|
شوية إستفسارات بخصوص الدجاج .. أتمنى تجاوبوني عليها بسرعة
السلام عليكم أنا جديد في المنتدى و أول مرة أشارك و أتمنى تقبلوني عضو معكم عموما انا عندي كم سؤال بخصوص الدجاج البلدي اللي مربيه من فترة قريبة و أمس باضت الدجاجة أول بيضة و كانت في مكان مو مناسب قمت و نقلت البيضة لمكان مناسب و حطيت الأكل للدجاجة في مكان البيضة عشان تشوفها ... اللي صار انه الدجاجة اليوم ما باضت و انا مستغرب لأني أعرف ان الدجاج يبيض يوميا فأتمنى أن تفيدوني و هل إذا نقلت البيض راح تبيض الدجاجة في المكان الجديد أو لا ؟؟ و كيف أعرف أن المكان مناسب للبيض او مناسب يا ليت انكم تتفاعلون مع اسئلتي ثلاثة ديوك و ثلاث دجاجات و أخيرا اتمنى اني ما أزعجتكم و إني أكون عضو خفيف عليكم في هذا المنتدى الرائع |
رد: شوية إستفسارات بخصوص الدجاج .. أتمنى تجاوبوني عليها بسرعة
يا اخي اولا الديوك وايد الي عندك ! خل 3 ديايات وديك واحد بس ! او انك تعزل كل ديك وديايه بصوب .. يكونون معزولين
ثاني شي .. مو شرط الدياي يبيض بمكان مناسب بنظرك يعني تشوفه بزاويه او بمكان زين .. المهم ان مكان واحد وتجمع البيض في هذا المكان اذا تبيض دايما بنفس المكان ومجمعه البيض خلها ... اما اذا كل بيضه بمكان .. حاول انك تحكرها وتحطلها بيت للبيض خشبي ... ويكون واسع يكفي الديايه مع البيض وان شاء الله جاوبت على اسئلتك بالشكل المطلوب |
رد: شوية إستفسارات بخصوص الدجاج .. أتمنى تجاوبوني عليها بسرعة
بصراحه الأخ possessed ماشالله جاوب على كل شي بس حبيت اقولك انه مو شرط الديايه تبيض كل يوم لأن عندي ديايه تبيض كل يوم وترك ...
تقبل مروري ,,, |
رد: شوية إستفسارات بخصوص الدجاج .. أتمنى تجاوبوني عليها بسرعة
ماشاء الله الاخ pooseed كفا ووفا
|
رد: شوية إستفسارات بخصوص الدجاج .. أتمنى تجاوبوني عليها بسرعة
انا مع كلام الأخ possessed لازم ديك واحد بس عشان ما يتخانقون الديكة على الدجاج أو على السلطة
او انك تعزلهم لكن لا تحرك البيض او تلمسه لأن ممكن انه يموت الجنين بعدين بعض الدجاج يبيض كل بيضة بمكان واذا باض آآخر بيضة يجمع البيض بمكان مناسب له ويرقد عليه لا تستعجل ولا تلمس البيض تقبل مروري |
رد: شوية إستفسارات بخصوص الدجاج .. أتمنى تجاوبوني عليها بسرعة
وعليُكم السلأم / نورت المنتدى
اقتباس:
وآحتمآل تبيض بنفس المكان الي نقلته او مكآن ثآني المهم يكون مكآن منآسب للبيض ومكان آمن . اقتباس:
يكونً المكآن منآسب للبيض وبعدين عن المجموعه ويكون في تهوئه مناسبه لأزم تخصص مكان للتفريخ :) ولا تبيض بمكان غير مناسب . اقتباس:
وشكلها يكون مو حلو لازم يكون ديك واحد فقط يكون الافضل :) وإن شاء الله قدرت افيدك |
| جميع الأوقات بتوقيت GMT +3. الساعة الآن 08:20 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو