منتديات تو زوو - تزاوج ناجح = بيضه

الصفحة 1 من 2

عرض 40 مشاركات من هذا الموضوع لكل صفحة

منتديات تو زوو (http://www.2zoo.com/vb/index.php)

- قسم هواة الزواحف والبرمائيات (http://www.2zoo.com/vb/forumdisplay.php?f=32)

- - تزاوج ناجح = بيضه (http://www.2zoo.com/vb/showthread.php?t=61058)

عروس الجليل

24-05-2008 10:20 PM

تزاوج ناجح = بيضه

[CENTER]

كيفكو شباب وصبايا ؟
من شي يومين صار ببيتنا اشي كتير حلو واكيد سجلتو لانو انا ما توئعتو..

انا مربيه بالبيت لحد اسا 6 سلاحف بريه - لمن اجيب كمان بحكيلكو - 4 اناث وذكرين منهن واحد بالغ ابن 14,
من فتره مش بعيده شفت الذكر الكبير مش على بعضو, كان واضح لالي انو كان عم بعمل طقوس تزاوج, يضرب دروع السلاحف الاناث اللي مش بالغات بعد وبيعمل اصوات, ئلت عادي اكيد ما رح تزبط معو..

بس ب 22/5/2008 لمن روحت من شغلي تفاجأت لمن شفت بيضه تحت سلحفاه, اللي بعدها 14 سنه - النضوج عند اناث السلاحف البريه +15 سنه- اكيد كان حلو لمن مسكتها بايدي,
ويمكن كانت تجربة حلوه للسلحفاه الام بما انها اول بيضه عندها..

شوفو الصور..

http://www.pusup.com/thumbs/0da02ab405.jpg + http://www.pusup.com/thumbs/2dfd5564bd.jpg

http://www.pusup.com/thumbs/d7367f201d.jpg
/
/

http://www.pusup.com/thumbs/929dce23e9.jpg http://www.pusup.com/thumbs/52bf10fef4.jpg

شو رايكو؟؟
بستنى ردودكو..
:)

kha4499

25-05-2008 12:44 AM

رد: تزاوج ناجح = بيضه

بشرك الله بالخير لان من كم يوم وانا اشوف سلاحفي يعملون هذي الطقوس , بس السؤال مب لازم ان السلحفاء تبيض وتدفن بيضتها ؟ اتمنى من خبراء السلاحف افيدتنا وشكرا

عروس الجليل

25-05-2008 07:43 PM

رد: تزاوج ناجح = بيضه

يسلمو لالك, السلاحف بتدفن البيض تبعها بس هي ما دفنتها, عنشان هيكا انا اخذت البيضه وحفرتلها ودفنتها بتربه بعيد عن بائي السلاحف عنشان اكمن شهر تفئس.

واليوم لائيت كمان سلحفاه انثى كبييييييييره عنا بالحاكوره وضميتها للبائي, اكيد هايا كمان رح تبيض بعد ميزاوجها.

الخيّال

25-05-2008 10:02 PM

رد: تزاوج ناجح = بيضه

قممممة في الروعة عندما تبيض او تولد عندك حيواناتك وخاصة اذا كنت لا تتوقع ذالك

يا ليت تكلمنا اكثر عن كيف مربيهم هل انت شاريهم او صاديهم

ووين حاطهم داخل البيت او في الحديقة

بالتوفيق ...

عروس الجليل

25-05-2008 11:02 PM

رد: تزاوج ناجح = بيضه

مبين عليك انك حسيت بهيكا اشي خيال..

بالنسبه لسلاحفي انا ما اشتريتهن, كتيير بلائيهن بالاحراش والحقول وخاصه بمتل هايا الفتره, بس ئبل لاخدهن بشوفهن ادا مش مريضين وبنظفهن من القراد,
كنت حاططهن برات البيت بس بيضلهن يتخبو كتير من القطط والغربان وكمان الاولاد ما بتركوهن بحالهن.. حطيتهن جوات البيت واوئات بطلعهن برا ليتشمسو بعد مانظفلهن التراب اللي تحتهن..

الاشي الحلو بتربيه السلحفاه البريهانك ادا ما بدك بدك تربيها بعد ما بتتغلب وين تروح فيها , بتتركها بشي حرش وهي بتعرف تعيش لحالها..

الخيّال

26-05-2008 01:13 AM

رد: تزاوج ناجح = بيضه

شكرا على الاجابة

لكن انت بأي دولة

وسؤال ثاني ما نوع سلاحفك وما هو الحجم اللي بتوصلة علشان تبدا تبيض

وعلى فكرة اعتقد هي لسا حتبيض كمان ممكن الى خمس بيضات خليك متابعها علشان ما يتكسر البيض

عروس الجليل

26-05-2008 05:44 PM

رد: تزاوج ناجح = بيضه

عندي نوعين من السلاحف البريه,
1. Testudo graeca terrestris ; منتشر اكتر اشي ببلادنا بمركز فلسطين وشمالها وكمان بلبنان وسوريا, ما بيكبر بالحجم كتير , الانثى 22 سم والذكر 15 سم, النضوج الجنسي عند الذكور +13 وعند الاناث +15, ولونهن بيجي فاتح اخضر-اصفر مع بقع غامقه. بيض 2-6

2. Testudo graeca ibera ; منتشر بهضبة الجولان وكمان بلبنان, هني بيكبرو شوي اكتر من النوع الاول, الانثى 17 سم والذكر 17 سم, بينضجو من ناحيه جنسيه كمان متل النوع الاول, لونهن غامق كتير اصفر - اسود, اللي بيشوفهن بيفكرهن مليانين غبره ووسخ. بيض 4-6

انا عندي التزاوج صار بين انثى من النوع الاول وذكر من النوع التاني.

عم بفكر كيف رح يطلع لون السلحوف اللي بدو يطلع من البيضه كمان اكمن شهر.. ملون؟ :D

http://www.pusup.com/thumbs/19efce48cd.jpg
صوره لسلاحف صغار من النوعين بعد ميفئسو

الخيّال

27-05-2008 07:16 AM

رد: تزاوج ناجح = بيضه

شكرا كتيييييييييييييييير عروس الجليل على هذي المعلومات القيمة

عندك معلومات وافية عن السلاحف ننتظر منك مواضيع عن انواع اخرى من السلاحف البرية

بالتوفيق

LiMiTeD

27-05-2008 02:53 PM

رد: تزاوج ناجح = بيضه

اول شي مبروك

وثاني شي مشالله حديثكم حلو

وثالث شي يعطيكم العافيه :)

عروس الجليل

30-05-2008 08:40 PM

رد: تزاوج ناجح = بيضه

الله يبارك فيك LiMiTeD.. وتسلملي اكيد انت الاحلى.
والله يعافيك.

جميع الأوقات بتوقيت GMT +3. الساعة الآن 01:54 PM.

الصفحة 1 من 2

عرض 40 مشاركات من هذا الموضوع لكل صفحة