|
اقروا سالفتي... وشرط تضحكون
السلام عليكم
يبت لكم سالفه تموت من الضحك صارت لنا انا واختي:D طبعا قطوتنا بيكي الدلوعه غنيه عن التعريف ههههه...واختي دايما مناشبتني عليها قبل جم يوم وديتها الدهماء عشان تطعيمها... واختي قعدت تفتر بسوق الحمام مع ابوي... عاد لقت قطوه عجبتها وايد خاصه وان لونها لون اختي المفضل >>> رمادي :p ومع المكاسر عطاها اياها بسعر لقطه... وحلف لها ان قيمتها اكبر من جذي وانها مو مريضه وانها خوش قطوة ...الخ:rolleyes:... وطبعا اختي ما شاء الله عليها محد يغلبها بالحنه:D تفخت راس ابوي الا ابي هالقطوة.. وابوي ما كان عاجبه ياخذها لان اللي يبيعونها صغار وشكلهم مومهتمين فيها ((شكلها قطوة شوارع )).. وخذاها فره تشوف المحلات عشان تغير رايها بس صممت الا تبيها:).. ومن الحنه واللويه >> ابوي بيفتك منها خذاها من غير فحص:p بس بيفتك من حنه اختي... حتى ما شيك عليها ولا طلعها من القفص المهم صار لهم جم يوم مع بعض مو متوالمين ولا متفاهمين .. بيكي تنحاش والقطوة اليديده (( سميناها اوبرا)) تلاحقها وتجابلها وبيكي كله خايفه منها ومنخشه وكله تبخ بويها من تقرب منها عاد اليوم وديتها الدهماء عشان اطلع لها كرت ولا المفاجاه العظمى :confused: :confused: :confused: :confused: عطيتها الدكتور قلتله افحصها لي.. جان يقولي قصدج افحصه ولا طلعت القطوة ذكر :eek:خخخخخخخ و بعد الفحص طلع مريض وعليه :(... قمل باذونه وفطريات بجلده تخلي شعره يحت ويحتاج على الاقل شهر علاج و يبيله عزل طول فترة العلاج .. وفوق كل هذا قيمه ادويته تساوي سعره تقريبا خخخخ :D... والباط جبدي انه قال تبون تعالجونه ولا تسرحونه... صراحه انا خفت فاتصت على ابوي وقلتله وحط حرته باختي مسيجينه:p ..فكسرت خاطري اختي مع دموعها وقررت اني اعالجه عاد حطيته بالسرداب مع ادويته والليتر بوكس ماله .. ادعوله الله يشفيه:( >> نسيت اقولكم صار اسمه زعتر :cool:... فديته زعتور لا تروحون سالفتنا ما خلصت خخخخ:D الحين بيكي تدور على زعتر وتطلع اصوات تبيه :eek:... بعد ما قعدت يومين تبخ بويهه... عاد ما حبته الا بعد ما طلع مريض هههه وردت اختي تناجرني على بيكي مرة ثانية :p شرايكم مو قصه كوميديه :D |
رد: اقروا سالفتي... وشرط تضحكون
هههههههههه:D
والله فرق بين اوبرا :) وزعتر:eek: والله مسكينة اختك مالها حظ بالقطاوة:p واتوقع بستكم تصيح مو لانها تبية لااااااااااااااااااااا شكلها شمتانه:D عالعموم مايشوف شر زعتر افندي ويقوم بالسلامة:D |
رد: اقروا سالفتي... وشرط تضحكون
الوسم
لوووووووووووووووووووول شفت شلون :D كثر من هالدعوات الطيبة و تسلم عالمشاركة الحلوة |
رد: اقروا سالفتي... وشرط تضحكون
هههههههههههههههه حلوه القصه
قول لاختك انا عندي قطه رماديه |
رد: اقروا سالفتي... وشرط تضحكون
لووول يحليلها بيكي :) وهم يحليلها اختج .. شكلها اخر العنقود عاد احلـى شي ان طلع القطو ذكــر يالله وناسه عشان تشوفون عيالهم ^_^ عالعموم ترى انا قبل فتره قطوتي صار فيها فطريات وعالجتها الحمدلله وصارت زينه شوفي اذا بغيتي تودين زعتر :p مره ثانيه الطبيب وديه عند دكتور اسمه جوزيف هذا خوش واحد اهو اللي عالج لاكــي ( قطوتي ) وخذت تقريبا 3 اسبيع وصارت زينه .. بس سؤال : اهو عطاج شامبو حقه ؟ لان هذا وايد زين للفطريات واخر شي لا تنسين اذا جستي زعتر تغسلون ايدكم عدل عشان لا تتعادون منه .. والله يشافي زعتر ان شاء الله ويتربى بعزج :rolleyes: وسوري عالاطاله |
رد: اقروا سالفتي... وشرط تضحكون
اما اختج هذي لوووووووووووووووووووول انزين جان فحصتوها جان شرطتوا على اللي باعكم اياها انكم تشترونها بشرط الفحص المهم انشالله بتتشافى دامكم مهتمين فيها قصدي فيه :p . . . |
رد: اقروا سالفتي... وشرط تضحكون
اقتباس:
ليش النحاسه يعني:p الله يخلي لج قطوتج حبيبتي ... ويشافي زعترنا الرمادي ;) اقتباس:
اي صاجه اختي اخر العنقود وسكتي بيكي تافخه راسنا .. ما نمت عدل من حنتها والاصوات اللي تطلعها..:( اي عطوني حقه حبوب تنخلط مع الاكل وقطره حق اذونه وشامبو اسبحه فيه كل اسسبوع مره... صراحه ماعرف اسم الدكتور بس اهو الفلبيني العريض اللي غرفته اول غرفه وعطاني موعد له بعد 3 اسابيع.. والله كريم ميرسي حياتي على النصايح .. ومشكووره :D اقتباس:
صاجه كان المفروض يكون شرط الفحص.. بس ابوي مسكين بيفتك من حنه اختي وهذا اللي صار ومرسي على الدعوه الحلوة وكثري منها ;) |
رد: اقروا سالفتي... وشرط تضحكون
ههههههههههههههههههههه
قصة جميلة...................... |
رد: اقروا سالفتي... وشرط تضحكون
لوووول
اشوه انها عجبتكم وشكرا للمرور |
رد: اقروا سالفتي... وشرط تضحكون
ماقدامه إلا العافيه زعتور افندي
اما بالنسبه لبيكي فا في مثل يقول مامحبه إلا بعد عدوه ,, وماضربك الإ الي حبك لول |
| جميع الأوقات بتوقيت GMT +3. الساعة الآن 06:43 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو