|
اول قطو عندي لاتبخلون بمعلوماتكم
السلام عليكم ورحمه الله وبركاته
هلا اخواني اخواتي الصراحه اليوم لقيت قطو عند الباب الداخلي للبيت وصراحه شكله حلوو مره المهم ناديت السواق وقالي هذا له يومين وهو بالبيت صراحه ما في امل ابد انه يكون حق شوارع :p اولا مواصفاته :اولا هوكبير مو صغير (ذكر) العيون زرق والشعر جدا كثيف بس يتساقط وحجمه كبير لكن الاحظ عليه النحف وشكله هاج من احد البيوت المهم وش اسويله واليوم راح اوديه العياده يروشونه ويطعمونه ويقصون اظافره (يخلونه وكاله) :D ولكن لما اجي امسح على ظهره مرات عادي ومرات يعصب ويبخ :eek: ويمخشني :confused: وان شالله بكره ومنزل الصوره لكن انتم وش رايكم لانه فصيله قويه :D وهذا اول قطو عندنا وش الممنوع اسويه واللي مفروض تكفون لاتبخلون علي تراي غبي جدا بالقطاوه:( ما اعرف شيء الا بالكلاب :) وما في اي احد سال عنه لحد الان تكفون ردوا علي باقرب وقت ايه صح بعض الاوقات تجي عند رجولي ووتتمسح فيهم وهي رافعه ظهرها لفوق (مدري بس حسيت انها بتفيد):p اخوكم نــــــــــــــواف |
رد: اول قطو عندي لاتبخلون بمعلوماتكم
اول شي هلا نواف
منور قسم القطط وبالنسبه للقط على نحافته اي مسكين شكله من فتره بالشارع انت بس اهتم بتغذيته اعطيه دجاج وبطاطس مسلووق .. زبادي .. أجبان .. دراي فود ( اكل جاف للقطط ) .. ماي طبعا وان شاءالله كلها اسبوع او اكثير شوي ويبدا يدبدب اقتباس:
اقتباس:
بس بعدين يوم حبيناهم قمنا نقرا عنهم وصرنا نفهم فيهم انت بس اهتم بنظافته .. يعني حممه كل اسبوع او كل اسبوعين الاكل .. حط له وجبه كل 5 ساعات او قبل .. لان مسكين شكله ناقص تغذيه مره اخذ حووض وحط فيه رمل طبي خاص بالقطط تحصله بالعيادات او محلات الحيوانات او السوبر ماركات الكبيره و حط القط فيه .. اذا شفته يسويها برا نظف المكان اللي يسوي فيه كووويس وبعدين انت بعد كل وجبه حطه بالرمل وكل كمن ساعه حطه بالرمل ولين تشوفه يستعد عشان يسويها عالارض انت شيله على طووووول وحطه بالرمل وفر له مكان هادي ومريح .. ولو عنكم اطفال نبهم انهم يتعاملون معه بلطف واذا شفته يخاف منهم لاتخليهم يقربون منه وحاول انك تمسح عليه كثير وتلعبه .. ولو بغيت تسميه .. وانت تمسح عليه او تأكله بيدك او حتى وهو ياكل بروحه ناده بالاسم او اذا تلعبه ناده بالاسم هذا الاشياء اللي لازم تسويها الممنوعات : الضرب ممنوع .. تطلعه برا البيت ممنوع .. تعطيه (اكل وبس) ممنوع يعني حلويات او مشروبات غازيه او منبهات او أكل ني او بقايا اكلكم .. ممكن تعطيه البقايا بس بعد غسلها عشان ماتكون فيها بهارات وملح وهالشغلات اقتباس:
هذا معناتها انه يحط ريحته الخاصه فيك .. ( تملك ) طبعا الريحه احنا مانشمها بس القطط يشموونها وان شاءالله تكون تجربه حلوه لك وياه ^,^ وطبعا لازم تقرا المواضيع بالقسم .. عشان تتثقف في القطط وتصير فاهم فيهم وتعرف ولو احتجت اي شي .. حط سؤاالك ومحد بيقصر وياك ان شاءالله بالتوفيق |
رد: اول قطو عندي لاتبخلون بمعلوماتكم
اولا صباح الخير
والله انك رهيبه تصدقيين انك عطيتيني معلومات حلوه لكن وش رايك اوديه العياده اليوم معليش لكن هل الحليب يضر القطو لانه قريت قبل شوي انه يسبب وانتي بكرامه اسهال تسلمين وما تقصرين يا عسل وان شالله اي سوال عندك عالطول |
رد: اول قطو عندي لاتبخلون بمعلوماتكم
صباح النور
وبعدين هذا واجبنا اخوي ^,^ الحليب اي يسبب سهال وانت بكرامه اذا تبي تعطيه .. اعطيه اياه مره او مرتين بالاسبوع بشرط يكون مخفف بموويه عشان مايسبب له اسهال ويكون قليل الدسم اي طبعا وديه العياده اليوم .. خل البيطري يشيك على اسنانه ولثته وعيونه وجلده وشعره باختصار ( تشيك آب ) واذا قدر يحممه لك ويقص اظافره احسن واحسن .. وتعلم منه .. واذا مارضى انت بس صب علي مويه لين يتبلل بعدين حط الشامبو ( خاص بالقطط .. او ممكن جونسون للأطفال بس ممكن مايناسبه ويسوي له جفاف ) وافركه عدل ونظفه كوويس .. وبعدين اشطف الشامبو بالمويه .. وجففه بالفوووطه اكثر من مره وبعدين هو بيجف بروحه بس طبعا خليه بمكان دافي عشان مايدخله برد ... والاظافر مو ضروري بس اذا تبغى انت اشتر المقص الخاص بالقطط او حتى مال الانسان عااادي بس خل الفتحه اللي تقص منها بالطول .. وقص راس الظفر بسسس لانه لو قصيت اكثر راح تقطع وريد منه ويطلع دم .. وان حصل وطلع دم .. اخذ قطنه وبللها بمويه وشوي صابون ويوقف الدم .. بالتوفيق اخوي |
رد: اول قطو عندي لاتبخلون بمعلوماتكم
وييييييه اخوي سيسي مون ما عطتنا مجال نتكلم كلامها كله صحيح 100 %
وما انصحك تحممه الحين لانه راح يعصب وايد انطر شوي عليه |
رد: اول قطو عندي لاتبخلون بمعلوماتكم
واذا تقدر تيب صوره جيب خنقولك نوعيته ان قدرنا
|
رد: اول قطو عندي لاتبخلون بمعلوماتكم
اللي قبلي ما قصروا
بس حاول تدور على صاحبه يمكن ساكن قريب منكم اذكر يوم ضاعت قطوتي لولو مابقيت مكان مادورت وتمنيت احد يدلني عليها حتى محلات الحيونات حطيت صورتها عندهم واذا ما حصلت خبر حلال عليك :) |
رد: اول قطو عندي لاتبخلون بمعلوماتكم
والله فاتكم اليوم
وديتها العياده اول قص الاظافر وبعدين حمموه والله قعد يسوي نفسه لكن حمموه ونظفوه واستشوروا شعره وطلعلته شهادة تطعيم وطعمته المهم طلع شكله يفتح النفس ويقولي نوعه امريكان شورت هير ويقول يسمى فارسي بس المشكله انه حتى بعد ما وديته عنده مشكله للحين وهي انه شعره يتساقط ومشكورررين لكل اللي ردوا وما قصرتوا |
رد: اول قطو عندي لاتبخلون بمعلوماتكم
اوووه مبرووك صار نظيف :p
اخوي الامريكان شورت هير شي والفارسي شي ثاني الفارسي هو نفسه الشيرازي بس الامريكان غير عنهم انت حط الصوره وان شاءالله نساعدك اما عن تساقط الشعر .. بكميه كبيره كبيره او عاادي لان دائما القطط اللي شعرها طويل وكثيف شعرهم يطيح بش بشكل طبيعي اما اذا بكميه كبيره كبيره وديه البيطري يشيك عليه يمكن عنده ديدان او يمكن راعيه السابق كان يأكله اسماك ( السمك يسبب تساقط شعرر للقطط ) |
رد: اول قطو عندي لاتبخلون بمعلوماتكم
مبروك عليك فيه ,,,,,
يتربى في عزك ان شاء الله |
| جميع الأوقات بتوقيت GMT +3. الساعة الآن 03:10 PM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو