|
هل اللى بيحصل ده طبيعى ؟؟
السلام عليكم كل سنه وانتم طيبين ياجماعه وعيد سعيد عليكم جميعا المهم انا لاحظت من فتره ان الانثى الكير بتاعها بقى بنى غامق واتلاقيتها بدات تدخل العش كتير بس دلوقتى هى علطول جوه العش مش بتطلع خالص الا قليل جدا جدا وساعات بتلاقى الذكر معاها جوه العش فهل هى كده بتبيض ولا ايه ؟ والمشكله انى مشوفتهاش بتاكل او يمكن فى الفتره اللى انا ببص عليهم فيها :confused: بس انا حاسس انها مش بتاكل كتير فهل ده طبيعى فى الفتره دى اذا كانت فعلا بتبيض ولا ايه ؟ وفيه حاجه كمان الريش اللى تحت منقارها زى ما يكون مفرغ مش عارف اوصف بصراحه ياريت تكونوا فاهمين قصدى . ياريت ياجماعه تطمنونى . وشكرا ليكم مقدما |
انا لله وانا اليه راجعون
ياجماعه قومت الصبح اتلاقيت الانثى ميته فى القفص :(
انا مستغرب والله دى تانى انثى تموت مع الذكر ده :( انا لله وانا اليه راجعون المهم انا عايزكم تقولولى امشى الذكر ده واشترى زوجين جداد ولا اجيب له انثى تانيه ولا اعمل ايه ؟ لان بصراحه انا صعبان عليا انى ابيعه وهل ممكن يكون العيب فى الذكر ولا مجرد صدفه ؟ بس انا بصراحه مشفتوش بيضربها مثلا بالعكس دى كانت الايام اللى فاتت بتخرج من العش زى ما تكون مرهقه وهو يقعد يهرش لها فى راسها فتره طويله بعد كده تدخل العش تانى. بس على فكره انا لاحظت الايام اللى فاتت دى انا البراز بتاع الانثى لونه اخضر بس مش اسهال . فهل ده ممكن يكون السبب واتجنب الحكايه دى تانى ازااى ؟ ياريت تردوا على استفساراتى وتقولولى اعمل ايه لانى محتار جدا ... |
رد: هل اللى بيحصل ده طبيعى ؟؟
بعض الاناث تحب المكوث في العش لانها تخاف من الخروج .. اخي لا تضع الاعشاش للازواج الجديدة قبل ان تراهم يتآلفون مع بعض بدرجة اكيدة .. ولا تكرر خطأ وضع العش من اول الشراء .. شكراً
|
رد: هل اللى بيحصل ده طبيعى ؟؟
يااخى هما مش ازواج جداد ولا حاجه وكانوا متعودين على بعض جدا
على العموم شكرا لردك |
رد: هل اللى بيحصل ده طبيعى ؟؟
بسم الله الرحمن الرحيم أخي الكريم مكوث الأنثى في العش فترة طويلة وتحول الكير الى البني الغامق , هذا كله دلالة على وضع البيض , أيضا لم تكن تأكل كثيرا لأن الذكر يقوم باطعامها , أعتقد والله أعلم أن هذه الأنثى حدث لها انحباس بالبيض أثناء وضعه فماتت وهذه لها أسباب كثيرة منها نقص الكالسيوم وصغر سن الأنثى والبرد والقارص وغيرهم ... أنا أرى أن تشتري أنثى جديدة لهذا الذكر وتشتري أيضا زوجين آخرين حتى تقلل من حدوث الاحباط ان شاء الله , فبإذن الله يسفرخ عندك أحد الأزواج ويجعلك تستمر في الهواية , فالأفضل دائما في أي نوع من الطيور البدء بثلاثة أزواج على الأقل وهذه لها فوائد كثيرة لايتسع المقال لذكرها . بالتوفيق ان شاء الله |
رد: هل اللى بيحصل ده طبيعى ؟؟
شكرا ليك جدا يا د/احمد على ردك ومعلوماتك القيمه اللى فادتنى جدا
وان شاء الله هعمل فعلا زى ما قولتلى وجزاك الله خيرا |
| جميع الأوقات بتوقيت GMT +3. الساعة الآن 09:28 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو