|
الطفله عبير
احد خواطرى التى كتبتها اتمنى أنها تنال الرضي والقبول http://www.pusup.com/up/get-7-2008-b6exkjly.gif طفلة جميلة أسمها عبير وشعرها ناعم أسود مثل الحرير ونا معها طفل صغير ما أعرف من الحياة إلا العب وكل الحياه فرح وسرور كان شيء يجمعنى نحسه ونشعره ولا نعرفه نلعب مع بعض بالرمال نبني بيوت وقصور أهدمها بيدي واهرب وتركض وراي لين نتعب كنت اهديها ورده اقطفها من الشارع ما اعرف اسمها ولا وش تعنى الي اعرفه انها تحبها وإني أدخل على قلبها السرور كنت اهديها فسحتى تعالي يا عبير خذي هذي فسحتى روحي اشتري تشتري لي ولها بسكوت وعصير ناكل ونضحك ونشتري بالباقي علك تعمل بفمها بالون صغير اضربه بيدي واضحك وهي تضحك طاير من الفرح والسرور تحب الايسكريم كثير وانا من طيبيتي اشتري لها من عند باب المدرسه واركض بسرعه لبيتها تنتضرني والاسكريم ذايب على يدي تاكل ما بقى منه وكان تعبيرها لي ابتسامه صغيره بمعانيها الكبيره امسك بيدي مسمار صغير وانحت اسمها على الجدار وهى تضحك وهى تكتب بالوان على يدي وترسم شمس وقمر وتكتب عبير لحظات عشتها معها سعاده وش يجمعنى معها هى صديقتي هى اختي هى كل شيء بدنيتي ما اعرف وش هذا الشعور رجعت من المدرسه بسرعه تسابقنى خطواتي اركض وانا مبتسم ماسك بقاي فسحتي هديه لها واقطف من الشارع ورود مشتاق لها وسارق من المدرسه شويت طباشير كانت تحب تلعب فيها وتكتب على الجدارن اسمي واسمها رجعت للبيت ما شفتها وين عبير اشوف ناس كثير عند بيتهم وسيارات وينها عبير دخلت بيتها بسرعه شافتى امها وهى تبكي ضمتني على صدرها يا ولدي ماتت عبير انقبض صدرى وانا ما اعرف وشهو يعنى ماتت طيب متى بترجع قالت راحت فوق فى السماء يا ولدي اصدمتها سياره وهربت وماتت عبير خفت من كل قلبي حسيت إن الأمر كبير ركضت بسرعه لبيتنا ورحت لأمي قلت يمه ماتت عبير وأمى تضمني وتبكي قلت لها وش يعنى ماتت ما راح ترجع ودوني معها قالت بعد الشر عليك يا ولدى هى الحين بالجنه بين الطيور تطير ما عرفت وش يقصدون إلا إني ما راح اشوفها خلاص هذا الي فهمته ظليت حزين وانطفى شيء بقلبي حسيت إني وحيد اجلس لوحدي عند باب بيتهم وابكي وينها عبير هذي هى سلوتى غبت عن المدرسه كثير كثير ورجعت قال لي المدرس قوم ياولد هذي حصت التعبير اكتب لنا على السبوره مسكت الطباشير بيدي وهى ترتجف ابي اكتب شيء يدور بقلبي كتبت ماتت عبير ماتت عبير هذا هو التعبير عازف الكيبورد |
رد: الطفله عبير
الله يعطيك العافيه وماتقصر
|
رد: الطفله عبير
شكرا الك>>> عازف الكيبورد......
,وعلى فكرة كتييير حلو الكلام... |
رد: الطفله عبير
اقتباس:
عازف اسمح لي بوضع هذه الابيات تحت هذه الصورة لنرى مخاطبة هذه الطفله لأمها وهي في قبرها :( يـــمـــه .. يـــمـــه يـــمــــه :rolleyes: تكفين اسمعيني يمـه بسألك شي جاوبيني هو صحيح اللي مات داخل القبر يصير حي ...؟؟؟ يــمـــه ... أسمع أنــا صوتك كل يوم اسمعه واذا حاكيتك ممكن تشفينى!! قالولى انسي وروحي يالله العبي .... !! يمه تعالي ارجعي والله خلاص بسمع كلامك ما اخرب العابي وان قلتي يالله روحي نامي أروح حتى ماتزعلي يمه تكفين ارجعي اليوم حطت لي المديره نجمه من فوق جبهتي يمه سمعتها تقول مسكينه هالبنت صارت يتيمه قالت لها ابله منيره مسكينه توها صغيره وش كانوا يقصدون ..؟ يمكن عشان صرت عاقله ولا عشاني دايم اسرحة يمه مريلتى توسخت ماكان قصدي اوسخها بس تذكرت انك تقولي بعد شهرين بشتري لك لبس ثاني يمـه تعالي اشتريلى يمـه عرفتي مها ..؟ صديقتي اللي معي زعلتني تقول ماصرت انا اضحـكها راحت تدور غيري عشان تلقى احد يونسهـا يــمــه يالله خلاص لاتمزحي يالله قومي تعالي معي للبيت ارجعي يمممه يمممه نسيت شي بقولك ترى بيتنا صار فاضي ماحد يجينا وكل اللي فيه انا واخواني ليه وين اقاربنا ..؟؟ وين خالتي اللي كانت تجينا يمممه قوومي يالله تعالي تكفين يالله تعالي ماودي ارجع لحالي والله خايفه ترى امس جيتك مارديتي حسبتك نــايمه أو اقولك خلاص خلاص انا بجيك بكرى اذا راحوا من هنا الناس .. تكفين يمه بكرى اصحي تكفين يمه بكرى راح ترجعى معى؟! مـــنــــقــــول تحياتي |
| جميع الأوقات بتوقيت GMT +3. الساعة الآن 08:27 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو