قطو يديد شاسوي يا ناااااااس
 

السلام عليكم،،

أولا انا متابعه لمنتادكم الكريم صار لي تقريبا شهر وكنت ابي اشتري قطو لكن سبحان الله لقيت قطو عند باب بيتنا (قطو بيوت) وهو شكله كبير وأبي منكم تساعدوني في عدة أمور

شنو نوعيته؟ شكله سيامي

وكم تتوقعون عمره؟

وهو صاير عدواني شمخني كذا مرة ماعرف شاسوي شالحل يا ناس؟ (شكله معصب في الصور)

http://muzoon.jeeran.com/photos/930448_l.jpg


http://muzoon.jeeran.com/photos/930447_l.jpg


عطيته حاليا حليب وماعرف شنو اعطيه بعد ترى هذي اول مرة اخذ قطو بيوت..

واذا في اي ملاحظات غير ارجو ان تفيدوني بها


شكرا

رد: قطو يديد شاسوي يا ناااااااس
 

هههههههههههه احسه من جد معصب وقرفاااان انا لو اني منك اوديه عند احد عنده قطوه يمكن يهدا معها

رد: قطو يديد شاسوي يا ناااااااس
 

حلوة هلئصة : )
أهم شي تفحصي عند البيطري
لأنو في بعض الناس بتتخلى عن قطتها بسبب وجود امراض او شي لا سمح الله
يمكن تصرفو العدواني ناتج عن تعرضو للضرب وهو بلشارع او شي فأسبوع ورح يتعود علبيت وكل شي تمام : )
اذا ما عندك أكل قطط في وصفات مثبتة بلقسم فيكي تعمليها بلبيت

رد: قطو يديد شاسوي يا ناااااااس
 

هلا " القطيوة" مرحباً فيج بتوزوو :)

ممكن تحطين اعلان "موجود قط ضايع" بالشارع قرب المنزل يمكن اصحابه يدورونه الحين و ضايق خلقهم عليه ..

اذا صارت فترة و محد سأل عنه اول شي مثل ما قال الاخ كاندي مان تاخذينه البيطري للفحص و تفتحيله ملف عندهم ..

عمره فوق السنه و لكن لتحديد اكثر الطبيب البيطري يحدد من الاسنان ..

هذا رد فعل طبيعي لأنه مستغرب .. دايماً بالايام الاولى ..
القط السيامي من اكثر القطط اللي تتعلق بمربيها اللي يعاملها معامله زينه ..
اذا تعرضتي لخدش منه حاولي تبعدين عنه و تكلمينه بهدوء المهم لا تبينين انج منزعجه لأنه راح يتوتر اكثر ..


القطط حيوانات لاحمه اكلها الاساسي البروتين .. الحليب لقط بعمره ماراخ يستفيد منه مثل ما يستفيد من اللحوم ..
عطيه من اكل البيت (لحوم) أو الاسهل مبدئيا الاكل الرطب و الجاف الموجود بالجمعيات ..


و بعد ماشاء الله القط حلوو شكله :)

رد: قطو يديد شاسوي يا ناااااااس
 

الله يهنيكي بيه وانا مع ويذر ودي البيطري لان ممكن يكون من اول برا البيت وحيكون مليان براغيث ويمكن مريض كمان

وبااي

رد: قطو يديد شاسوي يا ناااااااس
 

عزيزتي انا مع كلام Withered Rose

يمكن القط طلع من البيت بدون علم اصحابه .. ويمكن اهم متخلين عنه فالله العالم بس عن الحرام والحلال حطي اعلان واذا لج نصيب فيه فبيكون من نصيبج

وودية البيطري احسن للاطمئنان

رد: قطو يديد شاسوي يا ناااااااس
 

صح كلامك غزل
!!
حطي اعلان في مكان عام او عدة اماكن
واذا تدرسي وري البنات في المدرسة بصورة
يمكن يطلع حق وحدة فيهم


بااي

رد: قطو يديد شاسوي يا ناااااااس
 

السلام عليكم

مشكوووورين جميعا على الردود.. أنا اكيد كنت باحط اعلان ماباخليه عندي!!

عموما اهو ماكان يبي يقعد في البيت وكان يطلع من الشباك الظاهر يبي أنثى او شي مادري

المهم انا خليته برى ويمكن رجع حق اهله لان الصراحه وايد عدواني وحاولت اهديه مافي فايده!

ان شا الله يرجع حق اهله

ومشكورين مرة ثانيه على الردود ودعواتكم لي ان اشتري لي قطو واهلي يرضون :$

رد: قطو يديد شاسوي يا ناااااااس
 

يمكن عمره من سنتين لثلاث سنين

ونوعه هجين بين الهملايا والسيامي

ومبروك عليك

وان شاء الله يبطل عادة العض