منتديات تو زوو - دايموند دوووووف (( الماسي ))

بسم الله الرحمن الرحيم

السلام عليكم ورحمة الله وبركاته

موضوعي اليوم عن اليمام الماسي (( دايموند دوف ))...

مثل ماتعرفون الماسي من فصيلة اليمام ويتميز بصغر حجمه وبعد يتميز بصوته الأكثر من رائع

وأكثر شي اقدر أشبه فيه صوته هو ( بصوت الناي )

فالمواضيع المثبتة ---في مكتبة أنواع الحمام --- يوجد موضوع خاص بهذا النوع

وفيه كل المعلومات بشكل منظم ومختصر

وهذا هو الرابط للموضوع ----- http://www.2zoo.com/vb/showthread.php?t=34576

لكن أهم معلومة لنا يا أهل الخليج إن الطيور تتحمل الجو (((( الحار ))))

وأنا عن نفسي كانت لي تجربه مع هذا النوع من اليمام في فتره من الفترات لكن

للأسف ما كنت أصور واهتم بالتصوير نفس ما قمت اهتم فيه بالفترة الأخيرة مع الحمام واليكريم

وكانت عندي كميه بعتها وخليت عندي جوز واحد فقط وللأسف مات الذكر

وتمت النثيه عندي فتره طويلة وأخيرا قررت اشتري ذكر

على الأقل تكون عندي ذكرى لهم بالصور واحتفظ فيها مع باقي صور الحيوانات اللي ربيتها

وفي نفس الوقت قلت أسوي موضوع عن تربية الدوف وإنتاجه وأوضحه لكل شخص حاب

يربي هذا النوع من اليمام

=====================================

أول شي قبل لاشتري الذكر

جهزت القفص اللي بخلي الجوز يعيش فيه وبما إن القفص فالخارج فكنت احتاج لعمل ظل

لسقف القفص وقلت أحسن طريقه هي (( سعف النخل )) عشان تعطي جو مناسب

لليمام

وبعد بما إن الماسي من الطيور الخجولة والخوافة واللي دوم تلجأ لكسر البيض في حالة الإزعاج

أو التخويف من قبل الأطفال أو حتى لكبار لو كل شوي أزعجوهم

فكنت احتاج لعمل حاجز خفيف من الشبك الأخضر

أولا يخفف من تيارات الهوى

ثانيا يحسس الطيور بالأمان

وهذي صورة القفص بعد تعديل السقف ووضع الحاجز الجانبي

http://www.pusup.com/up/get-7-2008-4qjxwzfw.jpg

لكن هذا القفص فيه عيوب وانأ ادري بعيوبه بس كنت حاب أنى استغله بدل ما خليه مرمي

أهم عيوبه إن تغير العش صعب جدا وخاصة لو كان فيه أكثر من جوز

لان العش لازم يتغير بعد كل تفريخ وبعد لازم وصول للعش يكون سهل عشان عزل البيض الفاسد

وبعد لو لا قدر الله مات فرخ تقدر تشله أو حتى لو مرض فرخ

وأفضل شي عمل قفص كبير قياس 3م * 3م ارتفاع ما يقل عن 2,5م ويكون فيه أغصان وأعشاش

وكميات كبيره من الطيور الماسي

لكن في حال تعثر المكان مثلي أنا من كثر لقفاصه والحمام وما حصلت لهم مكان كبير يناسبهم

فحصلت أفضل طريقه تفصيل قفص بارتفاع 1.60م وعرض 1.20م وعمق 80سم وهذي صورته

http://www.pusup.com/up/get-7-2008-vze22vfc.jpg

وبعد الباب الرئيسي للتنظيف يكون صغير علشان ما يهرب منهم شي والباب مهمته التنظيف وتغير الماي فقط

وهذي صورة لواجهته القفص

http://www.pusup.com/up/get-7-2008-2rqrrn9t.jpg

أما لتغير العش أو الوصول للعش بسهوله كانت أفضل طريقه عمل أبواب جانبيه صغيره جدا 15سم*15 سم

وهذي صورة الباب

http://www.pusup.com/up/get-7-2008-iid2qotv.jpg

أللحين خلصنا من القفص ننتقل للعش

لعمل العش الطريقة سهله جدا والعش عبارة عن عش الكناري

http://www.pusup.com/up/get-7-2008-w7le5u49.jpg

وبعدها تتم عملية تثبيت الأعشاش ومحاولة زيادة الأغصان إن أمكن

http://www.pusup.com/up/get-7-2008-utlj46hk.jpg

وبما إن القفص من حديد وما قدر افرش أرضيته بالرمل لان جو قطر دوم رطوبة

و الأرضية راح تصدى بسرعة فاستغليت هذي الطريقة

http://www.pusup.com/up/get-7-2008-necrjtc9.jpg

لصحون فيها رمل + أملاح + أكل + مواد تعشيش ولازم تكون بعيده عن الأغصان

عشان الفضلات تتساقط على الشبك وتحافظ على نظافة الرمل أكثر وقت ممكن

وطبعا بعدها قلت أفضل طريقه احفز الجوز على التفريخ وضع مواد التعشيش

بشكل كبير ومن مواد مختلفة عشان يختار اللي يناسبه

وهذي الخلطة

http://www.pusup.com/up/get-7-2008-4nwhgijd.jpg

ورق توباق + جريد النخل + خيوط بلاستيك (( خيوط الخيش ))

وبعدها شريت الذكر ولمي جبته دخلته القفص الجديد مع النثيه في نفس الوقت

لأنها طيور ( جبانة ) بيكون القفص جديد عليهم ومن كثر الخوف بتم الذكر الجديد مع النثيه

محد فيهم يجترئ ويبعد عن الثاني وبتم عملية التوليف بسرعة

وهذي أول صوره لهم شوفوهم

http://www.pusup.com/up/get-7-2008-oe3pukxy.jpg

http://www.pusup.com/up/get-7-2008-kzxu62he.jpg

وبعدها بكم يوم ابتدئ الجوز يتعود على بعض وبدأت النثيه تعاين الأعشاش

علشان تشوف العش المناسب لها

http://www.pusup.com/up/get-7-2008-b51eyutt.jpg

وبعد المعاينة تم بحمد الله وفضله وضع أول بيضه فالعش

http://www.pusup.com/up/get-7-2008-9ey3zw2j.jpg

وبعد يومين تم وضع ثاني بيضه فالعش

http://www.pusup.com/up/get-7-2008-tluk04dc.jpg

وهذي صوره النثيه وهي تحضن البيض

http://www.pusup.com/up/get-7-2008-k1oiop17.jpg

وهذي صوره للذكر وهو يحضن البيض

http://www.pusup.com/up/get-7-2008-9d9z23u4.jpg

والحمد لله بعد فتره شفت أول فرخ

هذي صورته

http://www.pusup.com/up/get-7-2008-r0t9sdlc.jpg

طبعا الموضوع ينتهي عند خروج اول فرخ وان شالله بعدها اكمل الموضوع بالجزء الثاني

(( مابعد التفريخ ))