منتديات تو زوو - بشتري قطو .. بس محتار وش يصلحلي ؟!!

منتديات تو زوو (http://www.2zoo.com/vb/index.php)

- سؤال و جواب لقسم هواة القطط (http://www.2zoo.com/vb/forumdisplay.php?f=59)

- - بشتري قطو .. بس محتار وش يصلحلي ؟!! (http://www.2zoo.com/vb/showthread.php?t=40448)

بشتري قطو .. بس محتار وش يصلحلي ؟!!

السلام عليكم ورحمة الله وبركاته

أحب أولاً أشكر الإداريين والمشرفين والأعضاء النشطين على تعاونهم و إبداعاتهم في هذا المنتدى

الرائع .. وأتمنا تقبلوني صديق جديد لكم بالمنتدى ^^ المهم ما أبي أطول عليكم .. وبصراحة

عندي لكم طلب ياليت ما تبخلون على بالإجابة .. وطلبي هو :

بصراحه أنا هاوي طيور ودايماً أربي طيور .. لكن هذي المره حبيت أغير و قلت بشتري قطه و أربيها

لكن أنا مثل كثير من الناس .. ما أعرف عن عاداة القطط ولا عن طرق التعامل معهم ولا عن أنواعهم

ولاشي .. أنا خبرتي في القطط شبه معدومه .. علشان كذا بغيت منكم مساعدة ..

أبي نصيحتكم وشوركم في القطو الي بشتريه ..؟ و أنا بصراحه سمعت وشفت عند ناس كثيره

أعرفها أن الشيرازي محبوب و أكثر الناس تقتنيه لأنه جميل .. طيب أنا أهم شي عندي في القطو

الجمال .. أتمنى تنصحوني بقطو بالمواصفات التالية : ^^

1- أنه يكون جميل جداً ^^ ( وهذا اهم شي عندي )

2- يكون من النوع الودوووود جداً جداً لأني أحب القطط المتواددة ^^

3- أشوف في بعض المواضيع مثلاً يقولون ميزة القطة أنها صياد ؟!! مدري وش صياد بس شكلها

صفه حلوه يعني يصيد و خبير .. أي أبي القطو يكون صياد ^^

4- وأبي القط يكون هادء جداً وغير فوضوي ^^

بس هذا كل شي ^^ أدري كثرة المواصفات بس شسوي ما عندي خبره بالقطط أخاف بكره

أشتري واحد و يسويلي مصيبه بالبيت +__+!! علشان كذا أنا محتاج مساعدتكم ...

وآخر طلب عندي .. نوع القط ( ذكر -أنثى) أتمنى بعد تقولون لي مين الأقرب للمواصفات الي

طلبتها الذكر او الأنثى لأني بصراحه أتوقع أتوقع الأنثى تكون أكثر موده وهدوء من الذكر .. مدري بس

أبيكم تطمنوني ظني في محله ولا لا ؟

ويعطيكم العافية .. أنا بنتظار ردودكم الحلوه ..

تحياتي أخوكم الجديد : محمد