|
بعد 24 ساعة من دخول الببغاء البيت هناك تطورات جميلة جداً
السلام عليكم
صار للببغاء حقي 24 ساعه فقط في البيت خلال صبري عليه فقط 24 ساعه هذي التطورات الي لاحضتها اجل كيف لو اصبر عليه فترة اطول واطول ؟!:D وهذا الي صار بفضل الله ثم بفضل جهوكم 1- بدء يطلع صوت من منقارة (والي عرفت من الحركة هذي انه مرتاح في مكانة الجديد) 2- ياقف على رجل واحده (وهذي من دلالات ان الببغاء جيد) 3- خلال 24 ساعه الماضية أكل (الحب الشمسي و تفاح و كمثرى ) واكل بطاطس من يدي مباشرة 4- بداء يطلع اصوات خفيفه مثل طق طق وز وز يعني غير مفهمومه 5- هدء نسبياً من الخوف اول كان يطير و يصارخ الحين هدء من روعه 6- كثير الحركة يطلع وينزل و ياكل ويشرب و يتمسك بالقفص بس عندي ملاحضة اذا عطيته اكل من يدي طبعا من خرج القفص يأخذ الأكل بس يرمية مايأكلة ماعرف ليش ، لكن باعتقادي باقي عليه وقت طويل عشان يتعود و الحين فتحت له القفص من فوق عشان اطمئنه ولا يحسب اني حاجرة واخليه ياخذ راحتة و الحمد لله طلع فوق و طلع على رف جنب الرف وجالس يتمشى فوق الرف |
رد: بعد 24 ساعة من دخول الببغاء البيت هناك تطورات جميلة جداً
وعليكم السلام ورحمه الله وبركاته الحمد لله شي جيد وجميل وان شالله مع صبرك ومتابعتك للمواضيع واهتمامك بالطير راح يكون القادم احلى باذن الله المهم لاتستعجل على النتائج وتحلى بالصبر وكما قلت هذه بدايه جيده جدا مع طائر جديد وبالتوفيق |
رد: بعد 24 ساعة من دخول الببغاء البيت هناك تطورات جميلة جداً
هذا بفضل الله ثم بفظلكم اخي medo88medo
وابشرك تروش زين ماشاء الله عليه وكان خايف من الرشاش حق المويه جعر مرتين وبعدين هدء و انبسط و عطيته مكافأة وهي قطعتين صغار من التفاح واكلها من يدي ولله فله |
رد: بعد 24 ساعة من دخول الببغاء البيت هناك تطورات جميلة جداً
مبروك اخوي ارشيف الحب وماشاءالله تطورات جدا رائعة الله يبارك لك فيه انشاءالله ومنها للافضل |
رد: بعد 24 ساعة من دخول الببغاء البيت هناك تطورات جميلة جداً
الف مبروك زلا تنسى توافينا بالتطورات
|
رد: بعد 24 ساعة من دخول الببغاء البيت هناك تطورات جميلة جداً
هذه الأخبار اللي واحد يحب يقراها وتفتح نفسه :D عموماً انت شكلك صبور وصدقني هذا اهم مفتاح عشان ينجح المربي مع طيره وانت ان شاء الله قدها وقدودها يا واد :p اكيد ما بيقبل كل وقت حالياً من يدك هناك سببين اما يكون الطير خايف وتفكيرة في هذه اللحظه انك تريد تأذية ولكن مع الأيام بكون عادي وبيتقبل منك الأكل اي وقت والسبب الثاني يكون الطير شبعان يعني الرجال (فول ممتاز) مايكون مزاجه مزاج الكبسة :p مبروك |
رد: بعد 24 ساعة من دخول الببغاء البيت هناك تطورات جميلة جداً
اقتباس:
الله يبارك في عمرك و ايامك ولا يحرمنا من توجيهاتكم و نصائحكم اقتباس:
ولله من ناحية الصبر اذا تبي الصدق الصدق عندي صبر لكن محدود شوي ولكن عندي عزيمه و اصرار اعتقد انها تعوض شوي عن الصبر الحمد لله بعد ماكتبت الموضوع بخمس دقائق عطيته بطاطس لكن مادخلت يدي داخل عطيته اياه من خارج القفص والجميل جداً قرب راسه وجلس ياكل حتى خلصت وبالنسبة أنه شبعان هذي النقطة ولله ماجت في بالي ولكن اشكرك جزيل الشكر على توضيحك و ابراز هذة النقطة لي اقتباس:
ان شاء الله راح احاول اكتب كل شئ جديد عنه بالتفصيل |
رد: بعد 24 ساعة من دخول الببغاء البيت هناك تطورات جميلة جداً
لكن عندي سوأل لأتطمئن فقط
انا اذا رجعت من الدوام افتح له القفص من فوق عشان ياخذ راحتة اكثر لكن الي لاحظت عليه اذا طلع فوق يسوي حركة كل 1 دقيقه وحده وهي محاولة طيران او محاولة تمرين الجناح ما ادري ولله كل شوي يرفرف بجنحانه ؟ انا جاني توقع قلت يمكن عشانه صغير ماتعود على المكان المرتفع وخايف يطيح او ماعنده توازن كافي ؟ هل هذا جواب شافي ام هناك جواب أخر؟ ولاحظت عليه اذا طلع فوق يجلس يحك ريشة بمنقارة وكأنه ينظف او يأكل ريشه خاصة الريش المقصوص ؟ ولكن الحمد لله مافيه تساقط ريش من الي لونها رصاصي ولكن الريش الابيض الصغير الي شكله شكل قطن هذي طايحة منه 5 ريش لكن اذا كان داخل القفص مايسوي شئ من هذة الأشياء ابد |
رد: بعد 24 ساعة من دخول الببغاء البيت هناك تطورات جميلة جداً
اخي الكريم لاتقلق ولاتشغل بالك هذه الحركات طبيعيه جدا عند الببغاء وهي نوع من التمارين التي تقوي الجناح وهي دائمة الملاحظه وتتكرر باستمرار خصوصا كما ذكرت عندما يكون خارج القفص لان لديه مساحه كافيه لذلك لهذا دائما ما انصح باخراج الببغاء من القفص من وقت لاخر حتى يقوى جناحه ويطرد الريش الصغير "الزغب" شكرا لاهتمامك وحرصك على طائرك وبالتوفيق يارب تابع هذا الموضوع وهو مخصص للريش http://www.2zoo.com/vb/showthread.php?t=41923 |
رد: بعد 24 ساعة من دخول الببغاء البيت هناك تطورات جميلة جداً
اخي ميدو
كلامك كبير جدا و انت اكبر الله يعطيك الف عافيه وفعلاً اخرجت اليوم الببغاء خارج المنزل في الحوش وطلع يصفر و يرفر مبسووووط ماتوقعت كذا راح يصير له |
| جميع الأوقات بتوقيت GMT +3. الساعة الآن 11:28 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو