|
لمن يملك خبره سؤال ؟
السلام عليكم
انا حبيت اسأل كم سؤال وابغى من لديه المعلومه لا يبخل فيها انا ناوي بأذن الله اني اشتري قطوه انثى بغرض التزاوج مع الي عندي وكلاهما من نوع شيرازي لكن ببالي كم سؤال الذكر الموجود عندي مرببيه من اكثر من سنه وهي والفه وحره بالبيت لكن اذا جبت انثى هل لازم اخليها تولف على قبل ماازاوجهم ولا اتركها مع الوقت وايضاً هل راح يكون فيه خطر عليهم اذا شافو بعض وهل التزاوج من الافضل ان اخليه بوقت محدد مع العم باني لا اريد ان احجر اي واحد انا معود الي عندي انه منفتح على البيت كله ؟ وايضاً الي بشتريه لازم تكون له مواصفات معينه من ناحيه العمر مع العلم بأني لقيت وحده عمرها سنه وشهرين وهو عمره سنه واربع شهور وقبل كانت حامل او بعض الاسأله:confused: افيدوني بخصوص الموضوع هذا؟ بسبب بان الكلاب لهم وضع فيه حجر وغيرها وتلخبطت معي الامور هل القطوه مثلهم؟ |
رد: لمن يملك خبره سؤال ؟
لا القطاوه اتركهم مع بعض اول شي ممكن يتهاوشون وجذي وبعدين راح يوالفون مع بعض بروحهم ومع احترامي للجميع اي احد يقولك غير هالكلام مالك شغل فيه والذكر يكون مستعد للزواج في اي وقت من الاوقات ومن يكون عمره 4 او 3 اشهر !! الي عندي من كان عمره 3 اشهر وهو يتزوج طبعا كل ما اوديه عند اي نثيه لازم كباديه تظربه وجذي وبعدين تخليه حتى لوكانت النثيه تبي تتزوج وقاعده تطلع اصوات وجذي هم تصده وتطقه بالكثير يومين وتخليه اما اذا كانت ماتبي تتزاوج فراح يطول الوضع وبالنسبه للقطوه هذا رايك الشخصي اذا تبيها والده من قبل ولا تبيها اول مره لكني اعتقد انها اذا والده من قبل سعرها ينزل
|
رد: لمن يملك خبره سؤال ؟
يسلموو فطوم على الرد كفيتي ووفيتي
|
رد: لمن يملك خبره سؤال ؟
طيب هل ازاوجهم بأي وقت عادي واخليهم على طول مع بعض ولا فيه اوقات معينه؟
|
رد: لمن يملك خبره سؤال ؟
والله انا اسمع انه في مواسم معينه يكثر فيها التزواج ولكن انا حسب تجاربي وتجارب اللي حولي اهم يتزوجون اب اي وقت وفالغالب اكيد بتلاحظ انه القطوه تطلع اصوات غليطه وتتقلب وجذي اهني تكون بحاجه مااسه وشديده للتزاوج فيفضل انك اتيبلها ذكر وراح يتزاوجون وتولد بعد شهرين وانا اعتقد هالحاله مدتها من سبوع لي عشر ايام بالكثير حسب ماقالي الدكتور
|
رد: لمن يملك خبره سؤال ؟
انا ابي اجيب انثى تقعد مع الذكر حقي زوجه رسميه :) ماراح اجيب وحده مستأجره لا بشتري لي
بس على حسب خبرتي بالكلاب انه اذا جاء وقت التزاوج لازم تتلقح مره وحده بس لان الثانيه راح تخرب عمليه التزاوج الاولى ولا راح يصير فيه حمل نهائياً فهل هذا ينطبق على القطاوه ولا لا؟ |
رد: لمن يملك خبره سؤال ؟
اول شي قطوك يجنن شكلي ابخطبه منك لاجيت ابزوج توتا مره ثانيه
المهم شوف انت جيب القطوه وخلهم على راحتهم لاتتدخل ابد ولا تغير اي شي ابد خلي الوضع زي ماهو عليه وهم من ثالث يوم اذا كانو بحاله تزاوج حيتزاوجو وعلى فكرة ممكن انك تشوفهم يتخانقون خليهم عادي لا تتدخل بينهم تحياتي |
رد: لمن يملك خبره سؤال ؟
يسلمووو قطقوطه على الرد وبالنسبه للقطو هو تحت امرك متى ماطلبتيه :)
وانا خلاص بكرا راح اشتريها حطيت براسي وحده تناسبه عمر ونفس الفصيله وكل شي تمام وعلى مااتوقع ولي كم يوم اتردد عليها واليوم لاحظت و على حسب ماقريت عنهم بالمنتدى من معلومات فأتوقع انها هي جاهزه للتزاوج والله يعين ويوفق :) |
رد: لمن يملك خبره سؤال ؟
لا اهم يختلفون عن الكلاب ممكن تشوفهم اسبوع يتزاوجون بستمرار عادي وفي بعض الاحيان الذكر يمل ويبعد عن النثيه والنثيه تحاول تقرب منه وتظربه عشان يتزاوج معاها بس اهو يرفض هم هذا شي عادي ولا يعني انه اهي موحامل
|
رد: لمن يملك خبره سؤال ؟
:)
السلام عليكم بما ان عند حضرتكم خبرات وتجارب لو سمحتم مده الحمل لاول مره قد ايه؟ لان قطتي توتة بردو دخلت تقريبا على الشهر الرابع ومولدتش وفيه ناس قالوا دي 5 شهور وقرأت ان مده الحمل من 63الى93 يوم! واخاف اوديها للدكتور يديلها حقنه تتعبها |
| جميع الأوقات بتوقيت GMT +3. الساعة الآن 06:03 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو