|
واللي يرحم والديكم ساعدوني
صباحكم ومساكم جميل ... انا عندي ببغاء أفريقي أحبه موووت يتكلم يضحك يبكي ..الخ قدّر الله عليه وانمرض اصيب بالرشح وصار بس جالس تحت ومايتكلم ولاياكل وماله خلق شي .. البيت كله انقلب حزن بحزن .. وديناه انا واخواني وامي للبيطري وعطانا كيس مليااااااان ادوية بحوالي 250 ريال عطيناه حسب وصف الطبيب وبعد 5 ايام الحمدلله الطير طاب وبدا ياكل ويصفّر شوي ويحاول يتكلم .. المهم انه تعافى الحمدلله.. بس اللي محيرني انه مازال فيه بمناخير الطير حاجة ناشفة صلبة وكل ما حاولت ازيلها يصرخ واحس انها تعوّره .. واخاف اوديه للبيطري يعطيني كيس اكبر من الاول والظروف لكم عليها شوي قلت مالي الا حبايبي اعضاء توزو تكفون ساعدوني ايش الحل .. تحياتي للجميع شكراً توزو
|
رد: واللي يرحم والديكم ساعدوني
الافضل اعادته الى الطبيب المختص البيطري وهو افضل من يخدمك في هذا المجال عشان هذا اختصاصه
|
رد: واللي يرحم والديكم ساعدوني
زي ما قالك أخوي اسيد مالك الا الدكتور رحله ثانية لأنه يمكن أن الطير لسى ما تعافى كاملا
|
رد: واللي يرحم والديكم ساعدوني
شكرا اسيد .. شكرا يعقوب ..
يعني 250 مرة ثانية .. انا احس ان الطير متعافي ياكل ويشرب ويتكلم بس هالحاجة الصلبة داخل مناخيره مشوهة المنظر .. البطري والبيطريين على راسي .. بس المسألة اضن ماتحتاج دكتور تحتاج هاوي صاحب خبرة ياليت الهواة اصحاب الخبرة يفيدوني ولهم مني جزيل الشكر وخالص الدعاء |
رد: واللي يرحم والديكم ساعدوني
اختي الكريمه اولا وضع الاسئله يكون في قسم سؤال و جواب و سوف يتم نقل الموضوع الى القسم الصحيح بخصوص مشكله الطائر البيطري التي ذهبتي اليه مبالغ جدا في الموضوع فالامر لا يحتاج الى كل هذا المبلغ و انما مضاد حيوي لمده 4 ايام لا يتجاوز سعر 25 ريال انصحك بمراجعه بيطري اخر ان كان الموضوع فعلا يستحق ذلك اما ان كانت الحاله عاديه و لا ضرر على الطائر فلا داعي للخوف و اتمنى لك التوفيق |
رد: واللي يرحم والديكم ساعدوني
250 ريال !
ويييييييييييين يختي قطو هو ؟! :confused: يالله ع العموم الحمدلله ع سلامته قدامه العافية ,, :) وبالنسبة للشي الصلب هذا اعتقد الصديد او الوصخ اللي طلع من انفه ونشف وقدر الله عليه ان يلزق بالخيشوم ,, يعني الدعوة يبيله تمسحينه بالمنديل بشوييش عشان ما يطلع دم ويروح فيها الولد ( بسم الله عليه ) اما اذا كانت حبة او لحمية طالعة فلازم تدخل طبي لحل هذه الأزمة الصحية <- <-- تنفع صحفية :p وطمنينا عنه يالطيبة ,,, |
رد: واللي يرحم والديكم ساعدوني
السلااااااام عليكم
طريقته زي ماقلت فتوته انك تجيبي منديل وتمسحي الماده بس افضل تحطي زيت افضل من الماء بس شويه مره لا يزيد وهذي يبغالها احد يثبث البغبغاء واذا كان مافي احد منكم يقدر ويه للبيطري وخليه ينظفه واذا كثرت ماراح ياخذ اكثر من 25 ريال |
رد: واللي يرحم والديكم ساعدوني
المبلغ مبالغ فيه
المهم اذا كان صحه الطير ممتازه كما كان عليك ان تصبري عليه هل المشكله سوف تذهب ام لا واذا كان المشكله نفسها اذهب الى بيطري آخر لعدم اعطاك كيس اكبر من القبل وشكراً |
رد: واللي يرحم والديكم ساعدوني
شكراً ميمو شكراً فتفوته شكراً وعد الهوى شكراً سيف
|
رد: واللي يرحم والديكم ساعدوني
هلا اختي الكريمه حياك لله ..... لامايصير وديه الدكتور البيطري اذا انتي ماتعرفين تمسكينه زين , الافرازات هذي ممكن تسوي له انفكشن مره ثانيه وترجع له المرض من جديد مهم جدا تنضيف وتعقيم المجرى التنفسي والأنف , ومايصير يستخدم زيت ولا حتى مويه عاديه , يستخدم مويه معقمه ملحيه تنظف وتعقم المنطقه المعنيه .. ولاتنسي اختي الكريمه أنك على أجر وبغض النظر عن المبلغ الي تدفعينه , لأن هذي روح انتي مؤتمنه عليها ,,, وعذرا للإطاله |
| جميع الأوقات بتوقيت GMT +3. الساعة الآن 07:30 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو