي الثعابين
كل انسان مختلف عن الاخر وكلن له هوايه ويحب التميز عن الغير فالثعابين يعشقها بعض الاشخاص ويخسر عليها نص راتبه والبعض يتاجر فيها ويعرف وين زباينها.... وعلى العموم هي هوايه زي هوايت تربية الحيوانات الثانية.. |
رد: سؤال لمربي الثعابين
لونلي
السالفه فيها تدفق الادرينالين يعني في انفعال وتوتر ول ول شاللي حادهم معلومات غريبه بصراحه شاكره لك مشاركتك ________ هيل بوي سبحان الله في احد يتاجر بالثعابين ليش يشترونها الناس مشكور ولا هنت عالمرور |
رد: سؤال لمربي الثعابين
اقتباس:
|
رد: سؤال لمربي الثعابين
والله هذه هوايه مثل باقي الهوايات ولها متعتها الخاصه مثل القفز المظلي وتسلق المرتفعات او اي هوايه اخري وكل انسان له عشقته
|
رد: سؤال لمربي الثعابين
تربية الزواحف مثل باقي الهوايات يعني في ناس يربون قطاوه احنا نربي زواحف وعن نفسي احب كل شي غريب وعكس الناس :D
|
رد: سؤال لمربي الثعابين
المشكله ان معظم الناس عنده فكره ان الثعابين حيوانات متوحشه و هجوميه و شرسه و هذي فكره غلط
الثعابين كائنات جميله و هادئه بطبعها و لها الوان جميله و لا تهاجم البشر الا اذا حست بالتهديد و الخطر يعني دفاع عن النفس . الثعابين حيوانات فريده و مختلفه عن باقي الحيوانات بالشكل و الحركه و طريقه الصيد و الأكل فيها شي يدعوك للتفكر في مخلوقات الله, يعني كيف حيوان ماله يدين و لا رجلين يصيد حيوان اكبر منه بكثير و يبتلعه كاملا . و على فكره فيه بنات كثير يربون ثعابين. |
رد: سؤال لمربي الثعابين
شكرا لكل اللي ردوا لكن ممكن اعرف شلون تمارسون هوايتكم شلون تلعبون مع الثعبان ؟ هل تسبحونه ؟ طيب شلون تنظفونه ؟ وين يعيش بقفص والا نفس اللي بالمركز العلمي صندوق زجاج ؟ طيب مو صعبه انكم توفرون اكله شلون ومن وين تجيبون له اكله ؟ فئران وارانب .....الخ انزين قلبكم ما يعوركم عالفار او الارنب اللي تقدمونه طعام للثعبان ويفترسه ويقطعه ؟ ثعابينكم تتكاثر ؟ والا تربونها من غير ما تخلونها تتكاثر ؟ ثعبانكم يعرفكم ؟ مادري شلون بوصل لكم هالسؤال أقصد اللي عنده قط او ببغاء يكون حيوانه يعرفه واذا شافه يفرح ويجي عنده واذا شاف احد غريب يبعد عنه الثعبان يعرفكم ؟ شلون تعرفون انه عرفكم ؟ وشنو يسوي اذا عرفكم ؟ أقصد شلون يعبر عن فرحته ؟ يهز ذيله ؟ والا يهز راسه طيب الثعبان يعيش بروحه والا معاه زوجته وعياله ؟ اسمحولي طولت عليكم لكن هالهوايه مو قادره استوعبها احس انها خطره وغريبه وغامضه أتمنى ألاقي عندكم اجابه لأسألتي وشكرا لكم |
رد: سؤال لمربي الثعابين
شلون تلعبون مع الثعبان ؟
ما اعرف شلون اشرحلج لان الثعبان مو نفس القطو وال تكرمين الجلب هل تسبحونه ؟ طيب شلون تنظفونه ؟ تخلينه يقعد بماي دافي لكن اذا قصدج شامبو وصابون وليفه وهالسوالف ما يصير وين يعيش بقفص والا نفس اللي بالمركز العلمي صندوق زجاج ؟ باحواض زجاج مفصله او جاهزه او خشب طيب مو صعبه انكم توفرون اكله شلون ومن وين تجيبون له اكله ؟ فئران وارانب .....الخ انزين قلبكم ما يعوركم عالفار او الارنب اللي تقدمونه طعام للثعبان ويفترسه ويقطعه ؟ سهله انج توفرين فار او كتكوت او ارنب او او السوق متوفر فيه كل شي, هذي طبيعة الحياة الي سواها ربج والبقاء للاقوى ثعابينكم تتكاثر ؟ والا تربونها من غير ما تخلونها تتكاثر ؟ من الصعب انج تكاثرين الثعابين لانها لها جوها الخاص ومواسم بس في ناس تنجح بتكاثرهم ثعبانكم يعرفكم ؟ لا ما يعرف صاحبه لانه مو مثل القطو وتكرمين الجلب شلون تعرفون انه عرفكم ؟ وشنو يسوي اذا عرفكم ؟ أقصد شلون يعبر عن فرحته ؟ يهز ذيله ؟ والا يهز راسه شرحتلج هالشغله بالسؤال الي طاف طيب الثعبان يعيش بروحه والا معاه زوجته وعياله ؟ الثعبان يهتم بالبيض ليما يفقس واول ما يطلع من البيضه يعتمد على نفسه وامه ما تهتم مثل الطيور يعني اذا يوعان يدور فريسته بروحه من الغريزه الي عطاها اياه ربج وانشالله اكون كفيت و وفيت بالاجوبه |
| جميع الأوقات بتوقيت GMT +3. الساعة الآن 09:46 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو