منتديات تو زوو - تحقق الحلم الذي انولد معنا

منتديات تو زوو (http://www.2zoo.com/vb/index.php)

- قسم هواة القطط (http://www.2zoo.com/vb/forumdisplay.php?f=33)

- - تحقق الحلم الذي انولد معنا (http://www.2zoo.com/vb/showthread.php?t=63301)

تحقق الحلم الذي انولد معنا

السلام عليكم ورحمة الله وبركاته

بقولكم شصار لي يوم السبت

من الصبح طلعنه انا وابوي واختي ورحنه جمعيه الرفق بالحيوان عشان نشتري قطاوه وعند وصولنا وإذا بالمسؤلين عن الجلاب مطلعينهم وانا واختي نخاف مع انهم اليفين لكن بعد نخاف انتظرنه لما دخلوهم ودخلنه:D .. رحنه مكان القطاوه ماشاءالله عندهم قطاوه كبااااار اول مره اجوف هالكبر حسافه نسيت اصورهم ... المهم رحنه ندور الصغار كانو كلهم بلديين على حظنه:p ... قعدنه ندور الي يتمتعون بصحه ممتازه.. واهم هناك يعني مهتمين فيهم عدل كل شوي وينظفون محلهم هذي الي خلني اشتري من عندهم ... ورحنه لقفص فيه قطاوه صغار على شهرين .. وماشاءالله عليهم نشاط ولعب مو طبيعي المهم اختارينه ثنتين ورحنه للمديرة عشان نكمل الاجراءات بس الي طيح قلوبنه اول مادخلنه مكتبها كانو في جلبين كبار منسدحين على الارض قام واحد وشمني انا تجمدت من الخوف مع انه اليف بس شكله مايوحي كلش انه اليف .. والجلاب عندهم اذكياء ماشاءالله يبطلون الباب ويدخلون واحنه مثل الاصنام :D

وبعد كل هالخوف والتبرعص:D .. رحنه خذناهم وحطيناهم في القفص الي كنه يايبينه ... وطلعناهم في السياره وكانو خايفين شوي بس الحمدلله ماسووها:D

وبس هذي الي صار لنه وان شاءالله عن قريب بنزل صورهم :)